Ant Milk : மாடு, ஆடு மாதிரி பல விலங்குகள் குட்டிக்குப் பால் கொடுக்கும்னு நமக்குத் தெரியும். ஆனா, எறும்புகளும் பால் கொடுக்கும்னு உங்களுக்குத் தெரியுமா? வாங்க, எறும்பு பால் பத்தின சில சுவாரஸ்யமான விஷயங்களைப் பார்க்கலாம்.
தாய் தன் குழந்தைக்குப் பால் கொடுப்பது இயற்கையின் ஒரு அற்புதம். மனிதர்கள் மட்டுமல்ல, பல விலங்குகளும் தங்கள் குட்டிகளுக்குப் பால் கொடுக்கின்றன. இந்த பாலில் குட்டியின் வளர்ச்சிக்குத் தேவையான பல சத்துகள் இருக்கின்றன. பசு, எருமை, நாய் போன்ற வீட்டு விலங்குகள் முதல் காட்டில் வாழும் புலி, சிங்கம், ஏன் கழுதை, ஒட்டகம்கூட பால் கொடுக்கும். ஆனால், எறும்புகளும் பால் கொடுக்கும் என்பது உங்களுக்குத் தெரியுமா?
25
குட்டி எறும்புகள் பால் கொடுக்குமா?
பொதுவாக, பால் கொடுக்கும் விலங்குகளை பாலூட்டிகள்னு சொல்வோம். ஆனா எறும்புகள் பூச்சி வகை, பாலூட்டி இல்லை. இருந்தாலும், எறும்புகள் பால் உற்பத்தி செய்வதை ஆராய்ச்சியாளர்கள் கண்டுபிடிச்சிருக்காங்க. மற்ற விலங்குகளில் பெரியவை குட்டிகளுக்குப் பால் கொடுக்கும். ஆனா எறும்புகளில் இது தலைகீழ். குட்டி எறும்புகள் பால் கொடுக்க, பெரிய எறும்புகள் அதைக் குடிக்குமாம். முட்டையிலிருந்து லார்வா, பிறகு பியூப்பா என எறும்புகள் பல நிலைகளைக் கடந்து உருவாகும். இந்த பியூப்பா பருவத்தில்தான், எறும்புகள் பால் போன்ற ஒரு திரவத்தை வெளியிடுகின்றன. இது லார்வாக்களுக்கு உணவாகப் பயன்படுகிறது.
35
பெரிய எறும்புகள்
பியூப்பா பருவத்தில் இருக்கும் குட்டி எறும்புகள், தேவைக்கு அதிகமாகவே பால் போன்ற திரவத்தை சுரக்கின்றன. இந்த மொத்த திரவத்தையும் லார்வாக்களால் குடிக்க முடியாது. மீதமுள்ள திரவம் அப்படியே தேங்கினால், அதில் லார்வாக்கள் மூழ்கி இறந்துவிடும் அபாயம் உள்ளது. இதனால்தான், பெரிய எறும்புகள் அந்தப் பாலைக் குடித்துவிடுகின்றன. இதன் மூலம், திரவத்தின் அளவு சமநிலைப்படுத்தப்பட்டு, லார்வாக்களும் பாதுகாக்கப்படுகின்றன. ஆக, பியூப்பாக்கள் சுரக்கும் பாலை லார்வாக்களும், பெரிய எறும்புகளும் குடிக்கின்றன.
மனித தாய்ப்பாலில் எப்படி நிறைய சத்துகள் இருக்கின்றனவோ, அதேபோல எறும்பின் பாலிலும் நல்ல சத்துகள் இருப்பதாக ஆராய்ச்சியாளர்கள் கூறுகின்றனர். இது எறும்புகளின் வளர்ச்சிக்கு பெரிதும் உதவுகிறது. எறும்புகளின் பாலில் அமினோ அமிலங்கள், வைட்டமின்கள் மற்றும் சர்க்கரைச் சத்துக்கள் நிறைந்துள்ளன. மேலும், எறும்புகளின் வளர்ச்சிக்குத் தேவையான பல பொருட்கள் இதில் இருப்பதாக ஆய்வுகள் தெரிவிக்கின்றன. குறிப்பாக, லார்வா பருவத்திலிருந்து முழு எறும்பாக உருமாறும் நேரத்தில், இந்த பாலிலிருந்துதான் அவற்றுக்கு ஊட்டச்சத்து கிடைக்கிறது. இந்த பால் மட்டும் இல்லையென்றால், எறும்பு இனமே அழிந்துபோகும் அபாயம் இருந்திருக்கும் என்றும் கூறுகிறார்கள்.
மனிதர்கள் பசு, எருமைகளிடமிருந்து பாலை சேகரித்து குடிக்கிறார்கள். கழுதை, ஒட்டகப் பாலில் கூட மருத்துவ குணங்கள் இருப்பதாகக் கூறி சேகரிக்கிறார்கள். அப்போ, எறும்பு பாலையும் சேகரிக்க முடியுமா? என்றால், 'அது சாத்தியமே இல்லை' என்கின்றனர் ஆராய்ச்சியாளர்கள். எறும்புகள் மிகச் சிறிய உயிரினங்கள். அதிலும் பியூப்பா பருவத்தில், அவை கண்ணுக்கே தெரியாத அளவுக்கு இன்னும் சிறியதாக இருக்கும். இவ்வளவு சிறிய உயிரினம் கொடுக்கும் பாலின் அளவை நீங்களே கற்பனை செய்து பாருங்கள். அதனால், இந்த பாலை வணிக ரீதியாக சேகரிப்பது முடியாத காரியம். ஆனாலும், ஆராய்ச்சிக்காக மட்டும் சில பிரத்யேக முறைகளைப் பயன்படுத்தி இதை சேகரிக்கிறார்கள்.
ஸ்மார்ட்போன்கள் மற்றும் AI முதல் சைபர் பாதுகாப்பு, அறிவியல் முன்னேற்றங்கள் வரை — சமீபத்திய தொழில்நுட்ப (Technology News in Tamil) அப்டேட்களை தொடர்ச்சியாக பெறுங்கள். டிஜிட்டல் டிரெண்ட்ஸ் குறித்து நிபுணர்களின் கருத்துகள், விரிவான தகவல்கள் மற்றும் பிரேக்கிங் நியூஸை வழங்கும் ஒரே தளம் ஏஷ்யாநெட் தமிழ் நியூஸ்.புதிய கேஜெட் ரிலீஸ் ஆனதா? புதிய ஸ்டார்ட்அப்புகள் வந்தவையா? எதிர்காலத்தை மாற்றக்கூடிய எந்த டெக் பாலிஸி வந்துள்ளது? இவை அனைத்திற்கும் சிறு சிறு தகவல்கள் இங்கு கிடைக்கும். டெக் விளக்கக் குறிப்புகள் மற்றும் கேஜெட் டெமோ வீடியோக்களையும் நீங்கள் பார்க்கலாம்.
