சிறப்பாக ஆடிய ஹர்லீன் தியோல் - டீசண்டான ஸ்கோர் எடுத்த குஜராத் ஜெயிண்ட்ஸ்!

யுபி வாரியர்ஸ் மகளிர் அணிக்கு எதிரான போட்டியில் டாஸ் வென்று முதலில் ஆடிய குஜராத் ஜெயிண்ட்ஸ் மகளிர் அணி 20 ஓவர்கள் முடிவில் 169 ரன்கள் எடுத்துள்ளது.  

மகளிர் பிரீமியர் லீக் தொடரின் 3ஆவது போட்டியில் குஜராத் ஜெயிண்ட்ஸ் அணியும், யுபி வாரியர்ஸ் மகளிர் அணியும் மோதுகின்றன. இதில் டாஸ் வென்ற குஜராத் ஜெயிண்டஸ் மகளிர் அணி பேட்டிங் தேர்வு செய்துள்ளது. நேற்றைய போட்டியின் போது குஜராத் ஜெயிண்ட்ஸ் அணியின் கேப்டன் பெத் மூனிக்கு கணுக்காலில் காயம் ஏற்பட்ட நிலையில் அவர் நேற்றைய போட்டியில் ரிட்டயர்டு ஹர்ட் முறையில் வெளியேறினார்.

குஜராத் ஜெயிண்ட்ஸ் மகளிர் அணி:

சபினேனி மேகனா, ஷோபியா டங்கலி, சுஷ்மா வெர்மா (விக்கெட் கீப்பர்), ஹர்லீன் தியோல், ஆஷ்லே கார்ட்னெர், அன்னாபெல் சதர்லேண்ட், தயாலன் ஹேமலதா, ஸ்னே ராணா, தனுஜா கன்வர், கிம் ஹெர்த், மான்சி ஜோஷி

யுபி வாரியர்ஸ் மகளிர் அணி: 

அலீசா ஹீலி (கேப்டன், விக்கெட் கீப்பர்), டலியா மெக்ராத், தீப்தி சர்மா, கிரேஸ் ஹரீஸ், சிம்ரன் ஷேக், கிரன் நவ்கிரே, தேவிகா வைத்யா, ஷோபி எக்லெஸ்டோன், அஞ்சலி சர்வானி, ராஜேஸ்வரி ஹயக்வாட்

இந்தப் போட்டியில் அவர் பங்கேற்கவில்லை. அவருக்குப் பதிலாக, ஸ்னே ராணா கேப்டனாக செயல்பட்டார். அதுமட்டுமின்றி கிம் ஹெர்த், ஷோபியா டங்கலி, சுஷ்மா வெர்மா ஆகியோர் அணியில் சேர்க்கப்பட்டுள்ளனர். மும்பை இந்தியன்ஸ் அணிக்கு எதிரான நேற்றைய போட்டியில் 143 ரன்கள் வித்தியாசத்தில் பரிதாபமாக தோற்ற குஜராத் ஜெயிண்ட்ஸ் இந்தப் போட்டியில் சிறப்பாக விளையாடியது.

தொடக்க வீராங்கனையாக மேகனா, டங்கலி ஆகியோர் களமிறங்கினர். இதில், டங்கலி 13 ரன்கள் எடுத்து தீப்தி சர்மா ஓவரில் ஆட்டமிழந்தார். இதையடுத்து களமிறங்கிய ஹர்லீன் தியோல் 32 பந்துகளில் 7 பவுண்டரிகள் உள்பட 46 ரன்கள் எடுத்து கடையில் ஆட்டமிழந்தார். அதன் பிறகு வந்த வீராங்கனைகள் ஓரளவு ரன்கள் எடுக்க குஜராத் ஜெயிண்ட்ஸ் 20 ஓவர்கள் முடிவில் 6 விக்கெட் இழப்பிற்கு 169 ரன்கள் குவித்துள்ளது. அஸ்லேக் ஹார்ட்னர் மற்றும் ஸ்னே ராணா ஆகியோர் கடைசி கட்டத்தில் ரன் சேர்க்க குஜராத் டீசண்டான ஸ்கோரை எட்டியது.

யுபி வாரியர்ஸ் தரப்பில் பந்து வீச்சில் தீப்தி சர்மா மற்றும் ஷோபி எக்லெஸ்டோன் ஆகியோர் தலா 2 விக்கெட்டுகள் கைப்பற்றினர். அஞ்சலி சர்வானி மற்றும் டலியா மெக்ராத் ஆகியோர் தலா ஒரு விக்கெட்டுகள் கைப்பற்றினர்.