டி20 உலக கோப்பையில் பாகிஸ்தானுக்கு எதிரான போட்டியில் களமிறங்கும் இந்திய அணியை இர்ஃபான் பதான் தேர்வு செய்துள்ளார்.
இந்தியா - பாகிஸ்தான் அணிகள் ஐசிசி தொடர்களில் மட்டுமே மோதிக்கொள்வதால் இந்தியா - பாகிஸ்தான் இடையேயான போட்டி மீதான எதிர்பார்ப்பு ரசிகர்களுக்கு அதிகமாக உள்ளது. இந்தியா - பாகிஸ்தான் அணிகளுக்கு இடையேயான போட்டியை ரசிகர்கள் ஆர்வமுடன் எதிர்நோக்கியிருந்த நிலையில், டி20 உலக கோப்பையில் இரு அணிகளும் மோதுகின்றன.
வரும் 23ம் தேதி இந்தியாவும் பாகிஸ்தானும் மோதுகின்றன. இந்த போட்டி குறித்து பலரும் கருத்து கூறிவருகின்றனர். அந்தவகையில், பாகிஸ்தானுக்கு எதிராக களமிறங்கும் இந்திய அணியின் ஆடும் லெவனை முன்னாள் வீரர்கள் பலரும் தேர்வு செய்துவரும் நிலையில், இர்ஃபான் பதானும் தேர்வு செய்துள்ளார்.
தொடக்க வீரர்கள் - ரோஹித் சர்மா, ராகுல். 3ம் வரிசையில் கோலி, 4ம் வரிசையில் சூர்யகுமார் யாதவ், விக்கெட் கீப்பர் - ரிஷப் பண்ட் ஃபினிஷர் - ஹர்திக் பாண்டியா ஆகியோரையும், ஸ்பின்னர்களாக ஜடேஜா, வருண் சக்கரவர்த்தி ஆகிய இருவரையும் தேர்வு செய்துள்ள இர்ஃபான் பதான், ஃபாஸ்ட் பவுலர்களாக ஷமி, புவனேஷ்வர் குமார், பும்ரா ஆகிய மூவரையுமே தேர்வு செய்துள்ளார்.
இர்ஃபான் பதான் தேர்வு செய்த பாகிஸ்தானுக்கு எதிரான இந்திய அணி:
ரோஹித் சர்மா, கேஎல் ராகுல், விராட் கோலி(கேப்டன்), சூர்யகுமார் யாதவ், ரிஷப் பண்ட்(விக்கெட் கீப்பர்), ஹர்திக் பாண்டியா, ரவீந்திர ஜடேஜா, புவனேஷ்வர் குமார், ஷமி, பும்ரா, வருண் சக்கரவர்த்தி.