எவ்வளவு பெரிய மழையானாலும் தாக்கு பிடிக்கும்! ₹20,000-க்கு கீழ் கிடைக்கும் டாப் 5 வாட்டர் ரெசிஸ்டன்ட் 5G ஸ்மார்ட்போன்கள்!

மழையிலிருந்து உங்கள் ஃபோனைப் பாதுகாக்கவும்! ₹20,000-க்கு கீழ் கிடைக்கும் 5 வாட்டர் ரெசிஸ்டன்ட் 5G ஸ்மார்ட்போன்கள்: Oppo, iQOO, Moto, Realme மற்றும் Xiaomi ஆகிய நிறுவனங்களின் மாடல்களின் பட்டியல்.

மழைக்காலத்தில் கைகொடுக்கும் புது போன்கள்!

இந்தியாவில் தற்போது பல மாநிலங்களில் கனமழை பெய்து வருகிறது. இந்த நேரத்தில் உங்கள் ஸ்மார்ட்போனை மழையிலிருந்து பாதுகாப்பது ஒரு பெரிய சவாலாக இருக்கலாம். ஆனால், சந்தையில் ₹20,000-க்கு கீழ் கிடைக்கும் சில ஸ்மார்ட்போன்கள் நீர் எதிர்ப்புடன் (Water Resistant) வெளிவந்துள்ளன. இதன் மூலம், எதிர்பாராத மழைத் தூறலில் உங்கள் ஃபோன் நனைந்தாலும் கவலைப்படத் தேவையில்லை. அத்தகைய ஐந்து சிறந்த ஸ்மார்ட்போன்கள் இங்கே பட்டியலிடப்பட்டுள்ளன.

1. Oppo K13

சமீபத்தில் அறிமுகப்படுத்தப்பட்ட Oppo K13 ஸ்மார்ட்போனின் விலை ₹17,999 ஆகும். இது 7000mAh பேட்டரி, ஃபாஸ்ட் சார்ஜிங் மற்றும் 6.67-இன்ச் FHD+ AMOLED டிஸ்ப்ளேவுடன் வருகிறது. குவால்காம் ஸ்னாப்டிராகன் 6 ஜென் 4 பிராசஸர் மூலம் இயக்கப்படும் இந்த போன் 8GB ரேம் கொண்டுள்ளது. மழைக்காலங்களில் துணிச்சலுடன் பயன்படுத்த ஒரு சிறந்த தேர்வாக இது இருக்கும்.

2. iQOO Z10R

புதிதாக அறிமுகமான iQOO Z10R ஸ்மார்ட்போன் ₹19,499 விலையில் கிடைக்கிறது. இது 5700mAh பேட்டரி மற்றும் ஃபாஸ்ட் சார்ஜிங் வசதியுடன் வருகிறது. இதில் 6.77-இன்ச் FHD+ AMOLED டிஸ்ப்ளே மற்றும் MediaTek Dimensity 7400 பிராசஸர் இடம்பெற்றுள்ளது. இதுவும் நீர் எதிர்ப்புடன் வடிவமைக்கப்பட்டுள்ளது.

3. Moto G86 Power

Moto G86 Power ஃபோனின் விலை ₹16,999 ஆகும். இது 6720mAh பேட்டரி, பாஸ்ட் சார்ஜிங் மற்றும் 6.7-இன்ச் FHD+ p-OLED டிஸ்ப்ளேவைக் கொண்டுள்ளது. MediaTek Dimensity 7400 பிராசஸர் மற்றும் 8GB ரேம் கொண்ட இந்த ஃபோன் நீர் எதிர்ப்பு திறனுடன் வருகிறது.

4. Realme P3

Realme P3 ஸ்மார்ட்போன் ₹16,499 விலையில் கிடைக்கிறது. இதில் 6000mAh பேட்டரி மற்றும் ஃபாஸ்ட் சார்ஜிங் உள்ளது. 6.67-இன்ச் FHD+ AMOLED டிஸ்ப்ளேவுடன் வரும் இந்த போன், Qualcomm Snapdragon 6 Gen 4 பிராசஸர் மூலம் இயக்கப்படுகிறது. இதுவும் 8GB ரேம் கொண்ட நீர் எதிர்ப்பு மாடலாகும்.

5. Xiaomi Redmi Note 14 5G

Xiaomi Redmi Note 14 5G ஃபோனின் விலை ₹16,999. இது 5110mAh பேட்டரி, பாஸ்ட் சார்ஜிங் மற்றும் 6.67-இன்ச் FHD+ AMOLED டிஸ்ப்ளேவைக் கொண்டுள்ளது. MediaTek Dimensity 7020 பிராசஸர் மற்றும் 6GB ரேம் கொண்ட இந்த ஸ்மார்ட்போன் மழைக்காலத்திற்கு ஏற்ற ஒரு சிறந்த தேர்வாகும்.