'கயல்' சீரியல் யாரும் எதிர்பார்க்காத பல்வேறு திருப்பங்களுடன் ஒளிபரப்பாகி வரும் நிலையில், குறித்த நேரத்தில் ஆர்த்தியை திருமணம் செய்து கொள்ள உள்ளது யார் என்பது குறித்த தகவல் தற்போது வெளியாகியுள்ளது.
சன் டிவியில் ஒளிபரப்பாகி வரும் 'கயல்' தொடர் ஒவ்வொரு வாரமும் TRP-யில் கெத்து காட்டி வருகிறது. தன்னுடைய பெரியப்பா தர்மலிங்கத்தின் அனைத்து சதி திட்டங்களையும் முறியடித்து, தன்னுடைய குடும்பத்தை காப்பாற்றி வரும் கயல், திருமண வயதை எட்டிய போதிலும் தன்னுடைய குடும்பத்திற்காக திருமணம் செய்து கொள்ளாமல் வாழ்ந்து வருகிறார்.
கயலின் இந்த குணத்தை பார்த்தே... பல வருடங்களாக காதலித்து வருகிறார் கயலின் நண்பரான எழில். பல சூழ்நிலைகளில் கயலுக்கு உறுதுணையாக எழில் இருந்து வரும் அதே நேரம், எழில் மீது கயலுக்கு காதல் இருந்தாலும் குடும்ப சூழல் காரணமாக தொடர்ந்து ஏற்க மறுக்கிறார். எழிலை மணமேடையில் பார்க்கும் போது தான் கயலுக்கு அவர் மீது உள்ள காதலே புரிகிறது. எனினும் காதலை ஓரம் கட்டி வைத்துவிட்டு, ஆர்த்திக்கும் எழிலுக்கும் திருமணம் நடக்க வேண்டும் என நினைக்கிறார்.
எழில் எப்படியும் கயலை தான் திருமணம் செய்ய வேண்டும் என்கிற முடிவில் உள்ளதால்... கயலை தீர்த்து கட்ட வேண்டும் என அவருக்கு எதிராக திட்டங்கள் போடப்படுகிறது. கயலை கொலை செய்ய கடந்த வாரம் கெளதம் திட்டம் போட்ட நிலையில், தற்போது எழிலின் அம்மா... கயலை ரவுடிகளை வைத்து அடிக்க ஆட்களை செட்டப் பண்ணியுள்ளார். இது குறித்த ப்ரோமோ தான் இன்றைய தினம் வெளியாகியுள்ளது.
ஆனால் ரசிகர்களின் எதிர்பார்ப்பு, அணைத்து பிரச்சனைகளையும் கடந்து எழில் - கயலை திருமணம் செய்து கொள்ள வேண்டும் என்பது தான். கதை படியும் அப்படி தான் நடக்கும் என கூறப்படுகிறது.
இதை தொடர்ந்து தற்போது புதிய தகவல் ஒன்று வெளியாகியுள்ளது. திருமண மேடை வரை வந்த ஆர்த்தியின் வாழ்க்கை கேள்விக்குறியாகும் பட்சத்தில், அவருக்கும் அதே மேடையில் வேறு ஒருவருடன் திருமணம் நடக்குமாம். ஆர்த்தி எழிலின் உயிர் நண்பனான ஆனந்தை தான் திருமணம் செய்து கொள்ள உள்ளதாக கூறப்படுகிறது.
இப்படி ஒரு ட்விஸ்ட்டை கயல் சீரியலில் யாரும் எதிர்பார்த்திருக்க மாட்டார்கள். மேலும் ஆர்த்திக்கு ஆனந்துடனும, கயலுக்கு எழிலுடனும், ஒரே மேடையில் திருமணம் நடக்குமா? அல்லது அதிலும் எதிர்பாராத பல ட்விஸ்ட்டுகள் இருக்குமா? என்பதை பொறுத்திருந்து பார்ப்போம்.
ரா.. ரா.. ஸ்டைலில் வெளியாகும் ஸ்வாகதாஞ்சலி.. ஜோதிகாவை மிஞ்சுவாரா கங்கனா? - ரசிகர்கள் சொல்வதென்ன?
சேனலை கிளிக் செய்து பின்தொடரவும்