ஆசிய கோப்பை: கடைசி நிமிடத்தில் கோல் அடித்து தென்கொரியாவுடன் சமனானது இந்தியா…

Asian Cup Goal in the last minute and equal India with South Korea

பத்தாவது ஆசிய கோப்பை வலைகோல் பந்தாட்டப் போட்டியில் 1-1 என்ற கணக்கில் தென்கொரியாவுடனான ஆட்டத்தை சமன் செய்தத் இந்தியா.

எட்டு அணிகள் இடையிலான 10-வது ஆசிய கோப்பை வலைகோல் பந்தாட்டப் போட்டி வங்காளதேசத்தில் நடந்து வருகிறது.

இதில் லீக் ஆட்டங்கள் முடிவில் ‘ஏ’ பிரிவில் முதல் இரண்டு இடங்களைப் பிடித்த இந்தியா, பாகிஸ்தான் அணிகளும், ‘பி’ பிரிவில் முதல் இரண்டு இடங்களை பிடித்த மலேசியா, தென்கொரியா அணிகளும் 2-வது சுற்றுக்கு முன்னேறின.

இரண்டு சுற்றில் ஒவ்வொரு அணியும் மற்ற அணியுடன் தலா ஒரு முறை மோத வேண்டும். இதன்முடிவில் முதல் இரண்டு இடங்களைப் பிடிக்கும் அணிகள் இறுதிப் போட்டிக்கு தகுதிப் பெறும்.

இரண்டாவது சுற்றில் நேற்று இந்திய - தென்கொரியா அணிகள் மோதின. ஆரம்பம் முதலே விறுவிறுப்பாக சென்ற இந்த ஆட்டத்தில் முதல் பாதியில் இரண்டு அணிகளும் பல வாய்ப்புகள் கிடைத்தும் அவற்றை வீணடித்தன. இதனால் முதல் பாதியில் இரண்டு அணிகளும் கோல் எதையும் அடிக்கவில்லை.

இந்த நிலையில் இரண்டாவது பகுதி தொடங்கியதும் ஆட்டத்தின் 41-வது நிமிடத்தில் தென்கொரியா அணியின் லீ சூன்க்சூன் முதல் கோல் போட்டு ஆட்டத்தின் போக்கை மாற்றினார்.

பின்னர், இந்தியாவின் முயற்சிகள் அணைத்தும் தொடர்ந்து வீணாகின. இந்த நிலையில் இந்தியா வெற்றி பெறாது என எதிர்ப்பார்த்த நிலையில் ஆட்டத்தில் கடைசி சில நிமிடங்களில் இந்திய அணியின் குர்ஜந்த் சிங் கோல் அடித்தார். இதனால் 1-1 என்ற கோல் கணக்கில் ஆட்டம் சமனில் முடிந்தது.