தென் ஆப்பிரிக்காவிற்கு எதிரான 2ஆவது டெஸ்ட் போட்டியில் இந்திய அணி 153 ரன்களுக்கு ஒரே ஸ்கோரில் 6 விக்கெட்டுகளை இழந்து வரலாற்று சாதனை படைத்துள்ளது.
இந்தியா மற்றும் தென் ஆப்பிரிக்கா அணிகளுக்கு இடையிலான 2ஆவது டெஸ்ட் போட்டி கேப்டவுனில் நடந்து வருகிறது. முதல் நாளான இன்று டாஸ் வென்று தென் ஆப்பிரிக்கா பேட்டிங் செய்தது. இதில், அனைத்து விக்கெட்டுகளையும் இழந்து 55 ரன்கள் மட்டுமே எடுத்து குறைந்த ரன்கள் எடுத்த அணி என்ற மோசமான சாதனையை தென் ஆப்பிரிக்கா படைத்துள்ளது.
South Africa vs India 2nd Test: ஒரு ரன்னு கூட எடுக்கல, 6 விக்கெட் காலி – 46 ரன்னுக்கு அவுட்டான கோலி!
முதல் முறையாக தென் ஆப்பிரிக்கா அணிக்கு எதிராக முகமது சிராஜ் 6 விக்கெட்டுகள் கைப்பற்றியுள்ளார். மேலும், ஒட்டு மொத்தமாக டெஸ்ட் கிரிக்கெட்டில் 3ஆவது முறையாக 5 விக்கெட்டுகள் கைப்பற்றியிருக்கிறார். சிறந்த பவுலிங்காக 9 ஓவர்கள் வீசி 6 விக்கெட்டுகள் எடுத்து 15 ரன்கள் கொடுத்துள்ளார்.
பின்னர், இந்திய அணி முதல் இன்னிங்ஸ் விளையாடியது. இதில், யஷஸ்வி ஜெய்ஸ்வால் டக் அவுட்டில் வெளியேறினார். பின்னர் ரோகித் சர்மா மற்றும் சுப்மன் கில் இருவரும் பவுண்டரியாக விளாச இந்திய அணியின் ஸ்கோர் மெல்ல மெல்ல உயர்ந்தது. ரோகித் சர்மா 39 ரன்கள் எடுத்த நிலையில் ஆட்டமிழக்க, கில்லும் 36 ரன்களில் வெளியேறினார்.
அடுத்து வந்த கோலி நிதானமாக விளையாட ஷ்ரேயாஸ் ஐயர் ரன் ஏதும் எடுக்காமல் ஆட்டமிழந்தார். கேஎல் ராகுல் 8 ரன்களில் ஆட்டமிழக்க, ஜடேஜா 0, பும்ரா 0, சிராஜ் 0, பிரசித் கிருஷ்ணா 0 என்று வரிசையாக ரன் ஏதும் எடுக்காமல் ஆட்டமிழந்தனர். விராட் கோலி 46 ரன்களில் ஆட்டமிழந்தார். இந்திய அணி 153 ரன்களுக்கு ராகுல் விக்கெட்டை இழந்த நிலையில், அதன் பிறகு வரிசையாக 5 விக்கெட்டுகளை இழந்துள்ளது. கடைசி 11 பந்துகளுக்கு ஒரு ரன் கூட எடுக்காமல் 6 விக்கெட்டுகளை இழந்துள்ளது. மேலும், டெஸ்ட் கிரிக்கெட் வரலாற்றில் முதல் முறையாக 153, ஒரே ஸ்கோரில் 6 விக்கெட்டுகளை இழந்து மோசமான சாதனை படைத்துள்ளது.