முதலிடத்தில் நிலைத்து நிற்கும் “அஸ்வின்”…

சர்வதேச டெஸ்ட் கிரிக்கெட் பந்துவீச்சாளர்கள் தரவரிசையில் இந்தியாவின் அஸ்வின் தொடர்ந்து முதலிடத்தில் நிலைத்து நிற்கிறார்.

அவர் 900 புள்ளிகளுடன் முதலிடத்திலும், தென் ஆப்பிரிக்காவின் டேல் ஸ்டெயின் (878) 2-ஆவது இடத்திலும், இங்கிலாந்தின் ஜேம்ஸ் ஆண்டர்சன் (861) மூன்றாவது இடத்திலும் உள்ளனர்.

மற்றொரு இந்திய சுழற்பந்து வீச்சாளரான ரவீந்திர ஜடேஜா 805 புள்ளிகளுடன் 7-ஆவது இடத்தில் உள்ளார்.

பேட்ஸ்மேன்கள் தரவரிசையில் ஆஸ்திரேலிய கேப்டன் கேப்டன் ஸ்டீவன் ஸ்மித் முதலிடத்தைத் தக்கவைத்துக் கொண்டுள்ளார். பாகிஸ்தான் வீரர் மிஸ்பா உல் ஹக் 3 இடங்கள் முன்னேறி 2-ஆவது இடத்தைப் பிடித்துள்ளார். இங்கிலாந்தின் ஜோ ரூட் 3-ஆவது இடத்தில் உள்ளார்.

இந்திய பேட்ஸ்மேன்களில் அஜிங்க்ய ரஹானே 825 புள்ளிகளுடன் 6-ஆவது இடத்தில் உள்ளார்.

புஜாரா, கோலி ஆகியோர் முறையே 15 மற்றும் 17-ஆவது இடங்களில் உள்ளனர்.

ஆல்ரவுண்டர் தரவரிசையில் அஸ்வின் முதலிடத்தைத் தக்கவைத்துக் கொண்டார்.