செல்போன் தொலைந்துவிட்டதா? கவலை வேண்டாம்! கண்டுபிடிப்பது மிகவும் எளிது!
உங்கள் கைபேசி தொலைந்துவிட்டதா? கவலை வேண்டாம்! CEIR போர்ட்டல் மூலம் எப்படி மீட்டெடுப்பது என்பதை விரிவாக தெரிந்துகொள்ளுங்கள்.
☰
mobile
உங்கள் மொபைலை யாராவது திருடிவிட்டால் சுலபமாக நீங்களே கண்டுபிடித்து விடலாம்...
"அய்யோ என் போன் காணாம போச்சே!" - இந்த அலறல் சத்தம், இன்று பல வீடுகளிலும், தெருக்களிலும், ஏன் காவல் நிலையங்களிலும் கூட கேட்கும் பொதுவான புலம்பல். கையில் இருக்கும் ஸ்மார்ட்போன் வெறும் கருவி மட்டுமல்ல, அது நமது வங்கி கணக்கு, நண்பர்கள், உறவினர்கள், அலுவலகம், பொழுதுபோக்கு என எல்லாவற்றையும் உள்ளடக்கிய ஒரு மினி உலகம். அப்படிப்பட்ட போன் தொலைந்துவிட்டால், ஏற்படும் மன உளைச்சலை வார்த்தைகளால் விவரிக்க முடியாது.
CEIR - ஒரு டிஜிட்டல் காவலன்!
CEIR என்றால் 'சென்ட்ரல் எக்யூப்மென்ட் ஐடென்டிட்டி ரெஜிஸ்டர்' (Central Equipment Identity Register). இது இந்திய அரசின் தொலைத்தொடர்பு துறையால் உருவாக்கப்பட்டது. தொலைந்து போன அல்லது திருடப்பட்ட கைபேசிகளை மீட்டெடுக்கவும், கைபேசி திருட்டை தடுக்கவும் உருவாக்கப்பட்ட ஒரு டிஜிட்டல் காவலன் என்று கூட சொல்லலாம்.
IMEI - கைபேசியின் ஆதார் எண்!
ஒவ்வொரு கைபேசிக்கும் ஒரு தனித்துவமான 15 இலக்க IMEI (International Mobile Equipment Identity) எண் இருக்கும். இது கைபேசியின் ஆதார் எண் மாதிரி. இந்த எண் இருந்தால் தான் CEIR போர்ட்டலில் புகார் அளிக்க முடியும்.
IMEI எண்ணை எப்படி கண்டுபிடிப்பது?
கைபேசி வாங்கிய பெட்டியில் ஒரு ஸ்டிக்கரில் இருக்கும்.
கைபேசியின் பேட்டரி இருக்கும் இடத்தில் ஒரு ஸ்டிக்கரில் இருக்கும்.
கைபேசி உங்களிடம் இருந்தால் *#06# என்று டயல் செய்தால் திரையில் தோன்றும்.
இதையும் படிங்க: LinkedIn: லிங்க்ட்இன்னில் AI பயன்படுத்தி வேலை தேடுவது எப்படி?
CEIR போர்ட்டல் மூலம் புகார் அளிப்பது எப்படி?
- போலீஸ் புகார்: முதலில், அருகில் உள்ள காவல் நிலையத்தில் கைபேசி தொலைந்ததாக புகார் அளிக்க வேண்டும். FIR நகலை மறக்காமல் வாங்கிக்கொள்ளுங்கள்.
- CEIR போர்ட்டல்: CEIR போர்ட்டலின் அதிகாரப்பூர்வ இணையதளத்திற்கு செல்லுங்கள்.
- விவரங்களை நிரப்புதல்: தொலைந்த கைபேசியின் IMEI எண், தொலைந்த சிம் கார்டு எண், போலீஸ் புகார் விவரங்கள் மற்றும் உங்கள் விவரங்களை சரியாக நிரப்புங்கள்.
- OTP சரிபார்ப்பு: உங்கள் கைபேசி எண்ணுக்கு வரும் OTP ஐ உள்ளிட்டு உங்கள் கோரிக்கையை சரிபார்க்கவும்.
- உறுதிப்படுத்தல்: உங்கள் புகார் வெற்றிகரமாக பதிவு செய்யப்பட்டதும், ஒரு குறிப்பு ஐடி கிடைக்கும். இதை பத்திரமாக குறித்துக்கொள்ளுங்கள்.
CEIR போர்ட்டலின் மேஜிக்!
CEIR போர்ட்டலில் புகார் அளித்தவுடன், உங்கள் கைபேசி இந்தியாவில் எந்த நெட்வொர்க்கிலும் பயன்படுத்த முடியாதபடி முடக்கப்படும். இதனால் திருடப்பட்ட கைபேசியை விற்பனை செய்ய முடியாது. இது திருடர்களுக்கு ஒரு பெரிய தலைவலியாக இருக்கும்.
கைபேசி கிடைத்துவிட்டால்?
கைபேசி கிடைத்துவிட்டால், அதே குறிப்பு ஐடியை பயன்படுத்தி CEIR போர்ட்டலில் இருந்து முடக்கத்தை நீக்கி கைபேசியை பயன்படுத்தலாம்.
தொலைந்த கைபேசியை நினைத்து இனி கவலைப்பட வேண்டாம். CEIR போர்ட்டல் உங்களுக்கு துணை இருக்கும்! இது ஒரு நவீன தொழில்நுட்பம். இதை சரியான முறையில் பயன்படுத்தினால், பல கைபேசிகளை மீட்டெடுக்கலாம்.
இதையும் படிங்க: இவரால் தான் நாம் அதிவேக இன்டர்நெட் பயன்படுத்துகிறோம்!இவர் ஒரு இந்தியர்! யார் இவர்? என்ன செய்தார்?
Latest Videos
சேனலை கிளிக் செய்து பின்தொடரவும்
click me!