Recharge Packs: டிராய் புதிய உத்தரவுப்படி டெலிகாம் நிறுவனங்கள் ஆப் மற்றும் வெப்சைட்களில் 'TRAI-mandated packs' என்ற தனிப் பகுதியை முதல் டேப்பாக 30 நாட்களில் அமைக்க வேண்டும். வாடிக்கையாளர்கள் ரீசார்ஜ் பிளான்களை ஒரே கிளிக்கில் தேர்ந்தெடுக்கலாம்.
இந்திய தொலைத்தொடர்பு ஒழுங்குமுறை ஆணையமான ட்ராய் (TRAI), டெலிகாம் நிறுவனங்களுக்கு ஒரு முக்கியமான உத்தரவை பிறப்பித்துள்ளது. வாடிக்கையாளர்கள் தங்களுக்கு தேவையான ரீசார்ஜ் பிளான்கள் மற்றும் ஸ்பெஷல் வவுச்சர்களை தேடி கண்டுபிடிப்பதில் ரொம்பவே சிரமப்படுகிறார்கள் என புகார்கள் வந்தன. இதைத் தொடர்ந்து, அந்த பிளான்களை வெப்சைட்கள், மொபைல் ஆப்கள் மற்றும் ரீடெய்ல் கடைகளில் தெளிவாக தெரியும்படி வைக்க வேண்டும் என ட்ராய் அறிவுறுத்தியுள்ளது.
24
வாடிக்கையாளர்களின் கண்ணில் படும்படி...
கடந்த வியாழக்கிழமை வெளியான இந்த உத்தரவில், அனைத்து டெலிகாம் நிறுவனங்களும் தங்கள் வெப்சைட் மற்றும் ஆப்களில் "TRAI-mandated packs" என்ற பெயரில் தனியாக ஒரு பகுதியை உருவாக்க வேண்டும் என கூறப்பட்டுள்ளது. ப்ரீபெய்ட் ரீசார்ஜ் பகுதிக்குள் நுழையும்போது, இந்த டேப் தான் முதல் ஆப்ஷனாக இருக்க வேண்டும். அதேபோல, ரீடெய்ல் கடைகளிலும் இந்த பிளான்கள் வாடிக்கையாளர்களின் கண்ணில் படும்படி வைக்கப்பட வேண்டும்.
30 நாட்கள் கெடு
இந்த புதிய உத்தரவின்படி, டெலிகாம் நிறுவனங்கள் "TRAI-mandated packs" என்ற பெயரில் ஒரு தனி டேப் அல்லது பகுதியை உருவாக்க வேண்டும். இதில் ட்ராய் கட்டாயமாக்கியுள்ள அனைத்து வவுச்சர்களும் இருக்க வேண்டும். முக்கியமாக, இந்த பகுதி வேறு ஏதோ ஒரு மூலையில் இல்லாமல், ப்ரீபெய்ட் ரீசார்ஜ் செக்ஷனில் முதல் டேப்பாகவே இருக்க வேண்டும். இதற்கான மாற்றங்களை செய்ய டெலிகாம் நிறுவனங்களுக்கு 30 நாட்கள் கெடு விதிக்கப்பட்டுள்ளது.
34
ட்ராய் தலையிட காரணம் என்ன?
டெலிகாம் நிறுவனங்களின் வெப்சைட் மற்றும் ஆப்களில், தங்களுக்கு தேவையான பிளான்களை தேடி எடுப்பது ரொம்ப கஷ்டமாக இருப்பதாக வாடிக்கையாளர்கள் தொடர்ந்து புகார் அளித்து வந்தனர். இதைத் தொடர்ந்து ட்ராய் நேரடியாகவே களமிறங்கி ஆய்வு செய்தது. அப்போது, கட்டாயமாக இருக்க வேண்டிய வவுச்சர்கள் சம்பந்தமே இல்லாத பிரிவுகளில் மறைத்து வைக்கப்பட்டிருப்பதும், அதை கண்டுபிடிக்க பல பக்கங்களை கடந்து செல்ல வேண்டியிருப்பதும் உறுதியானது. இதனால்தான் இந்த அதிரடி நடவடிக்கை.
தற்போதைய ட்ராய் விதிகளின்படி, ஒவ்வொரு டெலிகாம் நிறுவனமும் குறைந்தது ஒரு பிளான் வவுச்சர், ஒரு ஸ்பெஷல் டேரிஃப் வவுச்சர் மற்றும் ஒரு காம்போ வவுச்சரை வழங்க வேண்டும். இவை ஒவ்வொன்றும் 30 நாட்கள் வேலிடிட்டி கொண்டிருக்க வேண்டும். அதாவது, ஒவ்வொரு மாதமும் அதே தேதியில் ரீசார்ஜ் செய்யும் வசதி இருக்க வேண்டும். இதுதவிர, டேட்டா தேவையில்லாத வாடிக்கையாளர்களுக்காக, வாய்ஸ் கால் மற்றும் எஸ்எம்எஸ் வசதி மட்டும் கொண்ட ஸ்பெஷல் வவுச்சர்களையும் தனியாக வழங்க வேண்டும். இந்த பிளான்களை மக்கள் எளிதாக பயன்படுத்தும் வகையில், ட்ராய் தொடர்ந்து டெலிகாம் நிறுவனங்களை வலியுறுத்தி வருகிறது.
ஸ்மார்ட்போன்கள் மற்றும் AI முதல் சைபர் பாதுகாப்பு, அறிவியல் முன்னேற்றங்கள் வரை — சமீபத்திய தொழில்நுட்ப (Technology News in Tamil) அப்டேட்களை தொடர்ச்சியாக பெறுங்கள். டிஜிட்டல் டிரெண்ட்ஸ் குறித்து நிபுணர்களின் கருத்துகள், விரிவான தகவல்கள் மற்றும் பிரேக்கிங் நியூஸை வழங்கும் ஒரே தளம் ஏஷ்யாநெட் தமிழ் நியூஸ்.புதிய கேஜெட் ரிலீஸ் ஆனதா? புதிய ஸ்டார்ட்அப்புகள் வந்தவையா? எதிர்காலத்தை மாற்றக்கூடிய எந்த டெக் பாலிஸி வந்துள்ளது? இவை அனைத்திற்கும் சிறு சிறு தகவல்கள் இங்கு கிடைக்கும். டெக் விளக்கக் குறிப்புகள் மற்றும் கேஜெட் டெமோ வீடியோக்களையும் நீங்கள் பார்க்கலாம்.
