இந்த நிலையில், மைனா நந்தினி மற்றும் யோகேஷ் தம்பதியினர் தங்களது திருமண நாளைக் கொண்டாடியுள்ளனர். இந்தச் சிறப்பான நாளை மேலும் மறக்க முடியாததாக மாற்றும் வகையில், ரசிகர்களுடன் ஒரு மகிழ்ச்சியான செய்தியையும் பகிர்ந்துள்ளனர்.
அதன்படி, மைனா நந்தினி மீண்டும் கர்ப்பமாக இருக்கிறார். ஏற்கனவே ஒரு மகனுக்குத் தாயாக இருக்கும் அவருக்கு தற்போது இரண்டாவது குழந்தை பிறக்கவுள்ளது. இந்த மகிழ்ச்சியான செய்தியை யோகேஷ் மற்றும் மைனா இணைந்து அழகான வீடியோ மூலம் அறிவித்துள்ளனர்.
திருமண நாளில் இந்த அறிவிப்பு வெளியானதால் ரசிகர்களுக்கு இரட்டிப்பு மகிழ்ச்சி ஏற்பட்டுள்ளது. இந்த வீடியோ சமூக வலைதளங்களில் கவனம் பெற்று வரும் நிலையில், சின்னத்திரை பிரபலங்கள், நண்பர்கள் மற்றும் ரசிகர்கள் எனப் பலரும் தம்பதிக்கு வாழ்த்துகளைத் தெரிவித்து வருகின்றனர்.
சொந்த வீடு என்ற நீண்ட நாள் கனவு நனவானது, குடும்பத்தில் ஏற்கனவே ஒரு குட்டி இளவரசன் இருக்கும் நிலையில் தற்போது இரண்டாவது குழந்தையின் வருகை என அடுத்தடுத்து மகிழ்ச்சியான தருணங்களைச் சந்தித்து வருகிறார் மைனா நந்தினி. இவர்களது குடும்பத்தில் புதிதாக வரப்போகும் குழந்தையை வரவேற்க ரசிகர்களும் ஆவலுடன் காத்திருக்கின்றனர்.