யூடியூபை விட அதிக வருமானமா? எக்ஸ் தளத்தில் அள்ளித்தரப்போகும் எலான் மஸ்க்

எலான் மஸ்க், கண்டென்ட் கிரேட்டர்களுக்கு வருமானம் வழங்குவதில் எக்ஸ் தளம் எதிர்காலத்தில் யூடியூபை மிஞ்சும் என்று கூறியுள்ளார். தரமான உள்ளடக்கங்களுக்கு அதிக வருமானம் வழங்கும் வகையில் பணமாக்குதல் திட்டங்களை வலுப்படுத்தப் போவதாகவும் அவர் தெரிவித்துள்ளார்.

கிரியேட்டர் வருமானம்

கண்டென்ட் கிரேட்டர்களுக்கு வருமானம் வழங்கும் விஷயத்தில், எக்ஸ் தளம் எதிர்காலத்தில் யூடியூபை விட முன்னேறக்கூடும் என்று சுட்டிக்காட்டப்பட்ட அதன் உரிமையாளர் எலான் மஸ்க் வழங்கியுள்ளார். எக்ஸ் தளத்தில் அசல் மற்றும் தரமான உள்ளடக்கங்களை ஊக்குவிக்கும் நோக்கில், பணமாக்குதல் திட்டங்களை மேலும் வலுப்படுத்தப் போவதாக அவர் கூறியுள்ளார். பயனர்களுக்கு உரிய வருமானத்தை வழங்காத தளங்கள் நீண்ட காலத்தில் நிலைக்காது என்ற கருத்துகளுக்கு பதிலளிக்கும் வகையில், இந்த விஷயத்தில் மனம் திறந்துள்ளார்.

கண்டென்ட் கிரியேட்டர்கள்

எக்ஸ் தளத்தில் தவறான முறையில் செயல்படும் கணக்குகள் மற்றும் துஷ்பிரயோகங்களை முற்றிலும் அகற்றிய பிறகே பணமாக்குதல் திட்டம் முழுமையாக செயல்படுத்தப்பட வேண்டும் என்று அவர் ஊழியர்களுக்கு அறிவுறுத்தியுள்ளார். எக்ஸ் தளத்தில் அதிக வருமானம் வழங்கப்பட்டாலும், அது முழுமையான கட்டுப்பாடுகளுடன் மட்டுமே இருக்கும் எனவும் தெரிவிக்கப்பட்டுள்ளது. செயற்கை ஈடுபாடுகள், பாட் அடிப்படையிலான பார்வைகள் மற்றும் தவறான தகவல்களை முற்றிலும் கட்டுப்படுத்துவதில் எக்ஸ் தீவிரம் காட்டும்.

யூடியூப் போட்டி

இந்த முயற்சியின் மூலம், 99 சதவீதம் மோசடி கணக்குகளை அகற்றுவதே இலக்கு என நிகிதா பேயர் கூறியுள்ளார். இதற்கு முன்பு, கண்டென்ட் கிரியேட்டர்களுக்கு எக்ஸ் தளம் குறைந்த வருமானமே வழங்குவதாக எலான் மஸ்க் வெளிப்படையாக ஒப்புக்கொண்டிருந்தார். வருமான விநியோகத்தில் தாமதங்கள் ஏற்பட்டதாகவும் அவர் 2025 அக்டோபரில் தெரிவித்திருந்தார். இந்த துறையில் கூகுளின் கீழ் இயங்கும் YouTube முன்னணியில் இருப்பதாகவும் மாஸ்க் கூறியிருந்த நிலையில், தற்போது எக்ஸ் தளம் அதற்கு நேரடி சவாலாக மாறும் சூழல் உருவாகியுள்ளது.