Oppo Flip phone | ஓப்போ பிரியர்களே இன்னும் கொஞ்ச நாள் பொறுத்திருங்க!

ஓப்போ நிறுவனத்தின் புத்தம் புதிய Oppo Find N2 Flip வரும் மார்ச் 13 ஆம் தேதி இந்தியாவில் அறிமுகமாகிறது. இதில் எதிர்பார்க்கப்படும் விலை, சிறப்பம்சங்கள் பற்றி இங்குக் காணலாம்.

ஓப்போ நிறுவனம் சமீபத்தில் Oppo Find N2 Flip என் மடிக்கக்கூடிய ஸ்மார்ட்போன் உலகளவில் அறிமுகப்படுத்தியது. அதனைத் தொடர்ந்து, இப்போது இந்தியாவில் மடிக்கக்கூடிய ஸ்மார்ட்போனை அறிமுகப்படுத்த தயாராக உள்ளது. அதன்படி, ஒப்போ ஃபைண்ட் என்2 ஃபிளிப் ஸ்மார்ட்போனை மார்ச் 13 ஆம் தேதி நாட்டில் அறிமுகப்படுத்தப்போவதாக ஒப்போ ட்விட்டரில் அறிவித்தது.

இது குறித்து ஓப்போ இந்தியாவின் அதிகாரப்பூர்வ டுவிட்டர் பக்கத்தில் ட்வீட் வெளியிடப்பட்டுள்ளது. அதில், "ஓ ஸ்னாப், அறிமுகம் கிட்டத்தட்ட வந்துவிட்டது! மார்ச் 13 ஆம் தேதி விலை தெரியவரும்!" என்று குறிப்பிடப்பட்டுள்ளது. Oppo Find N2 ஆனது மெருகூட்டப்பட்ட அலுமினிய ஃபிரேம், மேட் கிளாஸ் பின்புறம் கொண்டுள்ளது.

இது மடிக்கக்கூடிய ஸ்மார்ட்போன் ஆகும்.  3.26-இன்ச் செங்குத்து டிஸ்பிளேவைக் கொண்டுள்ளது, 17:9 செங்குத்து தளவமைப்புடன் ஃபோனின் மேல் பாதியில் 48.5% பங்கு உள்ளது. மொத்தம் இரண்டு வண்ண நிறங்களில் வருகிறது. அவை: மூன்லைட் பர்பிள், ஆஸ்ட்ரல் பிளாக் ஆகும்.

Oppo Find N2 Flip அம்சங்கள்:

Oppo Find N2 Flip ஸ்மார்ட்போனில் திரை துல்லியம் 1080x2520 பிக்சல் என்ற அளவில் உள்ளது. 6.8-இன்ச் FHD+ டிஸ்ப்ளேவுடன் வருகிறது. டிஸ்ப்ளே 120Hz அடாப்டிவ் ரெஃப்ரெஷ் ரேட் மற்றும் 1600 நைட்ஸ் வரை பிரைட்னஸ் வழங்குகிறது. மடிக்கும் போது ஸ்மார்ட்போனின் திரை 382x720 பிக்சலாக மாறி, 3.26-இன்ச் அமோலெட் டிஸ்ப்ளே வருகிறது.

ஆக்டா கோர் மீடியாடெக் டைமென்சிட்டி 9000+ பிராசசர், 8ஜிபி ரேம், 256 ஜிபி உள் சேமிப்பிடம் வழங்கப்பட்டுள்ளது. ஆண்ட்ராய்டு 13 இயங்குதளத்தில் இயங்குகிறது. இது நிறுவனத்தின் சொந்த ColorOS 13 உடன் உள்ளது. ஸ்மார்ட்போனின் பின்புறத்தில் டூயல் கேமராவைக் கொண்டுள்ளது. அவற்றின் மெகா பிக்சல் வீதம் பின்புற கேமரா 50MP பிரைமரி கேமரா, 8MP அல்ட்ரா-வைட் ஆங்கிள் கேமரா ஆகும். முன்பக்கம் செல்ஃபிக்களுக்காக 32 MP கேமரா உள்ளது. Oppo Find N2 Flip ஆனது 44W ஃபாஸ்ட் சார்ஜிங் வசதியும், அதற்கு ஏற்ப 4,300 mAh சக்தி கொண்ட பேட்டரியும் உள்ளது.