நீலக்கடலில் ஆச்சரியம்: ஓமன் கடற்கரையில் துள்ளிக்குதித்த அரிய வகை இளஞ்சிவப்பு டால்பின்கள்!

ஓமனின் தலைநகரான முஸ்கட்டில் உள்ள குந்தாப் கடற்கரையில், அரிய வகை இளஞ்சிவப்பு டால்பின்கள் நீந்திச் சென்ற காட்சி இணையத்தில் வைரலாகி வருகிறது.

எங்கு கண்டுபிடிக்கபட்டது?

ஓமனின் தலைநகரமான முஸ்கட்டில் உள்ள குந்தாப் கடற்கரைக்கு மிக அருகில் இந்த டால்பின்கள் தென்பட்டன. கடற்கரையில் இருந்தவர்கள் இவற்றைத் தெளிவாகப் படம்பிடித்துள்ளனர். இருப்பினும், எத்தனை டால்பின்கள் வந்தன, அவை எந்த வகையைச் சேர்ந்தவை என்பது குறித்த அதிகாரப்பூர்வ தகவல்கள் இன்னும் உறுதிப்படுத்தப்படவில்லை.

ஓமன் கடற்கரை டால்பின்

ஓமனின் தலைநகரான முஸ்கட்டில் உள்ள குந்தாப் கடற்கரைக்கு அருகே, இளஞ்சிவப்பு நிற டால்பின்கள் நீந்திச் சென்ற அரிய காட்சி பதிவு செய்யப்பட்டுள்ளது. அங்கு கடற்கரைக்கு வந்திருந்தவர்கள், நீல நிறக் கடலில் இந்த டால்பின்கள் துள்ளிக்குதித்துச் சென்றதை ஆச்சரியத்துடன் கண்டு களித்தனர். 'அரேபியன் டெய்லி நியூஸ்' வெளியிட்டுள்ள இந்த வீடியோ தற்போது இணையத்தில் வைரலாகி வருகிறது.

டால்பின்கள் ஏன் இளஞ்சிவப்பு நிறத்தில் தோன்று கின்றன?

டால்பின்களின் இந்த நிறத்திற்குக் காரணம் அவற்றின் இனத்தைப் பொறுத்து மாறுபடும். எடுத்துக்காட்டாக, சில அமேசான் நதி டால்பின்கள் வயது முதிர்ச்சியடையும் போது அவற்றின் வயது, இரத்த ஓட்டம் மற்றும் தோலில் ஏற்படும் வடுக்கள் காரணமாக இளஞ்சிவப்பு நிறத்தைப் பெறுகின்றன. உலகின் பிற பகுதிகளிலும் இத்தகைய இளஞ்சிவப்பு டால்பின்கள் பதிவாகியுள்ளன. எனினும், நிபுணர்களின் முறையான உறுதிப்படுத்தல் இல்லாமல் இது எந்த வகை டால்பின் என்று உறுதியாகக் கூற முடியாது.

அரிய கடல்வாழ் உயிரினக் காட்சி

ஓமன் நாடு அரபிக் கடலையும் ஓமன் வளைகுடாவையும் எல்லையாகக் கொண்டிருப்பதால், அங்கு பல்வேறு வகையான கடல்வாழ் உயிரினங்கள் வாழ்கின்றன. இந்த அரிய நிகழ்வு அப்பகுதிக்கு வரும் சுற்றுலாப் பயணிகளுக்கும், கடற்கரைக்கு வருபவர்களுக்கும் ஒரு மறக்க முடியாத அனுபவமாக அமைந்துள்ளது. கடல்வாழ் உயிரின நிபுணர்களின் ஆய்வுக்குப் பின்னரே இந்த டால்பின் வகை பற்றிய முழு விவரங்கள் தெரியவரும்.