யுபிஐ மூலம் 50 ஆயிரம் பணத்தை மாற்றி அனுப்பிய நபர்.. கடைசியில் காத்திருந்த அதிர்ச்சி !!
சுருக்கம்
யுபிஐ (UPI) மூலம் பணம் செலுத்தும் போது ஒரு நபர் தவறான மொபைல் எண்ணை பதிவிட, பணம் வேறொருவரின் கணக்கில் சென்றது.
ஒருவரிடமிருந்து இன்னொருவருக்குப் பணத்தை அனுப்ப UPI பேமெண்ட்கள் இப்போது பரவலாகப் பயன்படுத்தப்படுகின்றன. ஆனால் UPI மூலம் பணம் செலுத்தும் போது ஒருவர் தவறான மொபைல் எண்ணை டைப் செய்ததால் அந்த பணம் வேறொருவரின் கணக்கிற்கு சென்றது. அதுவும் கடைசியில் என்ன ஆனது என்பதே ஆச்சர்யமான விஷயம்.
மகாராஷ்டிரா மாநிலம் ஸ்ரீகோண்டா நகரைச் சேர்ந்த ரவி பைக்கர் என்ற தொழிலதிபர், டிஜிட்டல் பரிவர்த்தனை மூலம் தனக்கு அறிமுகமானவருக்கு ரூ.50,000 அனுப்ப முயன்றார். ஆனால் அவர் தனது போனில் UPI-இணைக்கப்பட்ட செயலியைப் பயன்படுத்தும் போது தவறுதலாக தவறான மொபைல் எண்ணை டைப் செய்ததால், பணம் வேறு ஒருவருக்குச் சென்றது.
இதையும் படிங்க..பள்ளியில் டீன் ஏஜ் மாணவர்களுடன் உடலுறவு - சேட்டை செய்த 6 பெண் ஆசிரியர்கள்
ரவி பைக்கர் வங்கிக் கணக்கில் இருந்து ரூ. 50 ஆயிரம் அவருக்கு தெரியாத நபரின் கணக்கில் டெபாசிட் செய்யப்பட்டது. ஆனால் UPI மூலம் பணம் செலுத்தப்பட்டதால் சம்பந்தப்பட்ட நபரைக் கண்டுபிடித்து பணத்தை திரும்பப் பெறுவது கடினம் என்று ரவி முதலில் கருதினார். தனது கணக்கில் பணம் பெற்றவர் இந்தியாவின் எந்தப் பகுதியில் வேண்டுமானாலும் வசிக்கலாம் என்றும், அவரைக் கண்டுபிடிப்பது நேரத்தை வீணடிப்பதாகவும் அவர் நினைத்தார்.
தெரியாதவர் ஏன் தனது பணத்தைத் திருப்பித் தர முயற்சிப்பார் என்றும் அவர்கள் ஆச்சரியப்பட்டனர். பணம் பெற்றவர் தொடர்பு கொள்வாரா? அல்லது? என்று பார்த்துக்கொண்டே இருந்தார்கள். அதே நேரத்தில், தொலைபேசி எண் மற்றும் வங்கி விவரங்கள் மூலம் பணம் பெற்ற நபரை கண்காணிக்க முயன்றனர். கண்டாலா தாலுகாவில் உள்ள கன்ஹேரி கிராமத்தைச் சேர்ந்த சர்ஃபராஸ் ஜமீர் படேல் என்பவரது கணக்கில் அவரது பணம் மாற்றப்பட்டது கண்டுபிடிக்கப்பட்டது.
சர்பராஜ் 11ம் வகுப்பு படித்து வருகிறார். சர்பராஜின் தந்தை ஜமீர்பாய் ஒரு விவசாயி. கூட்டுக்குடும்பத்தில் அனைவருடனும் வசித்து வருகிறார். மேலும், ரவி பைக்கர் சர்ஃபராஸை தொடர்பு கொண்டு தவறுதலாக ரூ. 50 ஆயிரம் அவரது கணக்கில் டெபாசிட் செய்யப்பட்டுள்ளது. ஆனால் சர்பராஜ் கடந்த இரு தினங்களுக்கு முன்பு தனது தந்தையுடன் இணைந்து வங்கிக் கணக்கு தொடங்கியுள்ளார். சர்ஃபராஸ் மைனர் என்பதால் அவரது தந்தையுடன் கூட்டுக் கணக்கு தொடங்க வேண்டியிருந்தது.
இதையும் படிங்க..ஏப்ரல் 18 & 19 பள்ளி, கல்லூரிகளுக்கு விடுமுறை.. முழு விபரம் உள்ளே!!
ஆனால் வங்கியில் இருந்து வரும் பரிவர்த்தனை செய்திகளை சரிபார்க்கும் பழக்கம் அவருக்கு இல்லை. ஆனால் ரவியிடம் இருந்து போன் வந்ததும், சர்ஃபராஸ் தனது வங்கிக் கணக்கில் உள்ள பரிவர்த்தனைகளை சரிபார்த்தார். அதில் ரூ. 50,000 டெபாசிட் செய்யப்பட்டிருந்தது கண்டுபிடிக்கப்பட்டது. அதையே சர்ஃபராஸ் ரவியிடம் போனில் சொன்னார். “ஆமாம்.. என் கணக்கில் பணம் வரவு வைக்கப்பட்டுள்ளது போலிருக்கிறது. அது உங்களுடையது என்று சர்பராஸ் கூறினார்.
புதிதாக திறக்கப்பட்ட வங்கிக் கணக்கு என்பதால், என்னிடம் ஏடிஎம் கார்டு கூட இல்லை. ஜாயின்ட் அக்கவுண்ட் என்பதால், யுபிஐ மூலம் அனுப்புவதில் தொழில்நுட்பச் சிக்கல்கள் இருக்கும். ஆனால் நீங்கள் நேரில் வந்தால் நான் பணத்தை எடுக்க முடியும்” என்று கூறினார். பண விவகாரம் குறித்து சர்பராஸ் தனது தந்தை ஜமீரிடம் கூறினார். அப்போது ஜமீர்பாய் தன் மகனிடம், அந்த தொகையை திருப்பி தருமாறு கூறினார்.
வங்கி சென்று ஒரு பெரிய முயற்சிக்கு பிறகு 50 ஆயிரம் பணத்தை சம்பந்தப்பட்டவரின் வங்கி கணக்குக்கு திருப்பை அனுப்பினார். சர்ஃபராஸ் மற்றும் ஜமீர்பாய் ஆகியோரின் நேர்மைக்காக பாராட்டு மழை பொழிந்து வருகிறது.கண்டாலா காவல் துறை விஜய் பிசல், போலீஸ் பாட்டீல் இம்ரான் முல்லா ஆகியோர் அவர்களை அழைத்து பாராட்டினர்.
இதையும் படிங்க..போன் வாங்க போறீங்களா? 2023ல் வெளிவரும் டாப் 5 மிட்-ரேஞ்ச் ஸ்மார்ட்போன்ஸ் லிஸ்ட் இதோ