JioHome Offer: ஜியோஹோம் வாடிக்கையாளர்களுக்கு புதிய சலுகை! அமேசான் பிரைம் லைட் ஒரு வருடம் இலவசம்

JioHome Offer: ஜியோ நிறுவனம் அடிக்கடி சலுகைகளை அறிவித்து வரும் நிலையில், தனது 10வது ஆண்டு கொண்டாட்டத்தை முன்னிட்டு, ஜியோஹோம் வாடிக்கையாளர்களுக்கு புதிய சலுகை அறிவிக்கப்பட்டுள்ளது. இந்த சலுகை விவரங்களை விரிவாக பார்க்கலாம்.

ஜியோ அமேசான் பிரைம் சலுகை

ஜியோ தனது 10வது ஆண்டு கொண்டாட்டத்தை முன்னிட்டு, ஜியோஹோம் வாடிக்கையாளர்களுக்கு புதிய சலுகை அறிவிக்கப்பட்டுள்ளது. தகுதியுள்ள 3-இல்-1 ஜியோஹோம் திட்டங்களை பயன்படுத்துபவர்களுக்கு, அமேசான் பிரைம் லைட் ஒரு வருடம் கூடுதல் கட்டணம் இல்லாமல் வழங்கப்படுகிறது. இந்த திட்டத்தில் தொலைக்காட்சி, இணைய வசதி மற்றும் பொழுதுபோக்கு செயலிகள் ஒரே திட்டத்தில் கிடைக்கின்றன. 30 எம்.பி.எஸ். மற்றும் 100 எம்.பி.எஸ். வேகத்திலான தகுதியுள்ள திட்டங்களைப் பயன்படுத்தும் புதிய மற்றும் பழைய வாடிக்கையாளர்கள் இந்த ஒரு வருட சலுகையைப் பெற முடியும் என்று ஜியோ தெரிவித்துள்ளது.

என்னென்ன பலன்கள் கிடைக்கும்?

இந்த சலுகையின் மூலம் அமேசான் பிரைம் லைட் உறுப்பினர் வசதி கிடைக்கும். இதன் மூலம் திரைப்படங்கள், தொடர்கள் உள்ளிட்ட காணொளி சேவைகளை பயன்படுத்தலாம். மேலும், அமேசானில் சில பொருட்களை வாங்கும்போது விரைவான மற்றும் இலவச பொருள் விநியோகம் போன்ற உறுப்பினர் பலன்களும் கிடைக்கும். ஆனால் இது முழுமையான அமேசான் பிரைம் உறுப்பினர் திட்டம் அல்ல. பிரைம் லைட் திட்டத்திற்கு பொருந்தும் விதிமுறைகளின்படி மட்டுமே இந்த வசதிகள் வழங்கப்படும்.

எப்படி பெறுவது?

தகுதியுள்ள வாடிக்கையாளர்கள் தங்களுடைய மை ஜியோ செயலியை திறந்து முகப்பு பக்கத்தில் இந்த சலுகைக்கான அறிவிப்பு வந்துள்ளதா என்பதை முதலில் பார்க்க வேண்டும். அந்த அறிவிப்பைத் தேர்வு செய்து செயல்படுத்தினால், ஒரு வருட உறுப்பினர் காலம் அன்றிலிருந்து தொடங்கும். இந்த சலுகை அனைவருக்கும் ஒரே நாளில் வராது. செப்டம்பர் 19 முதல் இரண்டு வாரங்களுக்கு படிப்படியாக தகுதியுள்ள வாடிக்கையாளர்களுக்கு வழங்கப்படும் என்று ஜியோ தெரிவித்துள்ளது.

சில திட்டங்களுக்கு 2 ஆண்டு சலுகை தொடரும்

ஏற்கனவே ரூ.888, ரூ.1,199 மற்றும் 150 எம்.பி.எஸ். அல்லது அதற்கு மேற்பட்ட திட்டங்களை பயன்படுத்துபவர்களுக்கு வழங்கப்பட்டுள்ளது 2 ஆண்டு அமேசான் பிரைம் லைட் சலுகையில் எந்த மாற்றமும் இல்லை. அந்த திட்டங்களுக்கு பழைய சலுகை தொடரும். உங்கள் திட்டத்திற்கு இந்த சலுகை பொருந்துகிறது, உறுப்பினர் காலம் எப்போது தொடங்கும், தொடர்ந்து திட்டத்தை பயன்படுத்த வேண்டுமா போன்ற விவரங்கள் மை ஜியோ செயலியில் சரிபார்த்த பிறகே இந்த சலுகையை பயன்படுத்துவது நல்லது.