Kidney Health: சாப்பாட்டில் உப்பு அதிகமா? சைலண்ட்டாக பாழாகும் கிட்னி.. நிபுணர்கள் எச்சரிக்கை

Kidney Health: சாப்பாட்டில் உப்பு அதிகமானால் கிட்னி சத்தமில்லாமல் பாழாகும் என்று மருத்துவ நிபுணர்கள் எச்சரிக்கின்றனர். இதை தவிர்க்க என்ன செய்ய வேண்டும்? என இந்த செய்தியில் பார்க்கலாம்.

சாப்பாட்டில் உப்பு இல்லை என்றால் நன்றாகவே இருக்காது, ஆனால் அதுவே அதிகமாகிவிட்டால் பெரிய ஆபத்து. அதிகப்படியான உப்பு இரத்த அழுத்தத்தை மட்டும் கூட்டுவது இல்லை, சத்தமில்லாமல் உங்கள் சிறுநீரகத்தையும் பாழாக்கிவிடும்.

சாப்பாட்டில் உப்பு அதிகமாக சேர்க்காதீங்க‌

நிபுணர்களின் கூற்றுப்படி, ஒரு நாளைக்கு 5 கிராமுக்கு மேல் உப்பு சாப்பிடவே கூடாது. ஆனால் இப்போது இருக்கும் பதப்படுத்தப்பட்ட உணவுகள் மற்றும் பாஸ்ட் புட் பழக்கத்தால், நாம் அனைவரும் அதைவிட அதிகமாகத்தான் உப்பு சாப்பிடுகிறோம்.

இதனால், உடம்பில் இருக்கும் கழிவுகளை வடிகட்டி, திரவ சமநிலையைப் பராமரிக்கும் சிறுநீரகத்திற்கு அழுத்தம் அதிகமாகிறது. இதில் பயமான விஷயம் என்னவென்றால், சிறுநீரக நோய் பெரும்பாலும் எந்த அறிகுறியும் இல்லாமலேயே உடம்பிற்குள் வளரும்.

உப்பு எப்படி சிறுநீரகத்திற்குப் பாதிப்பை உண்டாக்குகிறது?

நம் சிறுநீரகம்தான் உடம்பின் இயற்கை வடிகட்டி. அதுதான் தேவையில்லாத கழிவுகளை வெளியேற்றுகிறது. நாம் அதிகமாக உப்பு சாப்பிடும்போது, இரத்தத்தில் சோடியத்தின் அளவு அதிகமாகிறது. இந்த அதிகப்படியான சோடியம், இரத்தத்தில் அதிக நீரைக் இழுக்கும். இதனால் இரத்தத்தின் அளவு அதிகமாகி, இரத்த அழுத்தம் (Blood Pressure) அதிகமாகிறது. இந்த உயர் இரத்த அழுத்தம், நாளடைவில் சிறுநீரகத்தில் உள்ள சிறிய சிறிய இரத்தக் குழாய்களைச் சேதப்படுத்துகிறது.

இதையும் படிங்க: liver disease: மது மட்டுமல்ல: கவனிக்காமல் போகும் கல்லீரல் நோய்க்கான மறைமுக காரணங்கள் என்ன?

உப்பு, உயர் இரத்த அழுத்தம் மற்றும் சிறுநீரக நோய்

உப்பு, இரத்த அழுத்தம், சிறுநீரக ஆரோக்கியம் - இந்த மூன்றும் ஒன்றோடு ஒன்று சம்பந்தப்பட்டது. தொடர்ந்து அதிகமாக சோடியம் சாப்பிடுவதால் வரும் உயர் இரத்த அழுத்தம், சிறுநீரகத்திற்குப் பயங்கரமான அழுத்தத்தைக் கொடுக்கும். அதிகப்படியான உப்பு, சிறுநீரகத்தின் செயல்பாட்டை வேகமாகக்குறைத்துவிடும். அதுமட்டுமில்லாமல், சிறுநீரின் ரசாயன அமைப்பை மாற்றி, சிறுநீரகத்தில் கல் உருவாகும் அபாயத்தையும் இது அதிகரிக்கிறது. ஆரம்பத்தில் எந்த வலியோ, அறிகுறியோ இல்லாததால், நோய் தீவிரமாகும் வரை பலருக்கும் இது தெரியாமலேயே போய்விடுகிறது.

உணவில் மறைந்திருக்கும் உப்பு

நாம் சமையலில் வேண்டுமானால் உப்பைக் குறைவாகப் போடலாம். ஆனால், நமக்குத் தெரியாமலேயே பல உணவுகள் மூலமாக உடம்பிற்குள் அதிக சோடியம் செல்கிறது. முக்கியமாக இந்த மாதிரியான பதப்படுத்தப்பட்ட உணவுகளில் உப்பு அதிகமாக இருக்கும்:

இதையும் படிங்க: fitness : தினமும் 20 Squats செய்தால் உடலில் என்ன மாற்றம் ஏற்படும்? தெரிந்துகொள்ள வேண்டிய 6 முக்கிய நன்மைகள்

• பாக்கெட் செய்யப்பட்ட ஸ்நாக்ஸ் மற்றும் தயாராக உள்ள (Ready-to-eat) உணவுகள்
• ரொட்டி (பிரெட்), பிஸ்கட் மற்றும் உடனடி மாவுகள் (Instant mix)
• ஊறுகாய், அப்பளம் மற்றும் பலவிதமான சாஸ்கள்
• பதப்படுத்தப்பட்ட இறைச்சி உணவுகள்

சாப்பாட்டின் சுவை குறையாமல் உப்பதைத் தவிர்க்க சில வழிகள் இருக்கின்றன. இந்த முறைகளை நீங்கள் பின்பற்றலாம்:

• சாதாரண உணவு உப்பிற்குப் பதிலாக, பொட்டாசியம் கலந்த, குறைவான சோடியம் உள்ள உப்பைப் பயன்படுத்தலாம்.
• 'குறைந்த சோடியம்' என்று அச்சிடப்பட்டுள்ள உணவுகளைப் பார்த்து வாங்கலாம்.
• பதப்படுத்தப்பட்ட அல்லது டப்பாக்களில் அடைக்கப்பட்ட உணவுகளைப் பயன்படுத்துவதற்கு முன்னால், தண்ணீரில் நன்றாகக் கழுவிவிடுங்கள். இதனால் சோடியத்தின் அளவு குறையும்.
• வீட்டில் சமைத்த உணவுகளைச் சாப்பிடுங்கள். இதில் உப்பின் அளவை நம் கட்டுப்பாட்டில் வைத்துக்கொள்ள முடியும்.
• உப்பிற்குப் பதிலாக துளசி, இஞ்சி, பூண்டு, சீரகம் போன்ற மசாலாப் பொருட்களைச் சேர்த்துச் சாப்பாட்டின் சுவையைக் கூட்டுங்கள்.
• முடிந்தவரை ப்ரெஷ்ஷான காய்கறிகள், பழங்கள் மற்றும் செயற்கையாகப் பதப்படுத்தப்படாத உணவுகளைத் தேர்ந்தெடுங்கள்.