சிஎஸ்கேவுக்கு எதிரான போட்டியில் களமிறங்கும் கேகேஆர் அணியின் உத்தேச ஆடும் லெவனை பார்ப்போம்.
ஐபிஎல் 14வது சீசனின் 2வது பாகம் ஐக்கிய அரபு அமீரகத்தில் விறுவிறுப்பாக நடந்துவருகிறது. நாளை ஞாயிற்றுக்கிழமை 2 போட்டிகள் நடக்கவுள்ளன. பிற்பகல் 3.30 மணிக்கு தொடங்கும் போட்டியில் சிஎஸ்கேவும் கேகேஆரும் மோதுகின்றன. அபுதாபியில் நடக்கிறது இந்த போட்டி.
அமீரகத்தில் நடக்கும் நடப்பு சீசனின் 2ம் பாகத்தில் ஆடிய 2 போட்டிகளிலும் வெற்றி பெற்றுள்ள சிஎஸ்கேவும் கேகேஆரும் நாளை மோதுகின்றன. சமபலம் வாய்ந்த, சிறப்பாக ஆடிவரும் இந்த 2 அணிகளும் நாளை மோதுவதால் இந்த போட்டி மீது அதிக எதிர்பார்ப்பு நிலவுகிறது.
புள்ளி பட்டியலில் 2ம் இடத்தில் உள்ள சிஎஸ்கேவும், 4ம் இடத்தில் உள்ள கேகேஆரும் மோதுவதால், அந்த போட்டியின் முடிவு புள்ளி பட்டியலில் தாக்கத்தை ஏற்படுத்தும். எனவே 2 அணிகளுமே வெற்றி முனைப்பில் களமிறங்கும் நிலையில், சிஎஸ்கே அணியின் உத்தேச ஆடும் லெவனை பார்ப்போம்.
கேகேஆர் அணியில் எந்த மாற்றமும் செய்யப்பட வாய்ப்பில்லை. கடந்த 2 போட்டிகளில் ஆடிய அதே வின்னிங் காம்பினேஷனுடன் தான் கேகேஆர் களமிறங்கும். ஏனெனில் அணி காம்பினேஷனில் மாற்றம் செய்வதற்கான அவசியமே இல்லை.
உத்தேச கேகேஆர் அணி:
வெங்கடேஷ் ஐயர், ஷுப்மன் கில், ராகுல் திரிபாதி, நிதிஷ் ராணா, மோர்கன்(கேப்டன்), தினேஷ் கார்த்திக்(விக்கெட் கீப்பர்), ஆண்ட்ரே ரசல், சுனில் நரைன், லாக்கி ஃபெர்குசன், வருண் சக்கரவர்த்தி, பிரசித் கிருஷ்ணா.