ஐபோன் 16 விலை பாதியாக குறைந்தது.. Black Friday-யில் ரூ.40,000 க்குள் வாங்கலாம்.. எப்படி?

2025 பிளாக் ஃப்ரைடே சேல் காரணமாக Amazon, Flipkart போன்ற தளங்களில் ஐபோன் 16 விலை பெருமளவு குறைந்துள்ளது. சக்திவாய்ந்த A18 சிப் கொண்ட இந்த போனை ரூ.40,000-க்கும் குறைவான விலையில் வாங்க முடியும்.

பிளாக் ஃப்ரைடே சேல்

2025 பிளாக் ஃப்ரைடே சேல் காரணமாக Amazon, Flipkart, Croma போன்ற ஆன்லைன் சந்தைகளில் ஐபோன் 16 விலை பெரிய அளவில் குறைந்துள்ளது. 2024ல் அறிமுகமான ஐபோன் 16 (iPhone 16), Apple AI ஆதரவு மற்றும் மேம்பட்ட செயல்திறன் காரணமாக இன்னும் மிகுந்த டிமாண்டில் உள்ளது. வங்கி ஆஃபர்கள், எக்ஸ்சேஞ்ச் போனஸ் மற்றும் கூடுதல் தள்ளுபடிகளைப் பயன்படுத்தினால் ஐபோன் 16-ஐ ரூ.40,000-க்கு கீழ் வாங்குவது இனி எளிது. பழைய iPhone வைத்திருப்பவர்கள் குறிப்பாக மிகச்சிறந்த தள்ளுபடிகளைப் பெறுகிறார்கள்.

ஐபோன் 16 தள்ளுபடி

Amazon இல் ஐபோன் 16 விலை ரூ.66,900 என பட்டியலிடப்பட்டுள்ளது. இதனால் ஏற்கனவே ரூ.13,000 நேரடி தள்ளுபடி கிடைக்கிறது. பழைய iPhone-ஐ மாற்றினால் (எக்ஸ்சேஞ்ச்), அதிகபட்சம் ரூ.47,650 வரை பெறலாம். உதாரணமாக, iPhone 15 (128GB, சேதமில்லாமல்) கொடுத்தால் ரூ.30,250 வரை எக்ஸ்சேஞ்ச் விலை கிடைக்கும். இதனால் ஐபோன் 16-ன் விலை ரூ.36,650 ஆக குறையும். கூடுதலாக வங்கி ஆஃபர்களில் ரூ.4,000 வரை சேமிக்கலாம். Flipkart-ல் ஐபோன் 16 விலை ரூ.69,900, எக்ஸ்சேஞ்ச் ஆஃபர்களால் விலை இன்னும் குறையும். Vijay Sales-ல் அதிகாரப்பூர்வ விலை ரூ.69,900 இருந்தாலும், 5% கூடுதல் தள்ளுபடியில் ரூ.66,490 ஆக குறைக்கப்பட்டுள்ளது.

ஐபோன் 16 விலை

ஐபோன் 16 முதலில் இந்தியாவில் ரூ.79,900க்கு அறிமுகமானது. பின்னர் iPhone 17 அறிமுகமானது அதிகாரப்பூர்வ விலை ரூ.69,900 ஆகக் குறைக்கப்பட்டது. ஆனால் Black Friday Sale காரணமாக Amazon மற்றும் Vijay Sales போன்ற தளங்களில் நேரடி தள்ளுபடிகள் + வங்கி ஆஃபர்கள் + எக்ஸ்சேஞ்ச் போனஸ் ஆகியவற்றை சேர்ந்த விலை ரூ.36,000 – ரூ.40,000 இடையே வந்துவிடுகிறது. இதனால் முந்தைய iPhone யூசர்கள் குறிப்பாக இந்த சலுகையை அதிகம் பயன்படுத்தி வருகின்றனர்.

ஐபோன் 16 அம்சங்கள்

ஐபோன் 16 ஒரு சக்திவாய்ந்த மாடல். இது 6.1-inch Super Retina XDR OLED டிஸ்ப்ளே (2556×1179 Resolution, 2000 nits Brightness) உடன் வருகிறது. உள்ளே புதிய A18 Chip மற்றும் 6-core GPU பொருத்தப்பட்டுள்ளது கேமரா பகுதியில் 48MP + 12MP Fusion Camera System உடன் மிகத் தெளிவான புகைப்படங்கள் கிடைக்கும். இவ்வளவு சலுகைகளுடன் ஐபோன் 16-ஐ Black Friday-யில் வாங்குவது மிகச் சிறந்த டீல் என பயனர்கள் கூறுகின்றனர்.