ஸ்பேம் கால், மோசடி மெசேஜ்களால் சலிப்பா? இனி சில நிமிடங்களில் புகார் செய்யலாம்!

மொபைலில் தினமும் வரும் ஸ்பேம் கால்கள், மோசடி மெசேஜ்கள், மற்றும் போலி வங்கிப் பரிவர்த்தனை இணைப்புகள் பலரை ஏமாற்றி வருகின்றன. இந்த போர்டல் குடிமக்களுக்கு டிஜிட்டல் பாதுகாப்பையும் வெளிப்படைத்தன்மையையும் வழங்குகிறது.

ஸ்பேம் கால் தீர்வு

மொபைலில் தினமும் வரும் ஸ்பேம் கால்கள், மோசடி மெசேஜ்கள், மற்றும் போலியான வங்கிப் பரிவர்த்தனை இணைப்புகள் பலரை ஏமாற்றி வருகின்றன. “உங்கள் KYC-ஐ அப்டேட் செய்யுங்கள்”, “நீங்கள் லாட்டரி வென்றுள்ளீர்கள்”, அல்லது “உங்கள் கணக்கு முடக்கப்படும்” போன்ற செய்திகள் மூலம் மக்கள் நிதி இழப்புக்குள்ளாகி, தனிப்பட்ட தகவல்களும் ஆபத்தில் சிக்குகின்றன. இதைத் தடுக்க, மத்திய அரசின் தொலைத்தொடர்புத் துறை (DoT) தொடங்கியுள்ள ‘சஞ்சார் சாதி (Sanchar Saathi)’ போர்டல் மக்களுக்கு பாதுகாப்பான தீர்வாக உள்ளது.

சஞ்சார் சாதி போர்டல் என்றால் என்ன?

இந்திய அரசின் DoT உருவாக்கிய ‘சஞ்சார் சாதி’ போர்டல் மூலம், பயனர்கள் தங்கள் மொபைல் எண்களை பாதுகாப்பது, மோசடி எண்களை கண்டறிவது, மற்றும் ஸ்பேம் கால்/மெசேஜ்களுக்கு புகார் அளிப்பது போன்ற அனைத்தையும் ஒரே இடத்தில் செய்ய முடியும். இந்த போர்டல் [https://sancharsaathi.gov.in](https://sancharsaathi.gov.in) என்ற தளத்தில் கிடைக்கிறது. பயனர்கள் OTP மூலம் உள்நுழைந்து, புகார் அளிக்கலாம்.

ஸ்பேம் கால் அல்லது மெசேஜ் புகார் செய்வது எப்படி?

புகார் செய்யும் முறை எளிதானது. தளத்தை திறந்து ‘தேவையற்ற தொடர்பைப் புகாரளிக்கவும்’ என்பதைத் தேர்ந்தெடுக்கவும். பின்னர் உங்கள் மொபைல் எண் மற்றும் OTP-ஐ உள்ளிட்டு உள்நுழையவும். பிறகு, ஸ்பேம் கால் அல்லது மெசேஜ் வந்த எண்ணையும் அதன் வகையையும் (மோசடி, விளம்பரம், வங்கி தொடர்பானது) குறிப்பிடவும். விவரங்களை நிரப்பிய பிறகு ‘புகாரைச் சமர்ப்பி’ என்பதைக் கிளிக் செய்தால், உங்கள் புகார் சம்பந்தப்பட்ட நிறுவனத்திடம் அனுப்பப்படும். மேலும், புகாரின் நிலையைப் பார்க்கும் வசதியும் இதில் உள்ளது.

மற்ற பயன்பாட்டு சேவைகள் மற்றும் டிப்ஸ்

இந்த போர்டலில், “உங்கள் மொபைல் இணைப்பை அறிந்து கொள்ளுங்கள்” மூலம் உங்கள் பெயரில் உள்ள அனைத்து சிம் எண்களையும் அறியலாம். தொலைந்த அல்லது திருடப்பட்ட தொலைபேசியைப் புகாரளிக்கவும்” மூலம் தொலைந்த போனுக்காக புகார் அளிக்கலாம். “Block/Unblock IMEI” மூலம் தொலைந்த மொபைலை முடக்கலாம். ஸ்பேம் கால்களில் இருந்து தப்பிக்க அறிமுகமில்லாத இணைப்புகளை கிளிக் செய்யாதீர்கள், OTP பகிராதீர்கள், Do Not Disturb (DND) சேவையை இயக்கி வைக்கவும், மேலும் அதிகாரபூர்வ செயலிகளிலேயே பரிவர்த்தனைகளை முடிக்கவும்.