GT vs CSK: சிஎஸ்கே அணியில் மாற்றம்..? குஜராத் டைட்டன்ஸ் - சிஎஸ்கே அணிகளின் உத்தேச ஆடும் லெவன்

குஜராத் டைட்டன்ஸ் மற்றும் சிஎஸ்கே அணிகளுக்கு இடையேயான இன்றைய போட்டியில் களமிறங்கும் இரு அணிகளின் உத்தேச ஆடும் லெவனை பார்ப்போம்.  

ஐபிஎல் 15வது சீசனில் இன்றிரவு 7.30 மணிக்கு புனேவில் நடக்கும் போட்டியில் குஜராத் டைட்டன்ஸும் சிஎஸ்கேவும் மோதுகின்றன.

ஹர்திக் பாண்டியா தலைமையில் புதிதாக களமிறங்கியுள்ள குஜராத் டைட்டன்ஸ் அணி, 5 போட்டிகளில் 4 வெற்றிகளுடன் புள்ளி பட்டியலில் முதலிடத்தில் உள்ளது. ஆனால் கேப்டனை மாற்றிய 4 முறை சாம்பியனும் நடப்பு சாம்பியனுமான சிஎஸ்கே அணி, ரவீந்திர ஜடேஜாவின் கேப்டன்சியில் முதல் 4 போட்டிகளிலும் தோல்வியை தழுவிய நிலையில், 5வது போட்டியில் முதல் வெற்றியை பெற்றது. 

இந்நிலையில், இன்று குஜராத் டைட்டன்ஸுக்கு எதிராக 2வது வெற்றியை பதிவு செய்யும் முனைப்பில் சிஎஸ்கே அணியும், வெற்றிப்பயணத்தை தொடரும் முனைப்பில் குஜராத் டைட்டன்ஸ் அணியும் களமிறங்குகின்றன.

இன்றிரவு புனேவில் நடக்கும் இந்த போட்டியில் களமிறங்கும் குஜராத் டைட்டன்ஸ் மற்றும் சிஎஸ்கே ஆகிய இரு அணிகளின் ஆடும் லெவன் காம்பினேஷனிலும் எந்த மாற்றமும் செய்யப்படாது. கடந்த போட்டியில் ஆடிய அதே ஆடும் லெவன் காம்பினேஷனுடன் தான் இரு அணிகளுமே ஆடும்.

உத்தேச சிஎஸ்கே அணி:

ராபின் உத்தப்பா, ருதுராஜ் கெய்க்வாட், மொயின் அலி, அம்பாதி ராயுடு, ஷிவம் துபே, ரவீந்திர ஜடேஜா (கேப்டன்), தோனி (விக்கெட் கீப்பர்), ட்வைன் பிராவோ, கிறிஸ் ஜோர்டான், மஹீஷ் தீக்‌ஷனா, முகேஷ் சௌத்ரி.

உத்தேச குஜராத் டைட்டன்ஸ் அணி:

மேத்யூ வேட் (விக்கெட் கீப்பர்), ஷுப்மன் கில், விஜய் சங்கர், ஹர்திக் பாண்டியா (கேப்டன்), டேவிட் மில்லர், அபினவ் மனோகர், ராகுல் டெவாட்டியா, ரஷீத் கான், லாக்கி ஃபெர்குசன், முகமது ஷமி, யஷ் தயால்.