செஸ்-க்கு சென்னை சாம்பியன்; கேரம்-க்கு மும்பை சாம்பியன்…

Chennai to Chess Champion Carrom Championship at Mumbai

சென்னையில் நடைபெற்ற இந்திய பெருந்துறைமுகங்கள் இடையிலான செஸ் போட்டியில் சென்னை துறைமுக அணியும், கேரம் போட்டியில் மும்பை அணியும் சாம்பியன் வென்று அசத்தின.

சென்னை ஜவாஹர்லால் நேரு விளையாட்டு அரங்கில் நடைபெற்ற இந்திய பெருந்துறைமுகங்கள் இடையிலான செஸ் மற்றும் கேரம் போட்டியை கடந்த வியாழக்கிழமை இந்தியாவின் முதல் இண்டர்நேஷனல் மாஸ்டரான மானுவேல் ஆரோன் தொடங்கி வைத்தார்.

மூன்று நாள்கள் நடைபெற்ற இப்போட்டியில் மும்பை, கோவா, மங்களூர், விசாகப்பட்டினம், சென்னை, எண்ணூர் காமராஜர் உள்ளிட்ட ப்ன்பது துறைமுகங்களைச் சேர்ந்த சுமார் 115 வீரர்கள் பங்கேற்றனர்.

இதில் செஸ் போட்டியில் சென்னை அணியும், கேரம் போட்டியில் மும்பை அணியும் ஒட்டுமொத்தச் சாம்பியன் பட்டம் வென்று அசத்தின.

சனிக்கிழமை நடைபெற்ற நிறைவு விழா நிகழ்ச்சியில் வெற்றி பெற்ற அணிகளுக்கு பரிசு மற்றும் சான்றிதழ்களை காமராஜர் துறைமுகத்தலைவர் எம்.ஏ.பாஸ்கராச்சார் வழங்கி சிறப்பித்தார்.