Ice Water: ஃப்ரிட்ஜில் வைத்து தண்ணீர் குடித்தால் புற்றுநோய் வருமா? தீயாய் பரவும் தகவல்..உண்மையா? உருட்டா?

ஃப்ரிட்ஜில் வைத்து தண்ணீரை நேரடியாகக் குடிப்பதால் புற்றுநோய் வருமா? சமூக ஊடகங்களில் பரவும் இந்தக் கருத்து குறித்து நிபுணர்கள் அளித்துள்ள விளக்கம் குறித்து இந்த பதிவில் பார்க்கலாம்.

இன்று எல்லா வீடுகளிலும் ஃப்ரிட்ஜ் உள்ளது. அதில் தண்ணீர் வைப்பது இயல்பு. எல்லா பருவங்களிலும் ஃப்ரிட்ஜ் தண்ணீர் குடிப்பவர்கள் அதிகம். ஆனால், ஃப்ரிட்ஜில் வைத்து தண்ணீரை நேரடியாகக் குடித்தால் புற்றுநோய் வருமென சமூக ஊடகங்களில் தகவல் பரவுகிறது. இது எந்த அளவுக்கு உண்மை என்று நிபுணர்கள் விளக்குகிறார்கள்.

டையாக்சின் வெளியீடு

ஃப்ரிட்ஜ் நீரை நேரடியாகக் குடிக்கக் கூடாது, அது புற்றுநோயை உண்டாக்கும் என சமூக ஊடகங்களில் பல பதிவுகள் வைரலாகின்றன. இதுகுறித்து மருத்துவர்கள் கூறுகையில், ஃப்ரிட்ஜில் பிளாஸ்டிக் பாட்டிலில் தண்ணீர் வைத்தால், அது புற்றுநோயுடன் தொடர்புடைய டையாக்சின் என்ற சேர்மத்தை வெளியிடுகிறது. அதிக டையாக்சின் உடலில் சேர்ந்தால் புற்றுநோய் வர வாய்ப்புள்ளது. ஆனால், 300 டிகிரி செல்சியஸ் வெப்பநிலையில் மட்டுமே டையாக்சின் வெளியாகும் என்கின்றனர் சுகாதார நிபுணர்கள்.

புற்றுநோய் வாய்ப்பு குறைவு

குறைந்த வெப்பநிலையில் டையாக்சின் வெளியீடு மிகக் குறைவு. எனவே, ஃப்ரிட்ஜ் நீரால் புற்றுநோய் வருவதாக எந்த ஆய்வும் உறுதிப்படுத்தவில்லை. பாதுகாப்பாக ஃப்ரிட்ஜ் நீர் குடிக்க, பிளாஸ்டிக் பாட்டிலுக்குப் பதில் ஸ்டீல் அல்லது கண்ணாடி பாட்டில்களைப் பயன்படுத்துங்கள்.

உருளைக்கிழங்கு வேண்டாம்

ஃப்ரிட்ஜில் உருளைக்கிழங்கை வைக்கக் கூடாது. மற்ற காய்கறிகளுடன் சேர்த்து வைத்தால், அது தீங்கு விளைவிக்கும் சேர்மங்களை உருவாக்கும். உருளைக்கிழங்கை ஃப்ரிட்ஜில் வைத்தால் ஆக்ரிலமைடு என்ற சேர்மம் உருவாகும். இது உடல்நலத்திற்கு தீங்கு விளைவிக்கும். ஃப்ரிட்ஜின் வெப்பநிலை குறைவாக இருந்தால், உருளைக்கிழங்கை மற்ற காய்கறிகளுடன் சேர்த்து ஃப்ரிட்ஜில் வைக்க வேண்டாம்.

உருளைக்கிழங்கை ஃப்ரிட்ஜில் வைக்கத் தேவையில்லை. அறை வெப்பநிலையிலேயே நீண்ட நாட்கள் வைத்திருக்கலாம். உருளைக்கிழங்கை மற்ற காய்கறிகள் மற்றும் வெங்காயத்துடன் சேர்த்து வைக்க வேண்டாம்.

ஃப்ரோசன் உணவுகள்

ஃப்ரிட்ஜில் ஃப்ரோசன் உணவுகள் வைத்திருப்பது வழக்கம். இவற்றை அதிகமாகச் சாப்பிட்டால் புற்றுநோய் வரலாம் என்கின்றனர் மருத்துவர்கள். ஃப்ரோசன் உணவுகளில் சர்க்கரை, உப்பு, மாவுச்சத்து அதிகம். இவற்றை அதிகமாகச் சாப்பிட்டால் புற்றுநோய் மட்டுமல்ல, பிற நோய்களும் வரலாம். வைட்டமின் சி, வைட்டமின் பி போன்ற சத்துக்களும் அழிந்துவிடும்.