முகத்தை அழகாக்கி காட்டுவது தாடைதான். செதுக்கியது போல கூர்மையான தாடையை அமையப்பெற்றவர்கள் தேவதையை போல அழகாக இருப்பார்கள். பாலிவுட் நடிகை தீபிகா படுகோனேவின் தாடை கூர்மையாக அழகாக செதுக்கி வைத்த சிலை போல இருக்கும். முகத்திலும் கழுத்திலும் கொழுப்பு சேர்ந்திருந்தால் தடை அகன்று இருக்கும் முகத்தின் வடிவமைப்பும் பெரியதாக அகலமாக இருக்கும். எனவே அழகான தாடையை பெற சில பயிற்சிகளை செய்ய வேண்டும்.
முகத்தில் சேரும் கொழுப்பு:
வயதாகும்போது, உங்கள் முகம் பல மாற்றங்களுக்கு உள்ளாகிறது, இதில் உங்கள் முகத்தின் வடிவம் மாறுதல், கழுத்துப் பகுதியில் கொழுப்பு சேர்தல், தோல் தொய்வு போன்றவைகளால் முகத்தின் வடிவம் மாறுபடும். முகத்தில் கொழுப்பு சேருவதனால், முகத்தில் சதை அதிகாகி கழுத்து பகுதி பெரிதாக இருப்பது போல தோன்றும். இதனால், தாடை பகுதி அழகான வடிவில் வெளியில் தெரியாமல் போகும். உடலில் உள்ள கொழுப்பை குறைப்பதை விட முகத்தில் உள்ள கொழுப்பினை குறைப்பது பலருக்கும் கடினமான விஷயமாக தோன்றும். ஆனால், இதற்கு பல எளிய வழிமுறைகள் இருக்கின்றன. தாடையை அழகாக்க என்ன செய்யலாம் என்று பார்க்கலாம்.
பயிற்சி அவசியம்:
முகத்தில் உள்ள கொழுப்பை குறைக்க சில உடற்பயிற்சிகளை செய்ய வேண்டும். வாயின் கீழ் பகுதியை முன்னும் பின்னுமாக அசைத்து பயிற்சி செய்தால் கத்தில் உள்ள கொழுப்பை குறைக்கலாம். இந்த பயிற்சியை 8 முதல் 10 முறை செய்யலாம். கழுத்தை இடது புறமாக திருப்பி வாயின் கீழ் தாடையை முன்னும் பின்னுமாக அசைக்கவும். இவ்வாரு செய்தால் முகத்தில் உள்ள தேவையற்ற சதைகள் குறைய ஆரம்பிக்கும் என்கின்றனர் பயன் பெற்றவர்கள். நாக்கால் அவ்வப்போது மூக்கை தொடலாம். இந்த பயிற்சியை 5 முறை செய்யலாம். உதட்டை குவித்து கண்ணத்தை இழுத்து பயிற்சி செய்வதன் மூலம் கண்ணத்தின் வடிவமும் தாடையின் வடிவமும் மாறலாம்,
சத்தான காய்கறிகள்:
நம்முடைய உணவுப்பழக்கமே நம்முடைய ஆரோக்கியத்தை தீர்மானிக்கிறது. சரியான சத்தான உணவுகளை சாப்பிட்டால் முகத்தில் கொழுப்பு சேர வாய்ப்பு இல்லை. இது முக அழகுக்காக மட்டுமல்ல உடலின் ஆரோக்கியத்திற்கும் ஏற்றது. ஃபாஸ்ட் உணவுகளை தவிர்த்து விட்டாலே தேவையற்ற கொழுப்புகள் குறையும் கை மேல் பலன் கிடைக்கும் உங்கள் தாடையானது செதுக்கி வைத்த சிலையாக முகம் மாறும். அதிக சர்க்கரை, அதிக உப்பு, அதிக கொழுப்பு உள்ள உணவுகளை சாப்பிடாமல் தவிர்ப்பது நல்லது.
சரியான தூக்கம் அவசியம்
தூக்கத்தை தொலைத்தவர்களுக்கு முகமும், கண்களும் காட்டிக்கொடுத்து விடும். கண்டிப்பாக 6 முதல் 8 மணி நேர தூக்கம் அவசியம் என்கின்றனர் மருத்துவர்கள். கொழுப்பை எரிக்க இதுவும் ஒரு சிறந்த வழி என்று மருத்துவ உலகில் கூறப்படுகிறது.
தூக்கமின்மையும் முகத்தில் சதை போடுவதற்கு ஒரு காரணம் என்கின்றனர் மருத்துவர்கள்.
உடல் நலனை பாதிக்கும்
தூக்கமின்மை பிரச்சினையால் நம் உடலில் உள்ள கார்டிசோல் என்ற ஹார்மோன்கள் தூண்டிவிடப்படும். இது, நம் மனநலனையும் உடல் நலனையும் பாதிக்கும் ஹார்மோன்களுள் ஒன்று. இந்த ஹார்மோனால் நம் உணவு பழக்க வழக்கங்கள் மாறலாம். இதனால் உடலிலும் மற்றும் முகத்திலும் அதிகளவில் கொழுப்பு சேரலாம். அதனால் குறைந்த பட்சம் 6 முதல் 8 மணி நேரம் தூக்க வேண்டும். இதன் மூலம் முகத்தின் வடிவம் அழகாக இருக்கும். அப்புறம் என்ன தாடையை பிடித்து கொஞ்சி விளையாடத்தோன்றும்.