உச்சம் தொடும் கொரோனா... தமிழகத்தில் ஆபத்தான அந்த மூன்று மாவட்டங்கள்..!

இன்று மட்டும் 1027 பேர் மருத்துவமனையில் இருந்து டிஸ்சார்ஜ் ஆனதால், குணமடைந்தோர் எண்ணிக்கை 8,50,091-ஆக உயர்ந்துள்ளது. 

தமிழகத்தில் நேற்று மட்டும் 1,779 பேருக்கு கொரோனா பாதிப்பு உறுதியாகி உள்ளது. நாடு முழுவதும் கொரோனா பாதிப்பு சற்று குறைந்திருந்த நிலையில், மீண்டும் ஒரு சில மாநிலங்களில் கொரோனாவின் தாக்கம் அதிகரித்து வருகிறது. இதனால் இந்தியா கொரோனாவின் 2-வது அலையை நோக்கி நகர்வதாக மருத்துவர்கள் எச்சரித்துள்ளனர். கடந்த செப்டம்பர் மாதத்திற்கு பிறகு நாடு முழுவதும் ஒரே நாளில் நேற்று 50,000-க்கும் மேற்பட்டோருக்கு கொரோனா பாதிப்பு உறுதியானது.

இந்நிலையில் 3 மாதங்களுக்கு பிறகு தமிழகத்தில் கொரோனா பாதிப்பு 1,700-ஐ தாண்டியுள்ளது. தமிழகத்தில் நேற்று மட்டும் 1,779 பேருக்கு கொரோனா பாதிப்பு உறுதியாகி உள்ளது. 80,63 பேருக்கு மேற்கொள்ளப்பட்ட சோதனையில் 1,636 பேருக்கு தொற்று கண்டறியப்பட்டதால் மொத்த பாதிப்பு எண்ணிக்கை 8,73,219-ஆக அதிகரித்துள்ளது. சென்னையில் மட்டும் 664 பேருக்கு தொற்று உறுதியாகி உள்ளது. கொரோனா பாதிப்பு காரணமாக 11 பேர் உயிரிழந்த நிலையில் மொத்த பலி எண்ணிக்கை 12,641-ஆக அதிகரித்துள்ளது.

தமிழகத்தில் மொத்தம் 9746 பேர் கொரோனாவுக்கு சிகிச்சை பெற்று வருகின்றனர். இன்று மட்டும் 1027 பேர் மருத்துவமனையில் இருந்து டிஸ்சார்ஜ் ஆனதால், குணமடைந்தோர் எண்ணிக்கை 8,50,091-ஆக உயர்ந்துள்ளது. செங்கல்பட்டு 162 பேருக்கும், கோவையில், 153 பேருக்கும் கொரோனா பாதிப்பு கண்டறியப்பட்டுள்ளது. தஞ்சையில் 108 பேருக்கும், திருவள்ளூரில் 89 பேருக்கும், காஞ்சிபுரத்தில் 63 பேருக்கும், திருவாரூர் 52 பேருக்கும் தொற்று உறுதியாகி உள்ளது.