LSG vs MI: டாஸ் ரிப்போர்ட்.. தொடர் தோல்வி என்றாலும் மீசையை முறுக்கும் MI..! LSG அணியில் ஒரு மாற்றம்

லக்னோ சூப்பர் ஜெயிண்ட்ஸ் அணிக்கு எதிரான போட்டியில் டாஸ் வென்ற மும்பை இந்தியன்ஸ் அணி ஃபீல்டிங்கை தேர்வு செய்தது.  

ஐபிஎல் 15வது சீசனின் இன்றைய போட்டியில் லக்னோ சூப்பர் ஜெயிண்ட்ஸும் மும்பை இந்தியன்ஸும் மோதுகின்றன. மும்பை வான்கடேவில் நடக்கும் இந்த போட்டியில் முதல் வெற்றியை பதிவு செய்யும் முனைப்பில் மும்பை இந்தியன்ஸ் அணி களமிறங்கியுள்ளது.

இந்த சீசனில் இதற்கு முந்தைய 7 போட்டிகளிலும் தோல்வியடைந்த மும்பை அணி முதல் வெற்றியை எதிர்நோக்கி இறங்கியுள்ளது. டாஸ் வென்ற மும்பை அணி கேப்டன் ரோஹித் சர்மா ஃபீல்டிங்கை தேர்வு செய்தார்.

சிஎஸ்கேவிற்கு எதிரான கடந்த போட்டியில் தோல்வியை தழுவியிருந்தாலும், மும்பை இந்தியன்ஸ் அணி ஆடும் லெவன் காம்பினேஷனில் எந்த மாற்றமும் செய்யாமல் வீரர்கள் மீது நம்பிக்கை வைத்து, அதே காம்பினேஷனுடன் களமிறங்கியுள்ளது.

மும்பை இந்தியன்ஸ் அணி:

ரோஹித் சர்மா (கேப்டன்), இஷான் கிஷன் (விக்கெட் கீப்பர்), டிவால்ட் பிரெவிஸ், சூர்யகுமார் யாதவ், திலக் வர்மா,பொல்லார்டு, டேனியல் சாம்ஸ், ரித்திக் ஷோகீன், ரிலே மெரிடித், ஜெய்தேவ் உனாத்கத், ஜஸ்ர்ப்ரித் பும்ரா.

லக்னோ அணியில் ஒரு மாற்றம் செய்யப்பட்டுள்ளது. ஃபாஸ்ட் பவுலர் ஆவேஷ் கானுக்கு பதிலாக மோசின் கான் சேர்க்கப்பட்டுள்ளார்.

லக்னோ சூப்பர் ஜெயிண்ட்ஸ் அணி:

கேஎல் ராகுல் (கேப்டன்), குயிண்டன் டி காக் (விக்கெட் கீப்பர்), மனீஷ் பாண்டே, மார்கஸ் ஸ்டோய்னிஸ், தீபக் ஹூடா, ஆயுஷ் பதோனி, க்ருணல் பாண்டியா, ஜேசன் ஹோல்டர், துஷ்மந்தா சமீரா, ரவி பிஷ்னோய், மோசின் கான்.