அசத்தலாக ஆடியதால் ஆஸ்திரேலியாவின் முதல் நாள் ஸ்கோர் 229...

Australia scored 229 runs in the first match day of stunning ...

இந்தியாவுக்கு எதிரான மூன்றாவது டெஸ்ட் கிரிக்கெட் போட்டியின் முதல் நாள் ஆட்டநேர முடிவில் ஆஸ்திரேலியா தனது முதல் இன்னிங்ஸில் அசத்தலாக ஆடி 90 ஓவர்களில் 4 விக்கெட் இழப்புக்கு 299 ஓட்டங்கள் எடுத்தது.

ஜார்க்கண்ட் தலைநகர் ராஞ்சியில் இந்தியாவுக்கு எதிரான மூன்றாவது டெஸ்ட் கிரிக்கெட் போட்டி நேற்று தொடங்கியது.

இதில் டாஸ் வென்று முதலில் பேட் ஆஸ்திரேலிய அணியில் டேவிட் வார்னர் - மட் ரென்ஷா ஜோடி முதல் விக்கெட்டுக்கு 9.4 ஓவர்களில் 50 ஓட்டங்கள் சேர்த்தது.

வார்னர் 19 ஓட்டங்கள் எடுத்த நிலையில் ஜடேஜா பந்துவீச்சில் அவரிடமே கேட்ச் ஆனார்.

இதனையடுத்து கேப்டன் ஸ்டீவன் ஸ்மித் களம் இறங்க்கினார். மறுமுனையில் சிறப்பாக ஆடிய ரென்ஷா 69 பந்துகளில் 7 பவுண்டரிகளுடன் 44 ஓட்டங்கள் சேர்த்து உமேஷ் யாதவ் பந்துவீச்சில் ஆட்டமிழந்தார்.

இதன்பிறகு ஷான் மார்ஷ் 2 ஓட்டங்களில் அவுட்டாக, பீட்டர் ஹேண்ட்ஸ்காம்ப் களம்புகுந்தார்.

ஒருபுறம் விக்கெட் விழுந்தாலும், மறுமுனையில் நிதானமாக ஆடிய ஸ்மித் 104 பந்துகளில் அரை சதத்தை எட்டினார். ஆனால் அடுத்த பந்தில் பீட்டர் ஹேண்ட்ஸ்காம்ப் 19 ஓட்டங்களில் வெளியேற, கிளென் மேக்ஸ்வெல் இறங்கினார்.

நீண்ட நாள்களுக்குப் பிறகு டெஸ்ட் அணிக்குத் திரும்பியுள்ள மேக்ஸ்வெல், தனது இடத்தை தக்கவைப்பதற்காக ஆரம்பம் முதலே மிகுந்த எச்சரிக்கையோடு ஆடினார். வழக்கத்துக்கு மாறாக நிதானமாக ஆடிய மேக்ஸ்வெல், ஜடேஜா வீசிய 74-ஆவது ஓவரில் சிக்ஸரை விளாசி 95 பந்துகளில் அரை சதத்தை எட்டினார்.

இதன்பிறகு முரளி விஜய் பந்துவீச்சில் பவுண்டரியை விரட்டி 227 பந்துகளில் சதத்தை எட்டினார் ஸ்மித். இந்தத் தொடரில் அவர் அடித்த 2-ஆவது சதம் இது.

முதல் நாள் ஆட்டநேர முடிவில் ஆஸ்திரேலியா 90 ஓவர்களில் 4 விக்கெட் இழப்புக்கு 299 ஓட்டங்கள் குவித்துள்ளது. ஸ்மித் 117, மேக்ஸ்வெல் 82 ஓட்டங்களுடன் களத்தில் உள்ளனர்.

இந்தியத் தரப்பில் உமேஷ் யாதவ் இரண்டு விக்கெட்டுகளையும், அஸ்வின், ஜடேஜா ஆகியோர் தலா ஒரு விக்கெட்டையும் வீழ்த்தியுள்ளனர்