தமிழகத்தில் திமுக கூட்டணி ஆட்சியைப் பிடிக்கும்... கருத்துக்கணிப்பில் அதிரடி தகவல்..!

தமிழக சட்டப்பேரவைத் தேர்தலில் திமுக கூட்டணி வெற்றி பெற்று ஆட்சியை பிடிக்கும் என்று கருத்துக்கணிப்பில் தெரிவிக்கப்பட்டுள்ளது.  

தமிழக சட்டப்பேரவைத் தேர்தல் ஏப்ரல் 6 அன்று நடைபெற உள்ள நிலையில், தொடர்ந்து கருத்துக்கணிப்புகள் வெளியாகிவருகின்றன. தற்போது டைம்ஸ் நவ் - சி வோட்டர்ஸ் கருத்துக் கணிப்பு வெளியாகியுள்ளது. இந்தக் கருத்துக்கணிப்பில் தமிழகத்தில் திமுக கூட்டணி 158 தொகுதிகளில் வெற்றியடைந்து ஆட்சியமைக்கும் வாய்ப்பிருப்பதாக தெரிவிக்கப்பட்டுள்ளது. அதிமுக கூட்டணி 65 தொகுதிகளையும் கைப்பற்ற வாய்ப்புள்ளதாக அக்கருத்துக் கணிப்புக் கூறுகிறது.
கமல்ஹாசனின் மக்கள் நீதி மய்யம் 5 தொகுதிகளையும் அமமுக 3 தொகுதிகளையும் பிற கட்சிகள் 3 தொகுதிகளையும் வெல்லும் என்று கருதுக்கணிப்பில் தெரிவிக்கப்பட்டுள்ளது. முதல்வர் பதவிக்கு மு.க. ஸ்டாலின் பொருத்தமானவர் என்று 38 சதவீதம் பேர் தெரிவித்துள்ளார். எடப்பாடி பழனிச்சாமிக்கு 31 சதவீதம் பேரும் கமல்ஹாசனுக்கு 7.4 சதவீதம் பேரும் ஆதரவு தெரிவித்துள்ளனர்.