கூகுள் நிறுவனத்தின் பிக்சல் சீரிஸ் ஸ்மார்ட்போன்கள் ஆப்பிள் நிறுவனத்தின் ஐபோன் சீரிஸ் உள்பட பிரீமியம் ஸ்மார்ட்போன்களுடன் போட்டி போடுகின்றன.
கூகுள் நிறுவனத்தின் பிக்சல் 9 சீரிஸ் ஸ்மார்ட்போன்கள் விரைவில் வெளியாக உள்ளன. பிக்சல் 9 ப்ரோ மற்றும் பிக்சல் 9 ப்ரோ ஃபோல்டு ஆகியவற்றின் புதிய டீஸர் வீடியோ வெளியாகியுள்ளது.
கூகுள் பிக்சல் 8 வடிவமைப்பிற்கு மாறாக கேமரா அமைப்பில் வித்தியாசமான வடிவமைப்பு காணப்படுகிறது. கேமரா மொபைலின் ஒரு பக்கத்திலிருந்து மற்றொரு பக்கத்திற்கு நகர்ந்துள்ளது.
இந்த மொபைல்களின் முக்கிய அம்சங்கள் பற்றிய கூடுதல் விவரங்களை வெளிவரவில்லை என்றாலும், பிக்சல் 9 சீரிஸ் டென்சர் ஜி4 சிப்செட்டைக் கொண்டிருக்கும் என்று தகவல்கள் தெரிவிக்கின்றன. இது கூகுளின் தற்போதைய பிராசஸருடன் ஒப்பிடும்போது செயல்திறன் மிக்கதாக இருக்கும் என்று கூறப்படுகிறது.
பிக்சல் 9 ப்ரோ மற்றும் பிக்சல் 9 ப்ரோ ஃபோல்ட் ஆகியவை தோராயமாக ரூ.1,00,000 மற்றும் ரூ. 1,72,900 தொடங்க விலையில் விற்பனைக்கு வரும் என்று தகவல்கள் தெரிவிக்கின்றன.
ஆனால், ஆகஸ்ட் 13ஆம் தேதி கூகுள் பிக்சல் 9 சீரிஸ் மொபைல்கள் வெளியாக உள்ளன. அப்போது பிக்சல் 9 மற்றும் பிக்சல் 9 ப்ரோ ஃபோல்டு பற்றி கூடுதல் தகவல்கள் கிடைக்கும் என்று எதிர்பார்க்கப்படுகிறது.
சேனலை கிளிக் செய்து பின்தொடரவும்