தமிழ் புத்தாண்டில் புது கார் வாங்கிய பிக்பாஸ் ரச்சிதா... அதன் விலை மட்டும் இத்தனை லட்சமா!

பிக்பாஸ் நிகழ்ச்சி மூலம் பிரபலமான சீரியல் நடிகை ரச்சிதா மகாலட்சுமி தமிழ் புத்தாண்டன்று புது கார் ஒன்றை வாங்கி அதன் புகைப்படங்களை இன்ஸ்டாகிராமில் பதிவிட்டுள்ளார்.

சரவணன் மீனாட்சி சீரியல் மூலம் பிரபலமானவர் ரச்சிதா மகாலட்சுமி. அதில் இவர் மீனாட்சியாக நடித்திருந்தார். மக்கள் இவரை நேரில் பார்த்தாலும் மீனாட்சி என அழைக்கும் அளவுக்கு அந்த கேரக்டர் மக்கள் மத்தியில் செம்ம ரீச் ஆனது. இதையடுத்து சீரியல் நடிகர் தினேஷ் என்பவரை காதலித்து கடந்த 2015-ம் ஆண்டு திருமணம் செய்துகொண்டனர். திருமணத்துக்கு பின்னரும் சீரியல்களில் தொடர்ந்து நடித்து வந்தார் ரச்சிதா.

இதையடுத்து கடந்த சில ஆண்டுகளுக்கு முன் கணவருடன் ஏற்பட்ட கருத்து வேறுபாடு காரணமாக அவரை பிரிந்து சென்ற ரச்சிதா, தற்போது தனது பெற்றோருடன் வசித்து வருகிறார். சமீபத்தில் நடிகை ரச்சிதா, பிக்பாஸ் நிகழ்ச்சியின் 6-வது சீசனில் போட்டியாளராக கலந்துகொண்டார். அந்த நிகழ்ச்சியில் ராபர்ட் மாஸ்டர் இவருடன் நெருங்கி பழகி வந்தது சர்ச்சையானது. ஆனால் ரச்சிதா அவரை ஒரு நண்பராகவே பார்த்ததாக கூறி சர்ச்சைக்கு முற்றுப்புள்ளி வைத்தார்.

இதையும் படியுங்கள்... ஹீரோக்கள் உருவாக்கப்படுவதில்லை; அவர்கள் பிறக்கிறார்கள் - தோனிக்கு முத்தம் கொடுத்த குஷ்புவின் 88 வயதான மாமியார்

பிக்பாஸ் நிகழ்ச்சிக்கு பின்னர் இன்ஸ்டாகிராமில் படு ஆக்டிவாக இருக்கும் ரச்சிதா. தமிழ் புத்தாண்டு தினமான நேற்று ஒரு பதிவை போட்டிருந்தார். அந்த பதிவை பார்த்ததும் ரசிகர்கள் அவருக்கு வாழ்த்து மழை பொழிந்து வருகின்றனர். அது என்னவென்றால், தமிழ் புத்தாண்டன்று தான் புது கார் ஒன்றை வாங்கி உள்ளதாக கூறி அதன் புகைப்படங்களையும் ரச்சிதா பதிவிட்டு இருந்தார். அவருடன் பிக்பாஸ் ஷெரினும் உடன் சென்று இருந்தார்.

ரச்சிதா எம்ஜி ஹெக்டர் காரை தான் வாங்கி இருக்கிறார். சிகப்பு நிறத்தில் அவர் வாங்கியுள்ள அந்த காரின் விலை ரூ.22 லட்சம் இருக்குமாம். இதுகுறித்த புகைப்படங்களுடன் இன்ஸ்டாகிராமில் அவர் போட்டுள்ள பதிவில், புதிய ஆண்டு... புதிய தொடக்கம்... வெல்கம் ஹோம் எம்ஜி ஹெக்டர் என குறிப்பிட்டு உள்ளார். புத்தாண்டன்று புது கார் வாங்கியுள்ள நடிகை ரச்சிதா மகாலட்சுமிக்கு சோசியல் மீடியா வாயிலாக ரசிகர்கள் வாழ்த்துக்களை தெரிவித்து வருகின்றனர்.

இதையும் படியுங்கள்... Watch : குறட்டைவிட்ட நாயகனை விரட்டிவிட்ட நாயகி - கவனம் பெறும் ‘குட் நைட்’ பட டீசர்