Foldable iPhone: ஃபோல்டபிள் ஐபோன்.. டிஸ்ப்ளே முதல் கேமரா வரை.. தெறிக்கவிடும் அட்வான்ஸ் ஃப்யூச்சர்..

ஆப்பிள் நிறுவனம் தனது முதல் ஃபோல்டபிள் ஐபோனை விரைவில் வெளியிட உள்ளது. 'ஐபோன் அல்ட்ரா' எனப் பெயரிடப்படலாம் என்று தகவல்கள் தெரிவிக்கின்றன. இதுவே ஆப்பிளின் மிகவும் விலை உயர்ந்த போனாக இருக்கும் என்றும் கூறப்படுகிறது. 

புக்-ஸ்டைல் டிசைன்

ஐபோன் அல்ட்ரா (iPhone Ultra) என்பது ஆப்பிள் நிறுவனத்திடமிருந்து நீண்ட காலமாக எதிர்பார்க்கப்படும் ஒரு உயர்தர (High-end) மாடல் ஆகும். இது ஒரு புத்தகம் போன்ற (புக்-ஸ்டைல்) வடிவமைக்கப்பட்டுள்ளதாக கூறப்படுகிறது. ஒரு ஐபேட் மினி அளவுக்கு இந்த போன் இருக்கும். இதன் உள் டிஸ்ப்ளேவில் மடிப்புத் தடம் (crease) இருக்காது என்றும், டைட்டானியம் பாடி இதில் பயன்படுத்தப்படும் என்றும் கூறப்படுகிறது.

டூயல் ரியர் கேமரா

ஐபோன் அல்ட்ராவின் பின்பக்கம் இரண்டு கேமராக்கள் இடம்பெறும் என எதிர்பார்க்கப்படுகிறது. இதில் ஒன்று 48 மெகாபிக்சல் பிரதான சென்சார். மற்றொன்று 48 மெகாபிக்சல் அல்ட்ரா-வைட் லென்ஸ். ஆனால், அதிக ஜூம் வசதி கொண்ட டெலிபோட்டோ லென்ஸ் இதில் இருக்காது. இரண்டு டிஸ்ப்ளேக்களிலும் 18 மெகாபிக்சல் செல்ஃபி கேமரா ஹோல்-பஞ்ச் டிசைனில் கொடுக்கப்படலாம்.

இரண்டு விதமான டிஸ்ப்ளே அளவுகள்

ஐபோன் அல்ட்ராவின் வெளிப்பக்க டிஸ்ப்ளே 5.3 முதல் 5.5 இன்ச் வரையிலும், உட்பக்க டிஸ்ப்ளே 7.6 முதல் 7.8 இன்ச் வரையிலும் இருக்கலாம். இதன் வெளிப்பக்க ஸ்கிரீன் ஐபோன் மினியையும், உட்பக்க ஸ்கிரீன் ஐபேட் மினியையும் கொண்டுள்ளது.

ஆப்பிள் சிலிக்கான்: A20 ப்ரோ சிப்

ஆப்பிளின் முதல் ஃபோல்டபிள் போன், லேட்டஸ்ட் A20 ப்ரோ சிப் மற்றும் ஆப்பிளின் சொந்த C2 செல்லுலார் மோடம் மூலம் இயக்கப்படும். இதே சிப் மற்றும் மோடம், செப்டம்பரில் அறிமுகமாகும் என எதிர்பார்க்கப்படும் ஐபோன் 18 ப்ரோவிலும் இடம்பெறலாம். மேலும், 12GB ரேம் மற்றும் LPDDR5 தொழில்நுட்பமும் இதில் இருக்கும்.

டச் ஐடி

இந்த ஃபோல்டபிள் ஐபோனில் ஃபேஸ் ஐடி வசதி இருக்காது எனத் தெரிகிறது. அதற்குப் பதிலாக, ஆப்பிள் நிறுவனம் டச் ஐடி அம்சத்தை பவர் பட்டனுடன் ஒருங்கிணைத்து வழங்க வாய்ப்புள்ளது. இந்த தொழில்நுட்பம் ஐபேட் ஏர் மற்றும் ஐபேட் மினி ஆகியவற்றில் இருப்பதைப் போலவே இருக்கலாம்.

சாஃப்ட்வேர்: iOS 27

இந்த போனை ஒரு மினி ஐபேட் போல பயன்படுத்த முடியும் என்பதால், மல்டி-டாஸ்கிங் வசதிக்கு அதிக முக்கியத்துவம் கொடுக்கப்படும். ஐபோன் அல்ட்ராவுக்கென பிரத்யேக சாஃப்ட்வேர் அம்சங்கள் இருக்கலாம். ஐபேட் போன்ற லே-அவுட்டும் வரலாம். இந்த போன் iOS 27 ஆப்பரேட்டிங் சிஸ்டத்தில் இயங்கும் என்றும் கூறப்படுகிறது.