வெறும் வயிற்றில் ஃபுரூட் ஜூஸ் குடிக்க கூடாது...ஏன்னு காரணம் தெரியுமா?

 உடல் எடையை குறைக்க வேண்டும் என்பவர்கள் காலை உணவை தவிர்த்து விட்டு, அதற்கு பதிலாக வெறும் பழச்சாறை மட்டும் உணவாக எடுத்துக் கொள்வது உண்டு. ஆனால் இது முற்றிலும் தவறானது என டாக்டர்கள் பரிந்துரைக்கிறார்கள். காலையில் வெறும் வயிற்றில் பழச்சாறு குடித்தால் என்னென்ன பாதிப்புகள் ஏற்படும் என்பதை தெரிந்து கொள்ளலாம்.

காலை உணவு  என்பது நாளின் முதல் மற்றும் முக்கியமான உணவாகும். இது உடலுக்கு தேவையான சக்தியை வழங்குவதோடு, முழு நாளும் ஆற்றல் குறையாமல் இருக்க உதவுகிறது. பலர் ஆரோக்கியமான உணவுகளை காலையில் எடுத்துக் கொள்ள வேண்டும் என பழங்களை தேர்வு செய்கிறார்கள். அதுவும் காலை உணவாக ஃபுரூட் ஜூஸ் குடிப்பது, உணவு சாப்பிட்ட பிறகு ஜூஸ் குடிப்பது போன்ற பழக்கங்களை பலரும் கடைபிடித்து வருகிறார்கள். 
ஆனால், காலை உணவாக பழச்சாறு குடிப்பது சில தீவிரமான உடல்நல பாதிப்புகளை ஏற்படுத்தி விடும். இது தெரியாமல் ஜூஸ் குடிப்பதை தினசரி வழக்கமாக வைத்திருந்தால் ஆரோக்கியம் பாதிக்கப்படலாம்.  காலையில் ஜூஸ் ஏன் குடிக்க கூடாது என்ற காரணத்தை முதலில் தெரிந்து கொள்ளுங்கள்.

 காலையில் ஜூஸ் குடிப்பதால் ஏற்படும் உடல்நலச் சிக்கல்கள் :

1. அதிக சர்க்கரை அளவு :

 பழச்சாறு இயற்கையாகவே அதிக சர்க்கரை  நிறைந்தது. ஆனால் இதில் உள்ள சர்க்கரை உடலில் வேகமாக நிறைவடையச் செய்யும். காலை நேரத்தில் பழச்சாறு குடிப்பது, இரத்தத்தில் சர்க்கரை அளவை திடீரென அதிகரிக்க, பிறகு விரைவில் குறைவதற்கு வழிவகுக்கும்.
இதனால் உடல் ஆற்றல் அளவு குறையும், குறிப்பாக நீரிழிவு நோய் உள்ளவர்களுக்கு இது அதிக பாதிப்பை ஏற்படுத்தும்.

2. நார்ச்சத்து குறைவு :

முழு பழங்களில் அதிக அளவில் நார்ச்சத்து இருக்கிறது.  ஆனால் பழச்சாறில் இது இல்லை. நார்ச்சத்து செரிமானத்தை மேம்படுத்தும் மற்றும் இரத்த சர்க்கரையை கட்டுப்படுத்த உதவுகிறது. அதே சமயம் பழச்சாறு குடிக்கும் போது சர்க்கரை உடலில் விரைவாக உறிஞ்சப்படுவதால், இரத்த சர்க்கரை திடீரென அதிகரிக்க வாய்ப்பு உள்ளது. இது சோர்வு, சிறுநீரக செயல்பாடு குறைவு மற்றும் நீரிழிவு பாதிப்பு ஆகியவற்றிற்கு காரணமாக மாறிவிடும்.

3. கலோரிகள் கிடையாது :

பழச்சாறு கொழுப்பு குறைவாக இருந்தாலும், இதில் கலோரிகள் கிடையாது. இது உடலுக்கு போதிய சக்தியைக் கொடுக்க முடியாது. மேலும் சத்து குறைந்த உணவாகவும் இருக்கும். இதனால், விரைவில் பசி எடுத்து, அதிகமாக உணவுகளை சாப்பிடும் பழக்கத்திற்கு வழிவகுக்கும்.

4. பற்கள் பாதிப்பு :

பழச்சாறு அதிகமாக அமிலத்தன்மை கொண்டிருக்கிறது. மேலும் வேதி சர்க்கரை உள்ளதால் பற்கள் வலுவிழந்து, பாதிக்கப்படும். அமிலம் மற்றும் சர்க்கரை சேர்க்கையால் பற்கள் உதிரும் நிலை ஏற்படலாம.  இது காவிட்டி மற்றும் ஈறுகளில் பிரச்சினைகளை உருவாக்கும். தினமும் பழச்சாறு குடிப்பது பற்களின் மினுமினுப்பு குறையவும், பலவீனமாக ஆக்கவும் செய்யலாம்.

5. சோர்வு மற்றும் உடல் மெலிவு :

காலை உணவாக பழச்சாறு குடிப்பது உடல் மெலிவையும், சோர்வையும் அதிகரிக்கும். சர்க்கரை உடலில் விரைவாக உறிஞ்சப்பட்டு, இன்சுலின் அளவு அதிகரிக்கும். பின்னர் சக்தி திடீரென குறையும். இதனால், நாளின் முதல் பகுதி  சரியாக இயங்காமல், மந்தநிலையும் தூக்கத்தினை உருவாக்கும்.

ஆரோக்கியமான மாற்று உணவுகள் :

காலை உணவிற்கு பதிலாக ஜூஸ் மட்டும் குடிப்பதை தவிர்த்து, காலை உணவாக இதைத் தேர்வுசெய்யலாம்:

* முழு பழங்கள்  – ஆரஞ்சு, வாழைப்பழம், சீத்தாப்பழம், பழுப்பு நிற திராட்சை
* நார்ச்சத்து நிறைந்த உணவுகள் – ஓட்ஸ் , கோதுமை ரொட்டி, கொத்துமல்லி பச்சடி
* சத்தான பானங்கள் – தயிர், கீரை சாறு, இளநீர்
* நீர் அதிகமாக குடிக்கவும் – காலை வெறும் வயிற்றில் ஒரு டம்ளர் வெந்நீர் அல்லது எலுமிச்சை நீர் குடிப்பதால் உடல் சுத்தம் செய்ய உதவும்.