IPL 2023: ஐபிஎல் முதல் போட்டியில் சிஎஸ்கே-வை 5 விக்கெட் வித்தியாசத்தில் வீழ்த்தியது குஜராத் அணி!!

ஐபிஎல் 16 ஆவது சீசனின் முதல் போட்டியில் குஜராத் அணி சென்னை அணியை 5 விக்கெட்டுகள் வித்தியாசத்தில் வீழ்த்தி வெற்றி பெற்றது. ஐபிஎல் 16 ஆவது சீசன் இன்று (31.03.2023) அகமதாபாத் நரேந்திர மோடி மைதானத்தில் நடைபெற்றது. இந்த போட்டியில் சிஎஸ்கே - குஜராத் டைட்டன்ஸ் அணிகள் மோதின. முதலில் டாஸ் வென்ற குஜராத் டைட்டன்ஸ் அணி பந்துவீச்சை தேர்வு செய்தது.

இதையும் படிங்க: IPL 2023: அதிரடியாக ஆடி சதத்தை தவறவிட்ட ருதுராஜ் கெய்க்வாட்..! மற்ற அனைவரும் சொதப்பல்.. GT-க்கு சவாலான இலக்கு

இதை அடுத்து முதலில் பேட்டிங் செய்த சென்னை சூப்பர் கிங்ஸ் அணி, 20 ஓவர் முடிவில், 7 விக்கெட்டுகளை இழந்து 178 ரன்கள் எடுத்தது. ருத்துராஜ் 50 பந்துகளை பிடித்த அவர் 92 ரன்கள் எடுத்தார். கடைசியாக வந்த தோனி அதிரடியாக ஆடி 7 பந்தில் 14 ரன்கள் எடுத்தார். இதை அடுத்து 179 எடுத்தால் வெற்றி என்ற இலக்குடன் களமிறங்கிய குஜராத் டைட்டன்ஸ் அணி, அபாரமாக ஆடியது. கில் வேகமாக ஆடி அரை சதம் அடித்தார்.

இதையும் படிங்க: IPL 2023: ஐபிஎல்லின் முதல் இம்பேக்ட் பிளேயர் துஷார் தேஷ்பாண்டே..! வரலாற்றில் இடம்பிடித்து சாதனை

இவருடன் பார்ட்னர்ஷிப் அமைத்த சுதர்ஷனை 22 ரன்கள் எடுத்து இருந்த போது 9.3 வது ஓவரில் ஹங்கேரக்கர் அவுட் செய்தார். பின்னர் ரஷீத் கான் மற்றும் டிவாட்டியா ஆகியோர் அபாரமாக ஆடினர். கடைசி ஓவரில் 8 ரன்கள் எடுத்தால் வெற்றி என்ற நிலையில் அடுத்தடுத்து சிக்சர் மற்றும் பவுண்டரி சென்றது. இதனால் குஜராத் அணி 5 விக்கெட்டுகள் வித்தியாசத்தில் வெற்றி பெற்றது.