India vs Netherlands: 30 பந்துகளில் 50 ரன்கள் – சுப்மன் கில்லிற்கு பாராட்டு தெரிவித்த விராட் கோலி!
By Rsiva kumar | First Published Nov 12, 2023, 4:28 PM ISTநெதர்லாந்துக்கு எதிரான 45ஆவது லீக் போட்டியில் அதிரடியாக விளையாடி அரைசதம் அடித்த சுப்மன் கில்லிற்கு விராட் கோலி பாராட்டு தெரிவித்துள்ளார்.
இந்தியாவில் நடந்து வரும் 13ஆவது கிரிக்கெட் உலகக் கோப்பை இறுதிகட்டத்தை நெருங்கி விட்டது. உலகக் கோப்பையின் கடைசி லீக் போட்டி தற்போது பெங்களூருவில் நடந்து வருகிறது. இதில், டாஸ் வென்று இந்திய அணி முதலில் பேட்டிங் செய்து வருகிறது. அதன்படி ரோகித் சர்மா மற்றும் சுப்மன் கில் இருவரும் தொடக்க வீரர்களாக களமிறங்கி விளையாடினர். இதில், தொடக்கம் முதலே அதிரடியாக விளையாடிய சுப்மன் கில் பவுண்டரியும், சிக்ஸருமாக விளாசினார். அவர் அடித்த சிக்ஸர் ஒன்று 95 மீட்டர் தூரம் சென்று மைதானத்தின் மேற்கூரை மீது விழுந்தது. தொடர்ந்து விளையாடிய கில் 30 பந்துகளில் 50 ரன்கள் குவித்தார். இந்த உலகக் கோப்பையில் 3ஆவது முறையாக அரைசதம் அடித்துள்ளார். அதோடு, சர்வதேச கிரிக்கெட்டில் 12ஆவது முறையாக அரைசதம் அடித்துள்ளார்.
IND vs NED: சர்வதேச கிரிக்கெட்டில் ஓபனராக 14,000 ரன்களை கடந்து ரோகித் சர்மா சாதனை!
Latest Videos
ஆனால், அதன் பிறகு நீண்ட நேரம் நீடிக்கவில்லை. கில், 32 பந்துகளில் 3 பவுண்டரி, 4 சிக்ஸர் உள்பட 51 ரன்கள் சேர்த்து ஆட்டமிழந்தார். மைதானத்திலிருந்து வெளியேறிய சுப்மன் கில்லிற்கு விராட் கோலி பாராட்டு தெரிவித்துள்ளார். சுப்மன் கில்லைத் தொடர்ந்து ரோகித் சர்மா 44 பந்துகளில் ஒரு நாள் போட்டிகளில் 55ஆவது அரைசதம் அடித்தார். ஒருநாள் போட்டி உலகக் கோப்பைகளில் அதிக முறை 50 ரன்களுக்கு மேல் எடுத்தவர்களின் பட்டியலில் ரோகித் சர்மா 3ஆவது இடம் பிடித்துள்ளார். 26 இன்னிங்ஸ்களில் 13 முறை 50 ரன்களுக்கு மேல் அடித்துள்ளார். மேலும், சர்வதேச கிரிக்கெட்டில் 100ஆவது அரைசதம் அடித்து சாதனை படைத்துள்ளார்.
போதும் நீங்க விளையாடி கிழிச்சது – ஓரங்கப்பட்டப்பட்ட ஜானி பேர்ஸ்டோவ், பென் ஸ்டோக்ஸ், ஜோ ரூட்!
இந்த நிலையில் தான் இந்தப் போட்டியின் மூலமாக சர்வதேச கிரிக்கெட்டில் ஓபனராக களமிறங்கி 14000 ரன்களை கடந்து சாதனை படைத்துள்ளார். அவர், 325 இன்னிங்ஸ்களில் இந்த சாதனையை நிகழ்த்தியிருக்கிறார். இந்தப் போட்டியில் 12 ரன்கள் எடுத்ததன் மூலமாக 14000 ரன்களை கடந்துள்ளார். மொத்தமாக 14,049 ரன்கள் குவித்துள்ளார். அதுமட்டுமின்றி இந்த ஆண்டில் அதிக சிக்ஸர்கள் அடித்தவர்களின் பட்டியலில் தென் ஆப்பிரிக்காவின் முன்னாள் வீரர் ஏபி டிவிலியர்ஸ் சாதனையை முறியடித்துள்ளார்.
India vs Netherlands: சரவெடியாய் வெடிக்குமா ரோகித் சர்மா அண்ட் கோ? டாஸ் வென்ற இந்தியா பேட்டிங்!
இந்த 2023 ஆம் ஆண்டில் மட்டும் அதிக சிக்ஸர்கள் (60) அடித்து ரோகித் சர்மா முதலிடம் பிடித்துள்ளார். டிவிலியர்ஸ் 58 சிக்ஸர்கள் (2015) அடித்து 2ஆவது இடத்தில் இருக்கிறார். கிறிஸ் கெயில் 56 சிக்ஸர்கள் (2019) அடித்துள்ளனர்.
சேனலை கிளிக் செய்து பின்தொடரவும்