"ரீல்ஸ் கிரியேட்டர்களுக்கு ஜாக்பாட்.." இன்ஸ்டாகிராம் எடிட்ஸ் ஆப்பில் வந்த அதிரடி மாற்றங்கள்! இனி வீடியோ செய்வது ஈஸி!

Instagram Edits இன்ஸ்டாகிராம் எடிட்ஸ் ஆப்பில் புதிய டெம்ப்ளேட்கள், ஸ்டோரிபோர்டு மற்றும் iOS விட்ஜெட்கள் அறிமுகம். ரீல்ஸ் வீடியோக்களை இனி எளிதாக எடிட் செய்யலாம். முழு விவரம் உள்ளே.

"இனி எடிட்டிங் கஷ்டமே இல்ல.." இன்ஸ்டாகிராம் கொடுத்த சர்ப்ரைஸ் அப்டேட்!

இன்ஸ்டாகிராம் ரீல்ஸ் (Reels) மோகம் உலகம் முழுவதும் தலைவிரித்தாடுகிறது. வீடியோ கிரியேட்டர்களின் வேலையை எளிதாக்க, இன்ஸ்டாகிராம் நிறுவனம் தனது தனித்துவமான வீடியோ எடிட்டிங் செயலியான "எடிட்ஸ்" (Edits) ஆப்பில் மிகப்பெரிய அப்டேட்டை வெளியிட்டுள்ளது. புதிய டெம்ப்ளேட்கள், ஸ்டோரிபோர்டுகள் மற்றும் ஐபோன் பயனர்களுக்கான விட்ஜெட்கள் எனப் பல அட்டகாசமான வசதிகள் இதில் சேர்க்கப்பட்டுள்ளன.

புதிய டெம்ப்ளேட்கள் மற்றும் ஸ்டோரிபோர்டுகள்

வீடியோ எடிட்டிங் தெரியாதவர்கள் கூட இனி ஈஸியாக வீடியோ செய்யலாம். டிரெண்டிங்கில் உள்ள பாடல்கள், பலவிதமான எழுத்துருக்கள் (Fonts) மற்றும் கிளிப்களை ஒன்றிணைத்து, ரெடிமேட் ஆக இருக்கும் 'டெம்ப்ளேட்களை' (Templates) இதில் அறிமுகப்படுத்தியுள்ளனர். பயனர்கள் தாங்கள் உருவாக்கிய டெம்ப்ளேட்களையும் மற்றவர்களுடன் பகிர முடியும். இது கிரியேட்டர்களிடையேயான கூட்டு முயற்சியை அதிகரிக்கும். அமெரிக்கா, பிரிட்டன் போன்ற நாடுகளில் இந்த வசதி தற்போது கிடைக்கிறது.

ஐடியாக்களைத் திட்டமிட "ஸ்டோரிபோர்டு"

வீடியோ எடுப்பதற்கு முன் ஐடியாக்களைத் திட்டமிட இனி பேப்பரும் பேனாவும் தேவையில்லை. புதிதாக வந்துள்ள 'ஸ்டோரிபோர்டு' (Storyboard) வசதி மூலம், உங்கள் ஐடியாக்களைக் குறிப்புகளாகவும் (Notes), வீடியோ கிளிப்களாகவும் சேமித்து வைக்கலாம். டெலிபிராம்ப்டர் (Teleprompter) குறிப்புகளையும் இதில் சேர்த்துக்கொள்ளலாம். ஒரு வீடியோவை ஐடியாவில் இருந்து இறுதி வடிவம் வரை கொண்டுவர இது மிகவும் உதவும்.

பப்ளிக் ரீல்ஸ் மற்றும் ரீமிக்ஸ் வசதி

இனி 'எடிட்ஸ்' ஆப்பில் பொதுவில் உள்ள ரீல்ஸ்களை (Public Reels) உங்கள் ப்ராஜெக்ட்டில் சேர்த்துக்கொள்ளலாம். ஏற்கனவே உள்ள ரீல்ஸ்களை ரீமிக்ஸ் (Remix) செய்யவும், ரியாக்ஷன் வீடியோ போடவும் இது வழிவகுக்கும். அதேசமயம், ஒரிஜினல் வீடியோவைப் போட்டவருக்கு உரியக் கிரெடிட் (Credit) தானாகவே சென்றுவிடும்.

எழுத்துக்களில் வண்ணம் தீட்டலாம்

வீடியோக்களில் வரும் கேப்ஷன் (Caption) மற்றும் டெக்ஸ்ட்களை இன்னும் அழகாக்கப் புதிய டூல்கள் வந்துள்ளன. எழுத்துக்களின் பின்புலம் (Background) அல்லது அவுட்லைன் (Outline) ஆகியவற்றிற்கு இரண்டாம் நிலை வண்ணங்களைப் (Secondary Colour) பயன்படுத்தலாம். இது வீடியோவைப் பார்ப்பதற்கு இன்னும் கவர்ச்சிகரமாக மாற்றும்.

ஐபோன் பயனர்களுக்கு விட்ஜெட்கள்

ஐபோன் வைத்திருப்பவர்களுக்கு ஒரு கூடுதல் வசதி கிடைத்துள்ளது. போனைத் திறக்காமலேயே லாக் ஸ்கிரீனில் (Lock Screen) இருந்தே 'எடிட்ஸ்' கேமராவை ஆன் செய்யலாம். அல்லது அவசரமான ஐடியாக்களை 'ஸ்டிக்கி நோட்ஸ்' (Sticky Notes) போல லாக் ஸ்கிரீனிலேயே குறித்து வைக்கலாம். பயணத்தின்போது வீடியோ எடுப்பவர்களுக்கு இது பெரிதும் உதவும்.

கடந்த ஏப்ரல் மாதம் அறிமுகமான இந்த 'எடிட்ஸ்' ஆப், தொடர்ந்து மேம்படுத்தப்பட்டு வருகிறது. கடந்த மாதம் இந்திய மொழிகளுக்கான ஃபாண்ட்ஸ் (Fonts) ஆதரவு வழங்கப்பட்டது குறிப்பிடத்தக்கது.