பாபா அபராஜித்தின் அதிரடியால் சேப்பாக்கம் சூப்பர் கில்லீஸ் 159 ரன்கள் குவிப்பு!

நெல்லை ராயல் கிங்ஸ் அணிக்கு எதிரான போட்டியில் முதலில் ஆடிய சேப்பாக்கம் சூப்பர் கில்லீஸ் அணி 159 ரன்கள் குவித்துள்ளது.

தமிழ்நாடு பிரீமியர் லீக் தொடர் விறுவிறுப்பாக நடந்து வருகிறது. ரவிச்சந்திரன் அஸ்வின் தலைமையிலான திண்டுக்கல் டிராகன்ஸ் அணி 3 போட்டிகளில் விளையாடி 3 போட்டியிலும் வெற்றி பெற்று புள்ளிப்பட்டியலில் முதலிடத்தில் உள்ளது. இதே போன்று சீகம் மதுரை பாந்தர்ஸ் அணி 2 போட்டிகளில் விளையாடி 2 போட்டியிலும் தோல்வி அடைந்து கடைசி இடத்தில் உள்ளது.

சேப்பாக்கம் சூப்பர் கில்லீஸ்:

பாபா அபராஜித் (கேப்டன்), எஸ் ஹரிஷ் குமார், என் ஜெகதீசன் (விக்கெட் கீப்பர்), லோகேஷ் ராஜ், எஸ் மதன் குமார், பிரதோஷ் ஃபால், ராஹில் ஷா, ராமலிங்கம் ரோகித், சஞ்சய் யாதவ், உதிரசாமி சசிதேவ், எம் சிலம்பரசன்

நெல்லை ராயல் கிங்ஸ்:

அருண் கார்த்திக் (கேப்டன்), அஜிதேஷ் குருசாமி (விக்கெட் கீப்பர்), ரித்திக் ஈஸ்வரன், சோனு யாதவ், பி சுகேந்திரன், லக்‌ஷ்மேலா சூர்யபிரகாஷ், லக்‌ஷய் ஜெயின், என் எஸ் ஹரிஷ், எம் பொய்யாமொழி, சந்தீப் வாரியர், எஸ் மோகன் பிரசாத்

தற்போது சேப்பாக்கம் சூப்பர் கில்லீஸ் மற்றும் நெல்லை ராயல் கிங்ஸ் அணிகளுக்கு இடையிலான 14ஆவது போட்டி சேலத்தில் நடந்து வருகிறது. இதில், டாஸ் வென்ற சேப்பாக்கம் சூப்பர் கில்லீஸ் முதலில் பேட்டிங் ஆடியது. அதன்படி, 20 ஓவர்களில் 7 விக்கெட் இழப்பிற்கு 159 ரன்கள் எடுத்துள்ளது. இதில், கேப்டன் பாபா அபராஜித் நிலைத்து நின்று அதிரடியாக ஆடி 51 பந்துகளில் 5 சிக்ஸர்கள், 4 பவுண்டரிகள் உள்பட 79 ரன்கள் குவித்தார்.

மற்ற வீரர்கள் சொற்ப ரன்களில் ஆட்டமிழந்தனர். பந்து வீச்சு தரப்பில் நெல்லை ராயல் கிங்ஸ் அணியில் பொய்யாமொழி 3 விக்கெட்டுகள் கைப்பற்றினார். லக்‌ஷய் ஜெயின் 2 விக்கெட்டுகளும், மோகன் பிரசாத் மற்றும் சந்தீப் வாரியர் ஆகியோர் தலா ஒரு விக்கெட்டுகளும் கைப்பற்றினர். இதைத் தொடர்ந்து 160 ரன்களை வெற்றி இலக்காக கொண்ட நெல்லை ராயல் கிங்ஸ் அணி விளையாடி வருகிறது.