பூமி தன்னைத்தானே சுற்றிக்கொள்ள 24 மணி நேரங்கள் எடுத்துக்கொள்கிறது என நாம் படித்திருப்போம். காலநிலை மாற்றத்தால் இனி வரும் காலங்களில் பூமியின் சுற்று வேகம் குறைவதால் நாள் ஒன்றுக்கு 25 மணி நேரங்கள் ஆகலாம் என்கின்றனர் விஞ்ஞானிகள்.
சூரிய குடும்பத்தில் உயிர்கள் வாழ அனைத்து அம்சங்களும் நிறைந்தது இந்த பூமி மட்டும் தான். பூமி தன்னைத்தானே சுற்றுக்கொண்டும், சூரியனை சுற்றியும் வருகிறது. பூமி சுரியனை ஒரு முறை சுற்றி வர 365 நாட்கள் ஆகிறது. அதேநேரத்தில் பூமி தன்னைத்தானே ஒரு முறை சுற்றிக்கொள்ள 1 நாள் (24 மணிநேரம்) ஆகிறது.
பூமியை விட்டு விலகிப்போகும் சந்திரன்!
நம் பூமியின் இயற்கை துணைக்கோளான சந்திரன், பூமியை சுற்றி வருகிறது. ஆனால், அது மெல்ல மெல்ல பூமியைவிட்டு விலகிச்செல்வதாக விஞ்ஞாணிகள் கண்டுபிடித்துள்ளனர். ஆனாலும் இது சமீபத்திய கண்டுபிடிப்பு அல்ல, விஸ்கான்சின்-மாடிசன் பல்கலைக்கழகத்தின் ஆய்வு அதன் வரலாறு மற்றும் புவியியல் சூழலை விரிவாக ஆராய்கிறது.
பண்டைய புவியியல் அமைப்புகள் மற்றும் வளிமண்டல அடுக்குகளை பகுப்பாய்வு செய்வதன் மூலம் ஆராய்ச்சியாளர்கள் பூமி-சந்திரன் அமைப்பின் வரலாற்றை கண்காணித்து வருகின்றனர். பூமி பொதுவாக தன்னைத்தானே ஒரு முறை சுற்றிக்கொள்ளும் நேரம் 24 மணி நேரமாக நாம் கணக்கில் எடுத்துக்கொள்கிறோம். . ஆனால் மற்ற தொலைதூர கோள்கள் மற்றும் விண்மீன்களைப் பொறுத்தவரை ஒவ்வொரு 23 மணி நேரம், 56 நிமிடங்கள் மற்றும் 4 வினாடிகளுக்கு ஒருமுறை அது வேறுபடுகிறது.
பூமியின் சுழற்சி என்பது காலப்போக்கில் அதன் வேகம் சற்று குறைகிறது. இதனால், கடந்த காலத்திலிருந்த பூமியின் ஒரு நாளின் நேரம் என்பது இப்போது இருப்பதை விடக் குறைவாக இருந்தது.சுமார் 1.4 பில்லியன் ஆண்டுகளுக்கு முன்பு பூமியில் ஒரு நாள் 18 மணி நேரமாக இருந்ததாக ஆய்வுகள் கூறுகின்றன.
இதற்குக் காரணம், பூமியின் சுழற்சியில் நிலா ஏற்படுத்தும் அலை விளைவுகளே. அணுகடிகாரங்களை கொண்டு ஒரு நாளின் நேரத்தை துல்லியமாக கணக்கிட்டால் அது 1.7 மில்லி வினாடிகள் அதிகமாக இருப்பதாகக் காட்டுகின்றன. அதாவது ஒரு நாளின் நேரம் என்பது அதிகரித்துள்ளது. (பூமி சுற்றும் வேகம் குறைந்துள்ளது)
Tamilnadu Rain Alert: இந்த 8 மாவட்டங்களில் இன்று மிரட்டப் போகுதாம் கனமழை! சென்னை வானிலை மையம் தகவல்!
சந்திரனின் விலகல் ஒப்பீட்டளவில் நிலையானது என்றும், புவியியல் கால அளவுகளில் ஏற்ற இறக்கங்களை கொண்டுள்ளது. பூமியின் சுழற்சி மற்றும் கண்டங்களின் இயக்கம் உள்ளிட்ட பல்வேறு புவியியல் காரணிகள் காலப்போக்கில் சந்திரனின் விலகல் விகிதத்தை பாதித்துள்ளன என்பதை ஆராய்ச்சியாளர்கள் கண்டறிந்துள்ளனர்.
அழகை மெருகூட்ட பிளாஸ்டிக் சர்ஜரி செய்து கொண்ட நடிகைகள்.. லிஸ்ட் பெருசா இருக்கே..