மின்னல் வேக பந்துவீச்சு! ஆஸி.க்கு எதிராக மார்க் வுட் செய்த மிரட்டலான சாதனை!

ஆஸ்திரேலியாவுக்கு எதிரான சாம்பியன்ஸ் டிராபி ஆட்டத்தில் மார்க் வுட் மின்னல் வேகத்தில் பந்து வீசினார். தனது 4 ஓவர் ஸ்பெல்லை அதிவேகமாக நிறைவு செய்த அவர், 22 பந்துகளை மணிக்கு 150 கி.மீ. வேகத்தில் வீசினார்.

இங்கிலாந்து வேகப்பந்து வீச்சாளர் மார்க் வுட், சனிக்கிழமையன்று ஆஸ்திரேலியாவுக்கு எதிரான ஐசிசி சாம்பியன்ஸ் டிராபி தொடர் ஆட்டத்தில் மின்னல் வேகத்தில் பந்து வீசி பல சாதனைகளைப் படைத்துள்ளார்.

352 ரன்கள் என்ற பெரிய இலக்கை நோக்கி விளையாடிய ஆஸி., இன்னிங்ஸின் முதல் 10 ஓவர்களில் மார்க் வுட் தனது முதல் நான்கு ஓவர் ஸ்பெல்லில் சராசரியாக மணிக்கு 151.2 கிமீ வேகத்தில் பந்து வீசினார். மேலும், ஸ்டீவ் ஸ்மித்தின் விக்கெட்டை வீழ்த்தி ஆஸ்திரேலிய அணிக்கு ஆரம்பத்திலேயே பின்னடைவை ஏற்படுத்தினார்.

நான்கு ஓவர் ஸ்பெல்லில் அவர் வீசிய 24 பந்துகளில், இரண்டு பந்துகள் மட்டுமே 150 கிமீ வேகத்திற்குக் குறைவாக வாசினார். அந்தப் பந்துகளின் வேகம்கூட மணிக்கு 147.6 கி.மீ., 149.7 கி.மீ. என்ற அளவிலேயே இருந்தன. இந்த ஸ்பெல்லில் அவர் தொட்ட அதிகபட்ச வேகம் மணிக்கு 153.3 கிமீ.

இந்த ஸ்பெல் இங்கிலாந்து அணியின் மிக வேகமான ஸ்பெல் ஆக அமைந்தது. அதுமட்டுமின்றி ஐசிசி ஒருநாள் போட்டிகளில் மிக வேகமான ஸ்பெல், ஒட்டுமொத்தமாக ஆறாவது வேகமான ஸ்பெல் என்ற சாதனைகளையும் மார்க் வுட் நிகழ்த்தியுள்ளார்.

ஆஸ்திரேலியா டாஸ் வென்று முதலில் பந்துவீசத் தீர்மானித்தது. பில் சால்ட் மற்றும் ஜேமி ஸ்மித் மோசமான ஆட்டத்தால் இங்கிலாந்து அணி 43/2 என்ற நிலையில் இருந்தது. பின்னர் டக்கெட் ஜோ ரூட் (68) உடன் 158 ரன்கள் பார்ட்னர்ஷிப் அமைத்து இங்கிலாந்தை 200 ரன்களைத் தாண்டச் செய்தார்.

ஆஸ்திரேலியா மற்ற விக்கெட்டுகளை எளிதாக எடுத்தாலும், டக்கெட் மார்னஸ் பந்துவிச்சீல் எட்டாவது விக்கெட்டாக வெளியேறினார். பென் டக்கெட் ஐசிசி சாம்பியன்ஸ் டிராபி வரலாற்றில் அதிகபட்ச ஸ்கோரை அடித்தார். டக்கெட் 143 பந்துகளில் 17 பவுண்டரிகள் மற்றும் மூன்று சிக்ஸர்களுடன் 115.38 ஸ்ட்ரைக் ரேட்டில் 165 ரன்கள் எடுத்தார். இதனால், இங்கிலாந்து அணி 50 ஓவர்களில் 351/8 ரன்கள் எடுத்தது.

முன்னதாக, ஐசிசி சாம்பியன்ஸ் டிராபி 2004 இல் ஓவலில் நடந்த போட்டியில் அமெரிக்காவுக்கு எதிராக நியூசிலாந்தின் நாதன் ஆஸ்டில் 145* ரன்கள் எடுத்ததே அதிகபட்ச ஸ்கோராக இருந்தது. அதை டக்கெட் முறியடித்துள்ளார். மேலும், ஒருநாள் போட்டிகளில் இங்கிலாந்து பேட்ஸ்மேன் எடுத்த ஐந்தாவது அதிகபட்ச தனிநபர் ஸ்கோர் இதுவாகும். ஒருநாள் போட்டிகளில் இங்கிலாந்து பேட்ஸ்மேன் எடுத்த அதிகபட்ச ஸ்கோர் பென் ஸ்டோக்ஸ், அவர் 2023 இல் ஓவலில் நியூசிலாந்துக்கு எதிராக 182 ரன்கள் எடுத்தார்.

மேலும், இங்கிலாந்து தங்கள் இன்னிங்ஸில் 351/8 ரன்கள் எடுத்தது, இது ஐசிசி சாம்பியன்ஸ் டிராபி வரலாற்றில் அதிகபட்ச ஸ்கோராகும், இது சாம்பியன்ஸ் கோப்பை 2004 இல் ஓவலில் அமெரிக்காவுக்கு எதிராக நியூசிலாந்து 347/4 எடுத்த ஸ்கோரை முறியடித்தது.