RR vs GT: டாஸ் ரிப்போர்ட்.. RR அணியில் ஒரு மாற்றம்.! குஜராத்ன் டைட்டன்ஸ் அணியில் 2 அதிரடி மாற்றங்கள்

குஜராத் டைட்டன்ஸுக்கு எதிரான போட்டியில் டாஸ் வென்ற ராஜஸ்தான் ராயல்ஸ் அணி ஃபீல்டிங்கை தேர்வு செய்தது.   

ஐபிஎல் 15வது சீசன் விறுவிறுப்பாக நடந்துவரும் நிலையில், இன்றைய போட்டியில் ராஜஸ்தான் ராயல்ஸும் குஜராத் டைட்டன்ஸும் ஆடுகின்றன.

ராஜஸ்தான் ராயல்ஸ் மற்றும் குஜராத் டைட்டன்ஸ் ஆகிய இரு அணிகளும் மோதுகின்றன. இரு அணிகளுமே இதுவரை ஆடிய  4 போட்டிகளில் தலா 3 வெற்றிகளை பெற்றுள்ளன. ஆனால் ராஜஸ்தான் ராயல்ஸ் அணியின் நெட் ரன்ரேட் அதிகமாக இருப்பதால் ராஜஸ்தான் அணி புள்ளி பட்டியலில் முதலிடத்திலும், குஜராத் அணி 5ம் இடத்திலும் உள்ளன.

இன்றைய போட்டியில் 4வது வெற்றியை பெறும் முனைப்பில் இரு அணிகளும் களமிறங்குவதுடன், இரு அணிகளுமே சமபலம் வாய்ந்த அணிகளாக திகழ்வதால் போட்டி மிகக்கடுமையாக இருக்கும். 

மும்பை டி.ஒய்.பாட்டீல் மைதானத்தில் நடக்கும் இந்த போட்டியில் டாஸ் வென்ற ராஜஸ்தான் ராயல்ஸ் அணி ஃபீல்டிங்கை தேர்வு செய்துள்ளது. 

ராஜஸ்தான் ராயல்ஸ் அணியில் ஒரு மாற்றம் செய்யப்பட்டுள்ளது. ஃபாஸ்ட் பவுலர் டிரெண்ட் போல்ட்டுக்கு காயம் ஏற்பட்டதால் அவருக்கு பதிலாக ஃபாஸ்ட் பவுலிங் ஆல்ரவுண்டர் ஜிம்மி நீஷம் சேர்க்கப்பட்டுள்ளார்.

ராஜஸ்தான் ராயல்ஸ் அணி:

ஜோஸ் பட்லர், தேவ்தத் படிக்கல், சஞ்சு சாம்சன் (கேப்டன், விக்கெட் கீப்பர்), ராசி வாண்டெர் டசன், ஷிம்ரான் ஹெட்மயர், ரியான் பராக், ஜிம்மி நீஷம், ரவிச்சந்திரன் அஷ்வின், குல்தீப் சென், பிரசித் கிருஷ்ணா, யுஸ்வேந்திர சாஹல்.

குஜராத் டைட்டன்ஸ் அணியில் 2 மாற்றங்கள் செய்யப்பட்டுள்ளது. விஜய் சங்கர் மீண்டும் ஆடுவதால், அவருக்கு பதிலாக கடந்த 2 போட்டிகளில் ஆடிய சாய் சுதர்சன் நீக்கப்பட்டுள்ளார். ஃபாஸ்ட் பவுலர் நால்கண்டே நீக்கப்பட்டு அவருக்கு பதிலாக யஷ் தயால் சேர்க்கப்பட்டுள்ளார்.

குஜராத் டைட்டான்ஸ் அணி:

மேத்யூ வேட் (விக்கெட் கீப்பர்), ஷுப்மன் கில், விஜய் சங்கர், ஹர்திக் பாண்டியா (கேப்டன்), டேவிட் மில்லர், அபினவ் மனோகர், ராகுல் டெவாட்டியா, ரஷீத் கான், லாக்கி ஃபெர்குசன், முகமது ஷமி, யஷ் தயால்.