U-19 அணியில் சச்சின் மகன்.. பயிற்சியளிக்காத டிராவிட்

dravid will not coach sachin son

இலங்கை சுற்றுப்பயணத்தில் இந்தியாவின் 19 வயதுக்கு உட்பட்ட அணிக்கு சச்சின் மகன் அர்ஜூன் தேர்வு செய்யப்பட்டுள்ளார். ஆனால் 19 வயதுக்கு உட்பட்ட ஜூனியர் அணிக்கு பயிற்சியாளராக இருக்கும் டிராவிட், அர்ஜூனுக்கு இந்த தொடரில் பயிற்சியளிக்க முடியாமல் போய்விட்டது. 

அடுத்த மாதம் இந்திய ஜூனியர் அணி இலங்கைக்கு செல்கிறது. 4 நாட்கள் நடைபெறும் போட்டிகள் 2 மற்றும் 5 ஒருநாள் போட்டிகளில் இந்திய ஜூனியர் அணியும் இலங்கை ஜூனியர் அணியும் மோதுகின்றன. 

அதே சமயத்தில் இந்திய “ஏ” அணி இங்கிலாந்தில் நடக்கும் முத்தரப்பு தொடரில் ஆடுவதால், அந்த அணிக்கு பயிற்சியாளராக டிராவிட் செல்ல உள்ளார். அதனால் இந்திய ஜூனியர் அணிக்கு பயிற்சியளிக்க முடியாத நிலை உருவாகியுள்ளது. 

டிராவிட்டுக்கு பதிலாக இந்திய அணியின் முன்னாள் ஆல்ரவுண்டர் WV.ராமன், இந்திய ஜூனியர் அணிக்கு பயிற்சியாளராக செயல்பட உள்ளார். அதனால் சச்சினின் மகன் அர்ஜூனுக்கு டிராவிட் பயிற்சியளிக்க முடியாத நிலை உள்ளது. 

எனினும் இந்திய ஜூனியர் அணியில் சச்சின் மகன் இடம்பெற்றுவிட்டதால், அடுத்தடுத்த தொடர்களில் டிராவிட் பயிற்சியளிப்பார்.