உலகம் முழுவதும் அழிவை ஏற்படுத்தும் சீனாவின் மர்ம வைரஸ்: அதன் அறிகுறிகள் என்ன? எப்படி தடுப்பது?

சீனாவில் தோன்றிய இந்த நோய் தற்போது அமெரிக்காவிலும் பரவியுள்ளது. சீனாவில் பரவி வரும் இந்த ஆபத்தான வைரஸ் மர்ம வைரஸ் என அழைக்கப்படுகிறது

உலகம் முழுவதும் உள்ள மக்கள் கொரோனா பாதிப்பில் இருந்து மீண்டு வந்த நிலையில், மற்றொரு மர்ம நோய் தாக்கி உள்ளது. சீனாவில் தோன்றிய இந்த நோய் தற்போது அமெரிக்காவிலும் பரவியுள்ளது. சீனாவில் பரவி வரும் இந்த ஆபத்தான வைரஸ் மர்ம வைரஸ் என அழைக்கப்படுகிறது. இருப்பினும், உலக சுகாதார அமைப்பு (WHO) இதற்கு வெள்ளை நுரையீரல் நோய்க்குறி (White Lung Syndrome) என்று பெயரிட்டுள்ளது.

இந்த மர்ம நோய் உலகம் முழுவதும் மெதுவாக பரவி வருகிறது. இந்த நோய் சிறு குழந்தைகளை அதிகம் பாதிக்கிறது. குழந்தைகள் ஏன் இந்த நோயால் அதிகம் பாதிக்கப்படுகிறார்கள், அதன் அறிகுறிகளை அறிந்து உங்களையும் உங்கள் குழந்தைகளையும் எவ்வாறு பாதுகாப்பது என்பது குறித்து மருத்துவர்கள் விளக்கம் அளித்துள்ளனர்.

ஏசியாநெட் தமிழ் செய்திகளை உடனுக்கு உடன்  Whatsapp Channel-லில் பெறுவதற்கு கீழே கொடுக்கப்பட்டு இருக்கும் லிங்குடன் இணைந்து இருக்கவும்.

வெள்ளை நுரையீரல் நோய்க்குறி என்றால் என்ன?

இந்த நோய்க்கான காரணம் இன்னும் கண்டறியப்படவில்லை என்று மருத்துவர்கள் தெரிவிக்கின்றனர். மைக்கோபிளாஸ்மா நிமோனியா பாக்டீரியா இந்த நோய்க்கு முக்கிய காரணமாக இருக்கலாம். இந்த நோய் ஒரு நபரின் நுரையீரலில் மோசமான விளைவை ஏற்படுத்துகிறது. இதனால் பாதிக்கப்பட்ட நோயாளிகளின் நுரையீரல் வீங்கி, வெள்ளையாகத் தோன்ற ஆரம்பிக்கும். உண்மையில், எக்ஸ்ரே எடுத்த பிறகு வரும் ரிப்போர்ட்டில் நுரையீரல் கருப்பாகத் தெரியும், ஆனால் இந்த வைரஸால் பாதிக்கப்பட்டவரின் எக்ஸ்ரே ரிப்போர்ட்டில் நுரையீரல் வெண்மையாகத் தெரிவதால் இப்பெயர் சூட்டப்பட்டது.

குழந்தைகள் இந்த நோயால் பாதிக்கப்படுவதற்கான காரணங்கள்

பெரும்பாலும் சிறு குழந்தைகள் இந்த நோயால் பாதிக்கப்படுகின்றனர். இதற்கு முக்கிய காரணம் குழந்தைகளின் பலவீனமான நோய் எதிர்ப்பு சக்தி. 5 முதல் 10 வயது வரையிலான குழந்தைகளின் நோய் எதிர்ப்பு சக்தி மெதுவாக உருவாகிறது. அதாவது, ஒருவிதத்தில், அவர்களின் நோய் எதிர்ப்பு சக்தி பலவீனமாக உள்ளது. அத்தகைய சூழ்நிலையில், எந்தவொரு வைரஸும் முதலில் பலவீனமான நோய் எதிர்ப்பு சக்தியைத் தாக்கும். இதனால், குழந்தைகள் இந்த நோயால் அதிகபட்சமாக பாதிக்கப்படுகின்றனர்.

வெள்ளை நுரையீரல் நோய்க்குறியின் அறிகுறிகள்

• சுவாசிப்பதில் சிக்கல்
• தொடர்ந்து நெஞ்சு வலி
• தொடர் சோர்வு, பலவீனம்
• சளி மற்றும் இருமல் இருப்பது
• லேசான காய்ச்சல்
• அதிக குளர்

தடுப்பு குறிப்புகள்:

இந்த நோயிலிருந்து உங்களைப் பாதுகாத்துக் கொள்ள, சமூக தூரத்தை பராமரிக்கவும். உங்கள் கைகளை சுத்தப்படுத்தி, அடிக்கடி கழுவவும். லேசான காய்ச்சல் இருந்தாலும் உடனடியாக மருத்துவரை அணுகவும். சளி மற்றும் இருமல் ஏற்பட்டால் உடனடியாக முகக்கவசம் அணியுங்கள். உங்களை தனிமைப்படுத்திக் கொள்ளுங்கள். மேலும், உங்கள் உணவை ஆரோக்கியமாக வைத்திருங்கள். எடை அதிகரிப்பைத் தவிர்க்க யோகா செய்யுங்கள்.