Iran Israel War இஸ்ரேல்-ஈரான் போர் தீவிரமடைந்து வரும் நிலையில், இந்திய நிறுவனங்கள் மற்றும் முக்கிய டிஜிட்டல் கட்டமைப்புகள் மீது சைபர் தாக்குதல் அபாயம் அதிகரித்துள்ளது.
மத்திய கிழக்கில் இஸ்ரேல் மற்றும் ஈரானுக்கு இடையே மூண்டுள்ள போர், வெறும் ஆயுதப் போராக மட்டும் இல்லாமல் டிஜிட்டல் உலகிலும் பெரும் தாக்கத்தை ஏற்படுத்தி வருகிறது. களத்தில் ஏவுகணைகள் பாய்ந்து கொண்டிருக்கும் அதே வேளையில், இணையவெளியில் சைபர் தாக்குதல்களும் (Cyberattacks) பன்மடங்கு தீவிரமடைந்துள்ளன. இந்த இணையப் போரின் தாக்கம் இந்திய நிறுவனங்களையும் வெகுவாகப் பாதிக்க வாய்ப்புள்ளதாக சைபர் பாதுகாப்பு நிபுணர்கள் தற்போது எச்சரித்துள்ளனர்.
26
இந்தியாவுக்கு என்ன ஆபத்து?
மத்திய கிழக்கில் நடக்கும் இந்த டிஜிட்டல் போரினால், இந்திய கார்ப்பரேட் நிறுவனங்களுக்கு மிகப்பெரிய அச்சுறுத்தல் உருவாகியுள்ளது. குறிப்பாக, ஈரானிய ஆதரவு பெற்ற ஏபிடி (APT) குழுக்கள் மற்றும் ஹேக்டிவிஸ்ட் (Hacktivist) அமைப்புகளால் இந்தியாவின் டிஜிட்டல் கட்டமைப்பு மறைமுகமாக குறிவைக்கப்படலாம் என 'CloudSEK' என்ற சைபர் பாதுகாப்பு நிறுவனம் எச்சரித்துள்ளது.
இதன் விளைவாக இந்தியாவின் ஐடி நிறுவனங்கள், நிதி அமைப்புகள், டெலிகாம் நெட்வொர்க்குகள் மற்றும் கிளவுட் சேவையகங்கள் மீது டிடோஸ் (DDoS) தாக்குதல்கள், ஃபிஷிங் (Phishing) மற்றும் ரான்சம்வேர் (Ransomware) உள்ளிட்ட அதிநவீனத் தாக்குதல்கள் அதிகரிக்கும் அபாயம் உள்ளது. முன்னதாக 'ஆபரேஷன் சிந்தூர்' (Operation Sindoor) என்ற பெயரில் நடந்த சைபர் தாக்குதல்களின் போது, இந்தியாவின் மின் கட்டமைப்பு (Power grids), தொலைத்தொடர்பு மற்றும் ஏடிஎம் (ATM) சேவைகள் குறிவைக்கப்பட்டதை நிபுணர்கள் சுட்டிக்காட்டுகின்றனர்.
36
வரலாறு காணாத சைபர் தாக்குதல்!
சமீபத்தில், இஸ்ரேல் நாடு ஈரான் மீது வரலாற்றில் மிகப்பெரிய சைபர் தாக்குதலை நடத்தியுள்ளது. இதன் காரணமாக ஈரானில் இணைய சேவை பெருமளவு துண்டிக்கப்பட்டதுடன், அரசு சேவைகள், ஊடகங்கள், எரிசக்தி மற்றும் விமானப் போக்குவரத்து உள்ளிட்ட பல முக்கியமான உள்கட்டமைப்புகள் முடங்கின.
