உங்கள் விரல்களில் இந்த அறிகுறி இருந்தால், அது 3 ஆபத்தான நோய்களை குறிக்கலாம்.. கவனமா இருங்க..
By Asianet Tamil | First Published May 4, 2024, 4:32 PM ISTஆபத்தான நோய்களை குறிக்கும் ஒரு குறிப்பிட்ட அறிகுறியை கெமிஸ்ட் கிளிக் நிறுவனத்தின் மேற்பார்வை மருந்தாளர் அப்பாஸ் கனானி தெரிவித்துள்ளார்.
ஒரு நோயைக் கண்டறிவதற்கான எளிதான வழிகளில் ஒன்று அதன் அறிகுறிகளைக் கண்டறிவதாகும். இந்த அறிகுறிகள் உங்களுக்கு நோய் இருக்கிறதா அல்லது மருத்துவரை அணுகி சிகிச்சை பெற வேண்டுமா என்பதைப் புரிந்துகொள்ள உதவும். நுரையீரல் புற்றுநோயின் பொதுவான அறிகுறிகளில் ஒன்று தொடர்ச்சியான இருமல் ஆகும், இருப்பினும், இது வழக்கமான இருமல் மற்றும் சளியின் அறிகுறி என்று நினைத்து பலரும் அதை புறக்கணிக்கின்றனர்.
இருப்பினும், சில சந்தர்ப்பங்களில், உடல்நிலைக்கு எந்த தொடர்பும் இல்லாத அறிகுறிகளை நீங்கள் கவனிக்கலாம், ஆனால் அவை கவனிக்கப்படாமல் இருந்தால் அது மிகவும் ஆபத்தானதாக மாறும். அந்த வகையில் ஆபத்தான நோய்களை குறிக்கும் ஒரு குறிப்பிட்ட அறிகுறியை கெமிஸ்ட் கிளிக் நிறுவனத்தின் மேற்பார்வை மருந்தாளர் அப்பாஸ் கனானி தெரிவித்துள்ளார்.
Latest Videos
undefined
இதுகுறித்து பேசிய அவர் “ இந்த அறிகுறி பொதுவாக கை விரல்கள் மற்றும் கால்விரல்களில் காணப்படுகிறது. அது உங்கள் விரல், மணிக்கட்டு மற்றும் கையின் வீக்கம் எடிமா என்று அழைக்கப்படுகிறது மற்றும் சிறுநீரக நோய், கல்லீரல் நோய், இதய செயலிழப்பு ஆகியவற்றின் அறிகுறியாக இருக்கலாம். வீக்கம் பொதுவாக தொடர்ந்து இருக்கும் மற்றும் சிறுநீரகம் அல்லது கல்லீரல் நோய், மற்றும் சில சந்தர்ப்பங்களில் இதய செயலிழப்பு போன்ற பல்வேறு நிலைமைகளால் ஏற்படலாம். இது ஏன் நிகழ்கிறது என்பதை அவர் மேலும் விளக்கினார், மேலும் உங்கள் உடலின் திசுக்களில் அதிகப்படியான திரவம் சேரும்போது இது நிகழ்கிறது” என்று கூறினார்.
சிறுநீரக நோய்
உங்கள் உடலில் திரவ சமநிலையை பராமரிப்பதிலும், உடலில் இருந்து கழிவுப்பொருட்களை அகற்றுவதிலும் உங்கள் சிறுநீரகங்கள் முக்கிய பங்கு வகிக்கின்றன என்றும் அவர் தெரிவித்தார். மேலும் "உடல் நாள்பட்ட சிறுநீரக நோய் அல்லது கடுமையான சிறுநீரக காயத்தை கையாளும் போது இது சிறுநீரக செயல்பாட்டை பலவீனப்படுத்துகிறது மற்றும் திரவம் வைத்திருத்தல் மற்றும் எடிமாவை ஏற்படுத்தும். சிறுநீரக நோயின் மற்ற அறிகுறிகளில் சில சிறுநீர் உற்பத்தி குறைதல், சோர்வு, குமட்டல், வாந்தி மற்றும் சிறுநீரில் இரத்தம் போன்றவை அடங்கும்.
கல்லீரல் நோய்
கல்லீரல் நோய் குறித்து பேசிய அவர் “ கல்லீரல் நோயால் ரத்தத்தில் திரவ சமநிலையை பராமரிக்க உதவும் புரதங்களின் உற்பத்தி குறைகிறது. திரவம் பின்னர் திசுக்களில் கசிந்து எடிமாவை ஏற்படுத்தலாம், தோல் மற்றும் கண்களில் மஞ்சள் நிறம் (மஞ்சள் காமாலை), எளிதில் சிராய்ப்பு அல்லது இரத்தப்போக்கு, வயிற்று வலி மற்றும் வீக்கம், உள்ளங்கைகள் மற்றும் கால்களில் அரிப்பு மற்றும் கருமையான சிறுநீர் மற்றும் வெளிர் மலம் ஆகியவை கல்லீரல் நோயின் மற்ற அறிகுறிகளாகும்.
இதய செயலிழப்பு
இதய செயலிழப்பு பற்றி பேசிய அப்பாஸ் கனானி, "கடைசியாக, நுரையீரல் மற்றும் பிற திசுக்களில் திரவம் குவிந்து, இதயத்தால் இரத்தத்தை திறம்பட பம்ப் செய்ய முடியாமல் இதய செயலிழப்பை ஏற்படுத்தும். மூச்சுத் திணறல், தொடர் இருமல், விரைவான அல்லது ஒழுங்கற்ற இதயத் துடிப்பு, சோர்வு மற்றும் பலவீனம் ஆகியவை இதய செயலிழப்பின் மற்ற அறிகுறிகளாகும்.
இந்த அறிகுறிகளை நீங்கள் கவனிக்கும்போது, நீங்கள் உடனடியாக மருத்துவ உதவியை நாட வேண்டும் என்று அப்பாஸ் கனானி கூறுகிறார். உங்களுக்கு கல்லீரல் அல்லது சிறுநீரக செயலிழப்பு இருக்கலாம். எனவே மருத்துவரை பார்ப்பது நல்லது” என்று கூறினார்.
சேனலை கிளிக் செய்து பின்தொடரவும்