3-1 என்ற கோல் கணக்கில் சென்னையிடம் தோற்றது இந்தியா…

India lost 3-1 goal by chennai

சென்னை லீக் சீனியர் டிவிஷன் கால்பந்து போட்டியின் லீக் ஆட்டத்தில் சென்னை யுனைடெட் அணியிடம் 3-1 என்ற கோல் கணக்கில் இந்தியன் வங்கி அணி தோற்றது.

செயின்ட் ஜோசப் கல்வி குழும் - சென்னை கால்பந்து சங்கம் சார்பில் சென்னை லீக் கால்பந்து போட்டிகள் சென்னை ஜவாஹர்லால் நேரு மைதானத்தில் நடைபெற்று வருகின்றன.

இதில் நேற்று நடைபெற்ற சீனியர் டிவிஷன் லீக் முதல் ஆட்டத்தில் சென்னை யுனைடெட் அணி 3-1 என்ற கோல் கணக்கில் இந்தியன் வங்கி அணியைத் தோற்கடித்தது.

சென்னை யுனைடெட் தரப்பில் அனாஸ் நதானீல் (60-ஆவது நிமிடம்), அமோஸ் (66), சாந்தகுமார் (90+4) ஆகியோர் தலா ஒரு கோலடித்தனர்.

இந்தியன் வங்கி தரப்பில் ஜோசப் ஒரு கோலடித்தார். அமோஸ் ஆட்டநாயகனாகத் தேர்வு செய்யப்பட்டார்.

சென்னை சுங்கத் துறை - தெற்கு ரயில்வே இடையிலான மற்றொரு ஆட்டம் 1-1 என்ற கோல் கணக்கில் சமனில் முடிந்தது.

விறுவிறுப்பாக நடைபெற்ற இந்த ஆட்டத்தின் 16-ஆவது நிமிடத்தில் தெற்கு ரயில்வே வீரர் சரத்ராஜ் கோலடிக்க, 25-ஆவது நிமிடத்தில் சுங்கத் துறை வீரர் ஸ்ரீராம் பதிலடி கொடுத்தார்.

இதன்பிறகு கோல் எதுவும் விழாததால் இந்த ஆட்டம் 1-1 என்ற கோல் கணக்கில் சமனில் முடிந்தது.

ஸ்ரீராம் ஆட்டநாயகனாகத் தேர்வு செய்யப்பட்டார்.