ஊக்கமருந்து விவகாரத்தில் தமிழக தடகள வீராங்கனை தனலட்சுமிக்கு 3 ஆண்டுகள் தடை

ஊக்கமருந்து விவகாரத்தில் தமிழக தடகள வீராங்கனை தனலட்சுமிக்கு 3 ஆண்டுகள் தடை விதிக்கப்பட்டுள்ளது.  

காமன்வெல்த் விளையாட்டு போட்டிகள் இங்கிலாந்தின் பர்மிங்காமில் நடந்துவருகிறது. காமன்வெல்த்தில் கலந்துகொண்டுள்ள இந்திய வீரர்கள், வீராங்கனைகள் சிறப்பாக விளையாடி பதக்கங்களை வென்றுவருகின்றனர்.

பர்மிங்காம் காமன்வெல்த்தில் 100மீ ஓட்டம் மற்றும் 4*100மீ தொடர் ஓட்டம் ஆகிய போட்டிகளில் கலந்துகொள்ளவிருந்த தமிழகத்தை சேர்ந்த தனலட்சுமி ஊக்கமருந்து எடுத்துக்கொண்டது பரிசோதனையில் தெரியவந்ததால், காமன்வெல்த் போட்டிக்கான இந்திய அணியிலிருந்து அவர் நீக்கப்பட்டார்.

இந்நிலையில், அவர் ஊக்கமருந்து உட்கொண்டதை ஒப்புக்கொண்டதால் அவருக்கு 4 ஆண்டுகள் விதிக்கப்படவிருந்த தடை, 3 ஆண்டுகளாக குறைக்கப்பட்டது. ஊக்கமருந்து எடுத்துக்கொண்டதற்காக 3 ஆண்டுகள் தனலட்சுமிக்கு தடைவிதிக்கப்பட்டுள்ளது.

அதேபோல, தமிழக தடகள வீரர் மகிமைராஜுக்கு 4 ஆண்டுகள் தடை விதிக்கப்பட்டுள்ளது.