Coffee: காபி குடிச்சா கொழுப்பு கரையுமா? புது ரிசர்ச் சொல்றது என்ன?
சுருக்கம்
காபியில் உள்ள காஃபின் (caffeine) நமது நரம்பு மண்டலத்தையும், உடலின் ஆற்றல் பயன்பாட்டையும் தூண்டக்கூடியது. இது பசியைக் கட்டுப்படுத்தி, கொழுப்பைக் கரைக்க உதவும் என்று முந்தைய ஆய்வுகள் கூறியுள்ளன. தற்போது பின்லாந்தில் நடந்த ஒரு புதிய ஆய்வு, இதை உறுதி செய்துள்ளது.
காபி, உலகத்துலேயே அதிக பேர் விரும்பி குடிக்கிற பானங்கள்ல ஒண்ணு. தினமும் காலையில ஒரு கப் காபி குடிக்கலைனா சிலருக்கு அந்த நாளே ஓடாது. ஆனா, இந்த காபி பழக்கம் உடம்புல இருக்குற கொழுப்பைக் குறைக்க உதவுதுன்னு சொன்னா நம்புவீங்களா? ஆமாம், அதிகமா காபி குடிக்கிறவங்களுக்கு உடம்புல இருக்குற மொத்த கொழுப்பும், தொப்பையும் கம்மியா இருக்குன்னு ஒரு ஆய்வு சொல்லுது.
பின்லாந்துல இருக்குற Oulu பல்கலைக்கழக ஆராய்ச்சியாளர்கள்தான் இந்த ஆய்வை செஞ்சிருக்காங்க. 'Northern Finland Birth Cohort 1966' அப்படிங்கிற ஒரு பெரிய ஆய்வுத் திட்டத்தோட ஒரு பகுதியா, 46 வயசுள்ள 2,264 பேரோட உடல்நலத் தகவல்களை வெச்சு இந்த முடிவுக்கு வந்திருக்காங்க.
காபில இருக்குற காஃபின் (caffeine) தான் இதுக்கு முக்கிய காரணம். இது நம்ம நரம்பு மண்டலத்தையும், உடலோட ஆற்றல் செயல்பாட்டையும் (energy metabolism) தூண்டும். இதனால, உடலோட ஆற்றல் பயன்பாடு அதிகமாகி, பசி குறைஞ்சு, கொழுப்பு கரையும்னு இதுக்கு முன்னாடி நடந்த ஆய்வுகளும் சொல்லியிருக்கு.
இந்த புது ஆய்வு, அந்தப் பழைய முடிவுகளுக்கு இன்னும் வலு சேர்த்திருக்கு. அதாவது, தொடர்ந்து காபி குடிக்கிறவங்களுக்கு உடல் கொழுப்பு சதவீதம் (body-fat percentage) கம்மியா இருக்கு. அதுமட்டுமில்லாம, உள் உறுப்புகளைச் சுற்றி இருக்குற ஆபத்தான கொழுப்பும் (visceral fat) கம்மியா இருக்கு. ஆனா, எலும்பு-தசை அடர்த்தி (bone-muscle mass) அதிகமா இருக்குன்னும் ஆராய்ச்சியாளர்கள் சொல்றாங்க.
உடல் எடையைக் குறைக்கணும்னு நினைக்கிறவங்க, சர்க்கரை சேர்க்காத பிளாக் காபி குடிக்கிறது நல்லது. அதுல இருக்குற காஃபின், மெட்டபாலிசத்தை தற்காலிகமா அதிகப்படுத்தி, கொழுப்பைக் கரைக்கிறதை வேகப்படுத்தும். பசியையும் குறைக்கும். ஆனா ஒண்ணு, காபில சர்க்கரை, கிரீம், சிரப்னு எதையாவது சேர்த்தீங்கன்னா, கலோரி அதிகமாகி, காபி குடிக்கிறதோட நல்ல பலன்களே போயிடும்.
பொதுவா, ஒரு நாளைக்கு 1-ல இருந்து 3 கப் வரைக்கும் காபி குடிக்கிறது பாதுகாப்பானது. இது சிறுநீரக ஆரோக்கியத்துக்கும் நல்லதுன்னு சொல்றாங்க. ஆனா, அளவுக்கு அதிகமா குடிச்சா, ரத்த அழுத்தம் அதிகமாகுறதுக்கோ, பொட்டாசியம் அளவுல மாற்றம் வர்றதுக்கோ வாய்ப்பிருக்கு.
ஏஷ்யாநெட் தமிழ் நியூஸின் லைஃப்ஸ்டைல் பிரிவு, வாசகர்களுக்கு வாழ்க்கை முறை, உறவுகள் மற்றும் நடைமுறை வாழ்க்கை குறித்து வளமான தகவல்களை வழங்குகிறது. இதில் ஆரோக்கிய ஆலோசனைகள், உணவு மற்றும் ஊட்டச்சத்து குறிப்புகள், ஃபாஷன் டிரெண்ட்ஸ் மற்றும் தினசரி வாழ்க்கையை மேம்படுத்தும் சிந்தனையூட்டும் கருத்துகள் அடங்கும்.