நடக்க கூட வேணாம்...உட்கார்ந்த இடத்திலேயே ஈஸியாக உடல் எடையை குறைக்கலாம்

 நீங்கள் தினமும் செய்யும் சிறிய மாற்றங்கள் பெரிய விளைவுகளை உருவாக்கும். உட்கார்ந்தபடியே வயிற்று கொழுப்பை குறைக்க மிகவும் எளிய வழிகள் உள்ளன. தினமும் இந்த பயிற்சிகளைப் பின்பற்றி, ஆரோக்கியமான வாழ்க்கை முறையை அமைத்து கொள்ளுங்கள்.

உடல் எடையை குறைக்க வேண்டும். ஆனால் கஷ்டமே இல்லாமல் குறைக்க வேண்டும் என்பது தான் அனைவரின் விருப்பமாக உள்ளது. இதற்காக வாக்கிங் செல்வது போன்ற எளிமையான பயிற்சிகளை செய்வது கூட பலருக்கும் சிரமமான விஷயமாக இருக்கும். சரி டயட் மட்டும் கடைபிடித்து எடையை குறைக்கலாம் என்றால் அதையும் தொடர்ந்து கடைபிடிக்க முடியாது. சின்னசின்ன உடல்பயிற்சிகள் கூட செய்ய முடியாது. ஆனால் உடல் எடையை உட்கார்ந்த இடத்திலேயே குறைக்க வேண்டும் என நினைக்கும் பலரில் நீங்களும் ஒருவர் என்றால், இந்த கட்டுரை உங்களுக்கானது தான். இதிலுள்ள எளிய முறைகளை செய்து பாருங்கள். நிச்சயம் உடல் எடை குறையும்.

உட்கார்ந்த இடத்திலேயே உடல் எடையை குறைக்க வழிகள் :

1. வயிற்று தசைகளை சுருக்குதல் :

இது எளிதாக அலுவலகத்திலோ, வீட்டிலோ செய்யக்கூடிய பயிற்சியாகும். நேராக இருக்கையில் உட்கார்ந்து உங்கள் முதுகை நேராக வைத்துக் கொள்ளவும். வயிற்று தசைகளை உள்ளிழுத்து (சுருக்கி) 5-10 விநாடிகள் வைத்திருந்து விடவும். இதை 10-15 முறை செய்யலாம். இது Core Muscles என அழைக்கப்படும் அடிவயிற்று தசைகளை கட்டுப்படுத்த உதவும். இதைச் செய்வதன் மூலம் உங்கள் உடலில் உள்ள மந்தமான கொழுப்பு எரிக்கப்படுவதோடு, உங்கள் வயிற்று பகுதி உறுதியானதாக மாறும்.

2. உட்கார்ந்தபடியே திருப்புதல் :

இரண்டு கைகளையும் உடம்பின் முன்புறத்தில் பிடித்து கொள்ளுங்கள். மெதுவாக உங்கள் மேல் பகுதியை (Upper Body) வலது மற்றும் இடது பக்கமாக திருப்புங்கள். இதை 15 முறை செய்யலாம். முன்னோட்டம்: இது Oblique Muscles என அழைக்கப்படும் இடது-வலது வயிற்று பகுதியை வலுப்படுத்தும், மற்றும் முதுகு வலி வருவதை தடுக்கும்.

3. கால்களை தூக்குதல் : 

இருக்கையில் அமர்ந்த படியே முதுகை நேராக வைத்துக் கொண்டு இருங்கள். உங்கள் கால்களை மெதுவாக தூக்கி 5 விநாடிகள் வைத்திருக்கவும். பின்னர் மெதுவாக கீழே விடவும். இதை 10-15 முறை செய்யலாம். இது கீழ் வயிற்று பகுதி  மற்றும் தொடைகளில் இருக்கும் கொழுப்பை எரிக்க உதவும்.

4. சரியான உட்காரும் நிலை :

நேராக இருக்கவும், முதுகை குனைக்காதீர்கள். உங்கள் முதுகு chair backrest-ஐ சாய்ந்து அமராமல் இருக்க வேண்டும். வயிற்று தசைகளை சிறிது ஒடுக்கி (tight) வைத்திருக்கவும். இது முதுகு மற்றும் இடுப்பு வலியை குறைக்கும் மற்றும் வயிற்று தசைகளை இயல்பாக வலுப்படுத்தும்.

5. தண்ணீர் அதிகம் குடிப்பது :

தினமும் குறைந்தது 8–10 கப் தண்ணீர் பருக வேண்டும். காலை எழுந்தவுடனே வெந்நீருடன், எலுமிச்சை சாறு கலந்து குடிப்பது சிறந்தது. தண்ணீர் குடிப்பது உடலுக்குள் இருக்கும் நச்சுக்கழிவுகளை வெளியேற்ற உதவும். நீர் குறைவாக இருந்தால் மெட்டபாலிசம் குறையும். அதனால் கொழுப்பு எரிபதற்கான வேகம் குறையும்.

6. சத்தான உணவுப் பழக்கம் :

கொழுப்பு குறைவான உணவுகளை சாப்பிடுங்கள் (காய்கறிகள், பழங்கள், பருப்புகள், தானியங்கள்). வெள்ளை அரிசி மற்றும் சர்க்கரை போன்றவற்றை தவிர்க்கவும். பாதாம் , முட்டை வெள்ளை கரு, தயிர் போன்றவற்றை உணவில் சேர்க்கவும். நொறுக்குத் தீனி, Junk Foods தவிர்ப்பது அவசியம். வயிற்று கொழுப்பை குறைக்க 70% உணவு மற்றும் 30% உடற்பயிற்சி முக்கியம்.

7. மூச்சு விடும் பயிற்சி :

அழுத்தமாக மூச்சை உள்ளிழுத்து, வயிற்றை மெதுவாக நிரப்பி கொள்ளுங்கள். பிறகு மெதுவாக மூச்சை வெளியே விடுங்கள். இதை 10-15 முறை செய்யலாம். இது மனஅழுத்தத்தைக் குறைக்கும். மேலும் கொழுப்பு எரிக்கவும் உதவும்.

8. இடைவெளியில் சிறிய நடைபயிற்சி :

30 நிமிடத்திற்கு ஒருமுறை எழுந்து சிறிய நடைபயிற்சி செய்யவும். போன் பேசும்போது நடந்து பேசுங்கள். முடிந்தவரை படிக்கட்டுகளில் ஏறுங்கள்.
இது உடல் இயக்கத்தினை அதிகரிக்க, சர்க்கரை அளவைக் கட்டுப்படுத்தவும், கொழுப்பு குறைக்கவும் உதவும். காலை உணவை தவிர்க்காமல் உட்கொள்ளுங்கள். தினசரி 7-8 மணி நேரம் நல்ல உறக்கம் பெறுங்கள். இரவு உணவை குறைத்து, அதிக மலம் வெளியேற்றும் உணவுகளை உணவில் சேர்க்கவும்.  உடல் நலனுக்கேற்ற உடற்பயிற்சிகளை தொடர்ச்சியாக செய்யுங்கள்.