Gautam Gambhir: அயர்லாந்திடம் வாங்கிய அடி! கவுதம் கம்பீரை வறுத்தெடுக்கும் ரசிகர்கள்! கடும் விமர்சனம்!

Gautam Gambhir: அயர்லாந்துக்கு எதிரான டி20 தொடரில் இந்தியா தோற்றதால், தலைமைப் பயிற்சியாளர் கௌதம் கம்பீர் மீது கடுமையான விமர்சனங்கள் குவிந்து வருகின்றன.

அயர்லாந்துக்கு எதிரான டி20 தொடரில் இந்திய அணி படுதோல்வி அடைந்துள்ளது. இந்தத் தோல்வியைத் தொடர்ந்து, டீம் இந்தியாவின் தலைமைப் பயிற்சியாளர் கௌதம் கம்பீர் மீது முன்னாள் வீரர்கள் மற்றும் கிரிக்கெட் உலகம் கடுமையான விமர்சனங்களை வைத்து வருகிறது. ஷ்ரேயாஸ் ஐயர் தலைமையிலான இந்திய அணி இந்தத் தொடரை எளிதாக வெல்லும் என்று எதிர்பார்க்கப்பட்டது. ஆனால், அயர்லாந்து இரண்டு போட்டிகளிலும் வென்று வரலாற்று சிறப்புமிக்க தொடர் வெற்றியைப் பதிவு செய்துள்ளது. சூர்யகுமார் யாதவுக்குப் பதிலாக ஷ்ரேயாஸ் ஐயருக்கு கேப்டன் பதவி கொடுத்தது, அணித் தேர்வில் கம்பீர் செய்த தவறுகள் ஆகியவைதான் இப்போது விமர்சகர்களின் முக்கிய ஆயுதமாக மாறியுள்ளது.

மேலும் படிக்க: சமையல்காரரை தாக்கிய பிரபல ஐபிஎல் வீரர் https://tamil.asianetnews.com/gallery/sports-cricket/ipl-player-shashank-singh-and-retired-ips-father-booked-for-assaulting-cook-in-bhopal-cprpk3q

கவுதம் கம்பீர் மீது கடும் விமர்சனம்

நடப்பு டி20 உலக சாம்பியனான இந்தியா, அயர்லாந்திடம் தொடரை இழந்ததால், சோஷியல் மீடியாவில் கம்பீருக்கு எதிராக ட்ரோல்கள் குவிந்து வருகின்றன.  எக்ஸ் தளத்தில் ஐஸ்லாந்து கிரிக்கெட் வாரியம் கம்பீரை வெளிப்படையாகவே கிண்டலடித்துள்ளது. 'எங்கள் பயிற்சி ஊழியர்களுடன் கௌதம் கம்பீரைச் சேர்க்க நாங்கள் விரும்பவில்லை என்பதை உறுதிப்படுத்துகிறோம். ஆனால் அவரிடம் ஒரு தனித்துவமான திறமை இருக்கிறது. இவ்வளவு அற்புதமான இந்திய வீரர்களை வைத்துக்கொண்டு அயர்லாந்தில் இப்படி ஒரு முடிவைக் கொண்டுவர உண்மையிலேயே அசாத்தியமான திறமை வேண்டும்' என்று ஐஸ்லாந்து கிரிக்கெட் தனது 'X' பக்கத்தில் பதிவிட்டுள்ளது.

We can confirm that we don't wish to add Gautam Gambhir to our coaching staff. He clearly has talent, though. To take those Indian players and deliver those results in Ireland takes truly remarkable gifts.

— Iceland Cricket (@icelandcricket) ஜூன் 28, 2026

மஞ்ச்ரேக்கர் எதிர்ப்பு

முன்னாள் வீரர் சஞ்சய் மஞ்ச்ரேக்கரும் அணித் தேர்வில் உள்ள தவறுகளைச் சுட்டிக்காட்டியுள்ளார். அணியில் தேவைக்கு அதிகமாக பார்ட்-டைம் ஆல்-ரவுண்டர்களை நிரப்பும் கம்பீரின் பாணியை மஞ்ச்ரேக்கர் கடுமையாக விமர்சித்துள்ளார். 'முன்பெல்லாம் ஆல்-ரவுண்டர்கள் குறைவாக இருந்தனர். ஆனால் இப்போது கம்பீரின் கீழ் அது எல்லை மீறிவிட்டது. இந்திய அணிக்கு இப்போது தேவை ஒரு 'பக்கா மிடில் ஆர்டர்' பேட்டர். அதுவும் உடனடியாகத் தேவை' என்று மஞ்ச்ரேக்கர் பதிவிட்டுள்ளார்.

It was too little earlier…under Gambhir, it’s too many. The ‘all rounders’. India need a PURE middle order batter, pronto!

— Sanjay Manjrekar (@sanjaymanjrekar) ஜூன் 28, 2026

கம்பீர் மீதான அழுத்தம்

வெளிநாட்டுப் பிட்ச்களில் பந்து ஸ்விங் ஆகும் போது இந்திய பேட்டர்கள் தடுமாறுவது வழக்கம். இதுபோன்ற சமயங்களில், களத்தில் நிலைத்து நின்று ஆடக்கூடிய சுப்மன் கில் போன்ற டெக்னிக்கலாக வலுவான வீரர்களை மீண்டும் டி20 அணிக்குக் கொண்டு வர வேண்டும் என்றும் மஞ்ச்ரேக்கர் கூறியுள்ளார். அயர்லாந்து தொடரின் இந்த அதிர்ச்சிக்குப் பிறகு, ஜூலை 1 முதல் இங்கிலாந்துக்கு எதிரான டி20 தொடர் இந்தியாவுக்குக் காத்திருக்கிறது. இங்கிலாந்திலும் தோல்வி தொடர்ந்தால், கம்பீர் மீதான அழுத்தம் இரட்டிப்பாகும்.