மேலும், ஈரானில் 5 மில்லியனுக்கும் அதிகமான மக்கள் பயன்படுத்தும் 'பாடேசாபா' (BadeSaba) என்ற தொழுகை நேரத்தை காட்டும் செயலியும் ஹேக் செய்யப்பட்டது. அமெரிக்கா மற்றும் இஸ்ரேல் கூட்டுத் தாக்குதல் நடத்திய நேரத்தில், இந்தச் செயலி மூலம் ஈரானியப் பயனர்களுக்கு "உதவி வந்துவிட்டது", "ஆயுதங்களைக் கீழே போடுங்கள்" என்ற குறுஞ்செய்திகள் (Push notifications) அனுப்பப்பட்ட சம்பவம் பெரும் பரபரப்பை ஏற்படுத்தியது.
"எந்தவொரு ஆயுதப் போருக்கும் முன்பாக இணையப் போர் நடப்பது வழக்கம். இது பெரும்பாலும் தவறான தகவல்களைப் பரப்புவது மற்றும் உளவு பார்ப்பதில் தொடங்கும்" என 'PwC India' நிறுவனத்தின் சைபர் பாதுகாப்பு நிபுணர் சித்தார்த் விஸ்வநாத் தெரிவித்துள்ளார். இதைக் கருத்தில் கொண்டு, அரசு மற்றும் மக்கள் பயன்படுத்தும் முக்கியமான சேவைகளுக்குப் பாதுகாப்பை அதிகரிக்க வேண்டும் என அவர் வலியுறுத்தியுள்ளார்.
56
சைபர் கட்டுப்பாட்டு மையம்
இந்திய நிறுவனங்களும் இந்த அச்சுறுத்தல்களை முன்கூட்டியே எதிர்கொள்ளத் தயாராகி வருகின்றன. பல முன்னணி ஐடி மற்றும் கார்ப்பரேட் நிறுவனங்கள் தங்களது சைபர் கட்டுப்பாட்டு மையங்களை (Cyber control centres) முடுக்கிவிட்டு, வாடிக்கையாளர்களின் தரவுகளைப் பாதுகாக்கும் பணிகளில் தீவிரமாக ஈடுபட்டுள்ளன. கடந்த மே 2025-ஆம் ஆண்டு இந்திய-பாகிஸ்தான் எல்லையில் பதற்றம் நிலவியபோது, பல வெளிநாட்டு 'டிஜிட்டல் போர் சுற்றுலாப் பயணிகள்' (Digital war tourists) இந்திய இணையதளங்களை முடக்க முயன்றதை நாம் நினைவில் கொள்ள வேண்டும்.
66
இணையப் போர்
எதிர்காலத்தில் நாடுகளுக்கு இடையிலான இணையப் போர்களின் தாக்கம் விஸ்வரூபம் எடுக்கும் என்பதால், இந்திய நிறுவனங்கள் இணையப் பாதுகாப்பில் கூடுதல் கவனம் செலுத்தி தங்களது உள்கட்டமைப்புகளை வலுப்படுத்துவது காலத்தின் கட்டாயமாக மாறியுள்ளது.
ஸ்மார்ட்போன்கள் மற்றும் AI முதல் சைபர் பாதுகாப்பு, அறிவியல் முன்னேற்றங்கள் வரை — சமீபத்திய தொழில்நுட்ப (Technology News in Tamil) அப்டேட்களை தொடர்ச்சியாக பெறுங்கள். டிஜிட்டல் டிரெண்ட்ஸ் குறித்து நிபுணர்களின் கருத்துகள், விரிவான தகவல்கள் மற்றும் பிரேக்கிங் நியூஸை வழங்கும் ஒரே தளம் ஏஷ்யாநெட் தமிழ் நியூஸ்.புதிய கேஜெட் ரிலீஸ் ஆனதா? புதிய ஸ்டார்ட்அப்புகள் வந்தவையா? எதிர்காலத்தை மாற்றக்கூடிய எந்த டெக் பாலிஸி வந்துள்ளது? இவை அனைத்திற்கும் சிறு சிறு தகவல்கள் இங்கு கிடைக்கும். டெக் விளக்கக் குறிப்புகள் மற்றும் கேஜெட் டெமோ வீடியோக்களையும் நீங்கள் பார்க்கலாம்.
