சாம்சங், விவோ ஓரம்போங்க.. இந்த விலையில் 6500mAh பேட்டரியா? ஒப்போ செய்த சம்பவம்!

Oppo Reno 15c ஒப்போ ரெனோ 15c ஸ்மார்ட்போன் 6500mAh பேட்டரி மற்றும் ஸ்னாப்டிராகன் 7 ஜென் 4 சிப்செட் உடன் அறிமுகமாகியுள்ளது. விலை மற்றும் விவரம் உள்ளே.

Oppo Reno 15c ஒப்போ

ஸ்மார்ட்போன் சந்தையில் தனக்கென தனி இடம்பிடித்துள்ள ஒப்போ (Oppo) நிறுவனம், தனது ரெனோ சீரிஸில் புதிய வரவாக 'ஒப்போ ரெனோ 15c' (Oppo Reno 15c) ஸ்மார்ட்போனை சீனாவில் அறிமுகப்படுத்தியுள்ளது. முந்தைய மாடல்களை விட செயல்திறன், கேமரா மற்றும் பேட்டரி என அனைத்து விதத்திலும் இந்த போன் மெருகேற்றப்பட்டுள்ளது. குறிப்பாக இதன் பிரம்மாண்ட பேட்டரி மற்றும் சக்திவாய்ந்த பிராசஸர் பயனர்களை வெகுவாகக் கவர்ந்துள்ளது.

விலை மற்றும் நிறங்கள்

தற்போதைக்கு சீனாவில் அறிமுகமாகியுள்ள இந்த போனின் விலை, இந்திய மதிப்பில் தோராயமாக ரூ.37,000-ல் (CNY 2,899) தொடங்குகிறது. இது 12GB ரேம் + 256GB ஸ்டோரேஜ் மாடலுக்கான விலையாகும். இதன் டாப் வேரியண்டான 12GB + 512GB மாடலின் விலை சுமார் ரூ.41,000 ஆக உள்ளது. அரோரா ப்ளூ, காலேஜ் ப்ளூ மற்றும் ஸ்டார்லைட் போ ஆகிய மூன்று கவர்ச்சிகரமான நிறங்களில் இது கிடைக்கிறது.

டிஸ்பிளே மற்றும் செயல்திறன்

ஒப்போ ரெனோ 15c ஸ்மார்ட்போன் ஆண்ட்ராய்டு 16 (Android 16) அடிப்படையிலான ColorOS 16 இயங்குதளத்தில் செயல்படுகிறது. இது 6.59 இன்ச் ஃபுல் எச்டி+ AMOLED டிஸ்பிளேவைக் கொண்டுள்ளது. குவால்காமின் லேட்டஸ்ட் ஸ்னாப்டிராகன் 7 ஜென் 4 (Snapdragon 7 Gen 4) சிப்செட் இதில் பொருத்தப்பட்டுள்ளது. கேமிங் மற்றும் மல்டிடாஸ்கிங் செய்வதற்கு ஏற்ற வகையில் அட்ரினோ 722 GPU மற்றும் 12GB வரை LPDDR5x ரேம் இதில் உள்ளது.

கேமரா: 50MP டூயல் சென்சார் மேஜிக்

புகைப்படம் எடுப்பதில் ஆர்வம் உள்ளவர்களுக்கு இந்த போன் ஒரு வரப்பிரசாதம். இதன் பின்புறம் மூன்று கேமராக்கள் உள்ளன:

1. 50MP பிரதான கேமரா (OIS வசதியுடன்)

2. 50MP டெலிபோட்டோ கேமரா (OIS வசதியுடன்)

3. 8MP அல்ட்ரா-வைட் கேமரா

செல்ஃபி பிரியர்களுக்காக முன்பக்கத்தில் 50MP கேமரா கொடுக்கப்பட்டுள்ளது. இது தெளிவான புகைப்படங்கள் மற்றும் 4K வீடியோ கால்களுக்கு வழிவகுக்கும்.

பேட்டரி மற்றும் பாதுகாப்பு

இந்த போனின் மிகப்பெரிய பலமே இதன் 6,500mAh பேட்டரிதான். இதனை சார்ஜ் செய்ய 80W ஃபாஸ்ட் சார்ஜிங் வசதியும் உள்ளது. அதுமட்டுமின்றி, இந்த போன் IP66, IP68 மற்றும் IP69 என மூன்று விதமான தரச் சான்றிதழ்களைப் பெற்றுள்ளது. இதன் மூலம் தூசி, தண்ணீர் மற்றும் அதிக அழுத்தத்தில் பீய்ச்சி அடிக்கப்படும் நீரிலிருந்தும் இந்த போன் பாதுகாக்கப்படும்.

இந்தியாவுக்கு வருமா?

ஒப்போ நிறுவனம் ரெனோ 15c மாடலின் இந்திய வெளியீடு குறித்து இன்னும் அதிகாரப்பூர்வமாக அறிவிக்கவில்லை. இருப்பினும், ரெனோ சீரிஸ் போன்கள் வழக்கமாக இந்திய சந்தையில் நல்ல வரவேற்பைப் பெறுவதால், விரைவில் இதுவும் இந்தியாவில் அறிமுகமாகும் என எதிர்பார்க்கப்படுகிறது. அப்படி வரும் பட்சத்தில், இது சாம்சங் மற்றும் ஒன்பிளஸ் போன்களுக்கு கடும் போட்டியாக அமையும்.