விஜய் டிவியில் ஆகஸ்ட் 7ஆம் தேதி முதல் ஒளிபரப்பாக உள்ள 'கிழக்கு வாசல்' தொடரில் இருந்து முக்கிய நடிகை ஒருவர் விலகி விட்டதாக தகவல் வெளியாகி உள்ளது.
தளபதி விஜய்யின் தந்தை எஸ் சி எஸ் சி முக்கிய கதாபாத்திரத்தில் நடிக்கும் 'கிழக்கு வாசல்' தொடர் ஆகஸ்ட் 7ஆம் தேதி முதல், விஜய் டிவி தொலைக்காட்சியில்... இரவு 10 மணிக்கு ஒளிபரப்பாக உள்ளது. மேலும் இதற்கு முன்பு இந்த நேரத்தில் ஒளிபரப்பாகி வந்த, 'பாரதி கண்ணம்மா 2' தொடர் அதிரடியாக நிறுத்தப்பட உள்ளதாகவும் தகவல்கள் வெளியாகியுள்ளன.
இந்நிலையில் கிழக்கு வாசல் தொடர், துவங்கும் முன்பே இந்த தொடரில் இருந்து முக்கிய நடிகை ஒருவர் விலகி உள்ள தகவல் வெளியாகி உள்ளது. அயலி வெப் சீரிஸில் நடித்து பிரபலமான காயத்ரி கிருஷ்ணன் தற்போது சன் டிவியில் ஒளிபரப்பாகி வரும் 'எதிர்நீச்சல்' தொடரில் ஜான்சி ராணி என்கிற முக்கிய கதாபாத்திரத்தில் நடித்து வருகிறார். இவர் 'எதிர்நீச்சல்' தொடரில் நடிக்க துவங்கிய ஒரே வாரத்தில், ரசிகர்கள் மனதில் இடம் பிடித்தார். அந்த அளவுக்கு தன்னுடைய எதார்த்தமான நடிப்பை வெளிப்படுத்தியது இவரின் மிகப்பெரிய பலம் எனலாம்.
ஜீவானந்தம் யார்? ஒருபக்கம் ஜனனி... மறுபக்கம் குணசேகரன்..! பரபரக்கும் விசாரணை! எதிர்நீச்சல் அப்டேட்!
மாடலாகவும், தொகுப்பாளராகவும் பிரபலமான காயத்ரி பல வருடங்களாக திரைப்படங்களில் படங்களில் நடிக்க வாய்ப்பு தேடிய நிலையில், இவரின் நிறம் மற்றும் உடலமைப்பு போன்ற சில காரணங்களால் பட வாய்ப்புகள் மறுக்கப்பட்டது. பின்னர் சீரியலில் நடிக்க முடிவு செய்தார். தெரிந்த ஒருவர் மூலம் எதிர்நீச்சல் தொடர் வாய்ப்பு இவருக்கு கிடைக்கவே, ஆடிஷனில் இயக்குனரையே ஆச்சர்யப்படுத்தினார். 'எதிர்நீச்சல்' சீரியலுக்கு பின்னர், அடுத்தடுத்து திரைப்படங்களிலும் சீரியல்களிலும் நடித்து வரும் காயத்ரி விரைவில் விஜய் டிவி தொலைக்காட்சியில் ஒளிபரப்பாக இருக்கும் 'கிழக்கு வாசல்' தொடரில் கதாநாயகனாக நடிக்கும் வெங்கட் ரங்கநாதனுக்கு அம்மாவாக நடிக்கும் கதாபாத்திரத்தில் நடிக்க கமிட் ஆகி இருந்தார்.
பட பூஜையிலும் இவர் கலந்து கொண்ட நிலையில், தற்போது இந்த சீரியலில் இருந்து இவர் விலகி விட்டதாக தகவல் வெளியாகியுள்ளது. கால்ஷீட் பிரச்சனை காரணமாக இந்த தொடரில் இருந்து காயத்திரி விலகி விட்டதாகவும் இவருக்கு பதில், நடிகை தாரணி நடிக்க உள்ளதாக கூறப்படுகிறது. ஏற்கனவே ஜீ தமிழ் தொலைக்காட்சியில் ஒளிபரப்பாகி வரும் 'அமுதாவும் அன்னலட்சுமி தொடரில்' நடித்து வரும் காயத்தி... அடுத்தடுத்து சீரியல்கள் மற்றும் திரைப்படங்களிலும் நிற்க கூட நேரம் இல்லாமல், நடித்து வருகிறார்.
கிழக்கு வாசல் தொடரில், 'எதிர்நீச்சல்' தொடரை விட கூடுதல் சம்பளம் என்றாலும், தனக்கு ஏணியாக இருந்த, எதிர்நீச்சல் தொடர் தான் முக்கியம் என எண்ணி, அதிரடியாக 'கிழக்கு வாசல்' தொடரில் இருந்து விலகியுள்ளார். ஏற்கனவே இந்த சீரியலில் நடிக்க கமிட் ஆன சஞ்சீவும் இந்த தொடரில் இருந்து அதிரடியாக தூக்கப்பட்டது குறிப்பிடத்தக்கது.
சேனலை கிளிக் செய்து பின்தொடரவும்